ຈີນ - ອາຊຽນ ເຊັນສັນຍາການລົງທຶນ 263 ຕື້ກວ່າຢວນ - Laoedaily

ຈີນ – ອາຊຽນ ເຊັນສັນຍາການລົງທຶນ 263 ຕື້ກວ່າຢວນ

ສຳນັກຂ່າວຊິນຮວາ ລາຍງານວ່າ: ຈີນ ແລະ ອາຊຽນ ໄດ້ເຊັນສັນຍາຮ່ວມມືດ້ານການລົງທຶນ ຈຳນວນ 86 ໂຄງການ ມີມູນຄ່າທັງໝົດ 263 ຕື້ກວ່າຢວນ ເພີ່ມຂຶ້ນ 43,6% ເມື່ອທຽບໃສ່ປີຜ່ານມາ ເຊິ່ງມີມູນຄ່າສູງສຸດເປັນຄັ້ງປະຫວັດສາດ.

ພິທີເຊັນສັນຍາດັ່ງກ່າວມີຂຶ້ນໃນງານວາງສະແດງສິນຄ້າຈີນ – ອາຊຽນ ຄັ້ງທີ 17 ໄດ້ຈັດຂຶ້ນທີ່ນະຄອນໜານໜິງ ເຂດ ກວາງຊີ ສປ ຈີນ. ສຳລັບງານວາງສະແດງສິນຄ້າຈີນ – ອາຊຽນ ໄດ້ຈັດຂຶ້ນ 17 ປີຕໍ່ກັນ ເຊິ່ງແຕ່ລະປີມີວິສາຫະກິດຂອງຈີນ ແລະ ຕ່າງປະເທດເຂົ້າຮ່ວມເພີ່ມຂຶ້ນ ໂດຍໄດ້ຖືເອົາງານນີ້ເປັນໂອກາດສຳຄັນໃນການຈັບຄູ່ຮ່ວມມືດ້ານການຄ້າ – ການລົງທຶນ ແລະ ພັດທະນາຕະຫຼາດຈີນ ແລະ ປະເທດຢູ່ລຽບຕາມ “ ໜຶ່ງແລວ ໜຶ່ງເສັ້ນທາງ ” ທີ່ມີອາຊຽນເປັນຈຸດໃຈກາງ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ