ຊາຄອມແບັງ ຈັບສະຫຼາກຈາກໂຄງການຝາກເງິນມື້ນີ້ ໂຊກດີແມ່ນທ່ານ - Laoedaily

ຊາຄອມແບັງ ຈັບສະຫຼາກຈາກໂຄງການຝາກເງິນມື້ນີ້ ໂຊກດີແມ່ນທ່ານ

ທະນາຄານຊາຄອມແບັງ ລາວ ຈັບສະຫຼາກໂປຣໂມຊັນ “ ຝາກເງິນມື້ນີ້ ໂຊກດີແມ່ນທ່ານ ” ລວມມູນຄ່າລາງວັນຫຼາຍກວ່າ 400 ລ້ານກີບ ເພື່ອຄືນກຳໄລໃຫ້ແກ່ລູກຄ້າ.

ໃນວັນທີ 9 ທັນວາຜ່ານມາ ທະນາຄານໄຊງ່ອນເທືອງຕິ່ນ ລາວ ຈຳກັດ ຫຼື ເອີ້ນຊື່ໜຶ່ງວ່າທະນາຄານຊາຄອມແບັງ ລາວ ໄດ້ຈັດພິທີຄົ້ນຫາຜູ້ໂຊກດີລາຍການໂປຣໂມຊັນ “ ຝາກເງິນມື້ນີ້ ໂຊກດີແມ່ນທ່ານ ” ຂຶ້ນທີ່ອາຄານສຳນັກງານໃຫຍ່, ບ້ານຫາຍໂສກ ເມືອງຈັນທະບູລີ ນະຄອນຫຼວງວຽງຈັນ ຕາງໜ້າໃຫ້ແກ່ທະນາຄານເຂົ້າຮ່ວມໂດຍ ທ່ານ ນາງ ມອນວິໄລ ບໍລິບູນ ຮອງຜູ້ອຳນວຍການໃຫຍ່ ທະນາຄານຊາຄອມແບັງ ລາວ, ມີ ທ່ານ ສົມປະດິດ ວໍລະຈິດ ຮອງຫົວໜ້າກົມຄຸ້ມຄອງທະນາຄານທຸລະກິດ, ທະນາຄານ ແຫ່ງ ສປປ ລາວ, ມີທ່ານເຈົ້າເມືອງຈັນທະບູລີ ພ້ອມດ້ວຍແຂກທີ່ຕາງໜ້າຈາກຫຼາຍພາກສ່ວນເຂົ້າຮ່ວມ.

Image may contain: 1 person, standing and flower

ໃນພິທີ ທ່ານ ນາງ ມອນວິໄລ ບໍລິບູນ ໄດ້ກ່າວວ່າ: ຊາຄອມແບັງ ລາວ ເປັນທະນາຄານທີ່ໃຫ້ບໍລິການສຳລັບລູກຄ້າລາຍຍ່ອຍ ໂດຍເນັ້ນການບໍລິການໃຫ້ແກ່ວິສາຫະກິດຂະໜາດນ້ອຍ ແລະ ກາງ ຫຼື SME ເຊິ່ງໃນໄລຍະຜ່ານມາທາງທະນາຄານໄດ້ສຸມໃສ່ ແລະ ມຸ່ງໝັ້ນຢ່າງບໍ່ຢຸດຢັ້ງທີ່ຈະຄົ້ນຄວ້າອອກຜະລິດຕະພັນການບໍລິການຕ່າງໆໃຫ້ແທດເໝາະກັບບັນດາຄວາມຕ້ອງການຂອງລູກຄ້າ ບໍ່ວ່າຈະເປັນຜະລິດຕະພັນເງິນຝາກທີ່ລູກຄ້າສາມາດເລືອກຝາກໄດ້ຫຼາຍປະເພດ ເຊັ່ນ: ຝາກປະຢັດສະສົມ ເພື່ອອະນາຄົດທີ່ສົດໃສຂອງລູກຫຼານ, ຝາກປະຢັດ, ຝາກປະ  ຈຳ, ຝາກປະຢັດພິເສດ ແລະ ຝາກກະແສລາຍວັນ. ບັນດາຜະລິດຕະພັນເງິນກູ້ ໄດ້ແກ່: ກູ້ເພື່ອດຳເນີນທຸລະກິດ, ກູ້ຊື້ລົດ, ກູ້ຊື້ດິນ, ສ້ອມແປງ ຫຼື ປຸກສ້າງອາຄານເຮືອນ, ກູ້ຊົມໃຊ້ສຳລັບພະນັກງານ ແລະ ພິເສດ ຍັງມີເງິນກູ້ເພື່ອສົ່ງເສີມ SME. ນອກຈາກນີ້, ຍັງມີອີກຫຼາກຫຼາຍຜະລິດຕະພັນ ເຊັ່ນ: ແລກປ່ຽນເງິນຕາ, ຊໍາລະພາຍໃນ, ຊຳລະສາກົນ, ແອັບ 365@Pay, QR Code ທີ່ສ້າງຄວາມສະດວກສະບາຍໃຫ້ກັບລູກຄ້າໃນການເຮັດທຸລະກຳຜ່ານໜ້າຈໍມືຖື.

Image may contain: 4 people, people standing and text

ທ່ານໄດ້ກ່າວຕື່ມອີກວ່າ: ສຳລັບການໂປຣໂມຊັນ “ ຝາກເງິນມື້ນີ້ ໂຊກດີແມ່ນທ່ານ ” ແມ່ນໄດ້ເລີ່ມຕົ້ນລາຍການຕັ້ງແຕ່ວັນທີ 1 ມິຖຸນາ ເຖິງ 1 ທັນວາ 2020 ເປັນຕົ້ນມາ ເຊິ່ງລວມມູນຄ່າລາງວັນຫຼາຍກວ່າ 400 ລ້ານກີບ ໂດຍຈຸດປະສົງຫຼັກທີ່ທາງທະນາຄານຈັດຕັ້ງລາຍການ ໂປຣໂມຊັນເງິນຝາກຄັ້ງນີ້ຂຶ້ນມາກໍເພື່ອຄືນກຳໄລ, ພ້ອມທັງຂອບໃຈລູກຄ້າທີ່ໄວ້ວາງໃຈໃນການບໍລິການຂອງທະນາຄານ ແລະ ໃນປີຕໍ່ໆໄປ ທາງທະນາຄານກໍຂໍສັນຍາວ່າຈະຈັດກິດຈະກຳດີໆແບບນີ້ຂຶ້ນອີກ.

Image may contain: one or more people and people standing

ໃນພິທີໄດ້ເລີ່ມການຄົ້ນຫາຜູ້ໂຊກດີ ໂດຍເລີ່ມຈາກລາງວັນນ້ອຍ ຫາ ໃຫຍ່ ແລະ ຜົນຜູ້ໂຊກດີທີ່ໄດ້ຮັບລາງວັນໃນຄັ້ງນີ້ ປະກອບມີ: ລາງວັນພິເສດ ປຶ້ມບັນຊີເງິນຝາກປະຈຳ ມູນຄ່າ 100 ລ້ານກີບ ຈໍານວນ 1 ລາງວັນ ເຊິ່ງລາງວັນທີ 1: ຕູ້ເຢັນ HAIER ມີ 2 ລາງວັນ; ລາງວັນທີ 2 ຕູ້ຊັກຜ້າ SAMSUNG ມີ 3 ລາງວັນ; ລາງວັນທີ 3 ໂທລະພາບ SAMSUNG ຂະໜາດ 32 ນິ້ວ ມີ 4 ລາງວັນ ແລະ ລາງວັນທີ 4 ປຶ້ມບັນຊີເງິນຝາກປະຢັດສະສົມ ຈຳນວນ 30 ລາງວັນ ລາງວັນລະ 1.000.000 ກີບ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ