ທຸກຄົນມີສ່ວນຮ່ວມຊ່ວຍທຸລະກິດບໍລິການຂອງລາວໃຫ້ຟື້ນຕົວດ້ວຍໂຄງການ ‘ລາວຊ່ວຍລາວ’ - Laoedaily

ທຸກຄົນມີສ່ວນຮ່ວມຊ່ວຍທຸລະກິດບໍລິການຂອງລາວໃຫ້ຟື້ນຕົວດ້ວຍໂຄງການ ‘ລາວຊ່ວຍລາວ’

ເຟສບຸກເປີດໂຕໂຄງການ “ລາວຊ່ວຍລາວ’ ຜ່ານວີດີໂອສັ້ນ ທີ່ເນັ້ນການສົ່ງເສີມການນຳສະເໜີຜະລິດຕະພັນລາວ, ສະຖານທີ່ທ່ອງທ່ຽວ ເພື່ອເຮັດໃຫ້ຄົນຮູ້ຈັກ ແລະ ຢາກໄປທ່ຽວໃຫ້ຫຼາຍຂຶ້ນຊ່ວຍຍົກລະດັບໃຫ້ເສດຖະກິດທ້ອງຖີ່ນດີຂຶ້ນ ໂດຍທຸກຄົນສາມາດມີສ່ວນຮ່ວມພຽງແຕ່ຖ່າຍຮູບແລ້ວໂພສລົງ Facebook


ພິທີຖະແຫຼງຂ່າວເປີດໂຕໂຄງການດັ່ງກ່າວມີຂຶ້ນວັນທີ 9ທັນວາ 2020 ທີ່ຮ້ານCommon Ground Coffee ນະຄອນຫຼວງວຽງຈັນ ໂດຍມີຕ່າງໜ້າບໍລິສັດບິກບລູ ແລະ ສື່ມວນຊົນເຂົ້າຮ່ວມ ພ້ອມນັ້ນຍັງດຳເນີນກິດຈະກຳຜ່ານວິດີໂອທາງໄກກັບຜູ້ປະສານງານຂອງເພສບຸກ ໃນພາກພື້ນ.
ທ່ານ ແພັກເດ ເຮັງ ຫົວໜ້ານະໂຍບາຍສາທາລະນະ ກຳປູເຈຍ ແລະ ສປປລາວ ໄດ້ກ່າວວ່າ: ໂຄງການລາວຊ່ວຍລາວ ມີຄວາມມຸ່ງຫວັງທີ່ຈະໃຫ້ການສະນັບສະໜູນ ທຸລະກິດ ແລະ ຊຸມຊົນ ໃນປະເທດລາວໃຫ້ຫຼາຍທີ່ສຸດ ເຊິ່ງທຸລະກິດຫຼາຍແຫ່ງກໍາລັງປະສົບກັບສິ່ງທ້າທາຍ ບໍ່ຄາດຄິດ ໂດຍສະເພາະໃນຂະແໜງການທ່ອງທ່ຽວ.


ກິດຈະກຳ ‘ລາວທ່ຽວລາວ’ ຈະເຜີຍແຜ່ເນື້ອໃນວິດີໂອທີ່ຜະລິດ ແລະ ແຕ່ງໂດຍນັກສ້າງວິດີໂອທ່ອງທ່ຽວຊັ້ນນໍາໃນ Facebook ຂອງລາວປະກອບມີ ເພຈ ປີລະທ່ຽວ, ແລະ ເພຈ ໝໍແຂ້ວພາທ່ຽວ ພ້ອມກັບເພຈ ທ້ອງແຕກ ຜ່ານ Facebook Watch ແຫຼ່ງວິດີໂອໃນ ແພັດຟອມ Facebook ເຊິ່ງແຕ່ລະເພຈ ມີການນໍາສະເໜີທີ່ແຕກຕ່າງກັນ ໄປໃນຮູບແບບຂອງຕົນ ເຊິ່ງມີການທ່ຽວຊົມສະຖານທີ່ທ່ອງທ່ຽວພາຍໃນທ້ອງຖິ່ນ ສະຖານທີ່ເໝາະສົມກັບການຖ່າຍຮູບ ລົງໃນ Instagram ລວມທັງອາຫານ ແລະ ເຄື່ອງດື່ມຈົນເຖິງທຸລະກິດຂະໜາດນ້ອຍທີ່ທຸກຄົນ ສາມາດຄົ້ນຫາໃນ Facebook.


ທ່ານກ່າວວ່າ ຈຸດປະສົງທີ່ເນັ້ນເອົາວີດີໂອເຂົ້າໃນໂຄງການຍ້ອນວ່າ ປະຊາກອນ 1,25ພັນລ້ານຄົນ ກໍາລັງເຂົ້າເບິ່ງ Facebook Watch ແລະ ຫຼາຍກວ່າ 720 ລ້ານຄົນທົ່ວໂລກ ໃຊ້ເວລາເປັນຢ່ງຕໍ່າໜຶ່ງນາທີ ຕໍ່ເດືອນໃນການເບິ່ງ ວິດີໂອໃນ Facebook ເພາະແນວນັ້ນ ພວກເຮົາຈຶ່ງເຮັດວຽກກັບນັກສ້າງວີດີໂອໃນປະເທດລາວ ກໍ່ຄື ເພຈ: ປີລະທ່ຽວ, ໝໍແຂ້ວພາທ່ຽວ ແລະ ເພຈ ທ້ອງແຕກ ເຊິ່ງພາຍໃນງານເຈົ້າຂອງທັງ 3 ເພຈ ກໍໄດ້ມາຮ່ວມແບ່ງປັນປະສົບການໃນການສ້າງເພຈ ແລະ ເຂົ້າຮ່ວມໂຄງການລາວທ່ຽວລາວ


ທຸກທ່ານສາມາດມ່ວນຊື່ນ ແລະ ຕິດຕາມແຄມເປນ ລາວຊ່ວຍລາວ ເລີ່ມແຕ່ວັນທີ 9 – 26 ທັນວາ 2020 ໂດຍຕິດຕາມຜ່ານເພຈ Pee la Thiao, Dentist Adventure ແລະ Thog Taek ໃນ Facebook ແລະ http://www.facebook.com/hash/laohelplao ປະຊາຊົນລາວສາມາດເຂົ້າມີສ່ວນຮ່ວມ ໃນກິດຈະກຳດ້ວຍການໂພສ ຮູບພາບ ແລະ ວິດີໂອກ່ຽວກັບສະຖານທີ່ ຜະລິດຕະພັນ ຫຼື ການບໍລິການໃນທ້ອງຖິ່ນທີ່ມັກລົງໃນ Facebook ຫຼື Instagram

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ