ສະເຕັມ ML 35ສາວງາມຈາກແຂວງ ໄຊຍະບູລີອີກຄົນ ໃນເວທີນາງສາວລາວ 2020 - Laoedaily

ສະເຕັມ ML 35ສາວງາມຈາກແຂວງ ໄຊຍະບູລີອີກຄົນ ໃນເວທີນາງສາວລາວ 2020

ອີກໜຶ່ງສາວງາມ ໃນກອງປະກວດ ນາງສາວລາວ 2020 ຕົວແທນຈາກແຂວງ ໄຊຍະບູລີ ສາວ ບົວເງິນ ທຳມະວົງ ຫລື ສະເຕັມ ອາຍຸ 24 ປີ ສູງ172 ຊັງຕີແມັດ ຈົບການສຶກສາຈາກ ສະຖາບັນຍຸຕິທຳແຮງຊາດ ສາຂາ ກົດຫລາຍທຸລະກິດ ແລະ ມະຫາວິທະຍາໄລແຫ່ງຊາດ ຄະນະ ວິທະຍາສາດສັງຄົມ. ປັດຈຸບັນ ເຮັດວຽກຢູ່ບໍລິສັດ ອິນເຕີເວຍ ບໍລິຫານ ອະສັງຫາລິມະຊັບ ຈຳກັດ.


ອາໄສຢູ່ບ້ານ ເມືອງນ້ອຍ ເມືອງໄຊເສດຖາ ນະຄອນຫຼວງວຽງຈັນ ເປັນໂຕແທນ ຈາກແຂວງ ໄຊຍະບູລີ


ສະເຕັມ ໄດ້ໃຫ້ສຳພາດວ່າ ນ້ອງຕັດສິນໃຈເຂົ້າມາກວດເພາະວ່ານ້ອງຢາກເອົາຊະນະໃຈໂຕເອງ, ກ້າທີ່ຈະເຮັດຕາມຄວາມຝັນໃຫ້ເປັນຄວາມຈິງ ເຊິ່ງຕ້ອງໃຊ້ຄວາມພະຍາຍາມມານະອົດທົນ ໂດຍບໍ່ມີຂໍ້ຈຳກັດບໍ່ວ່າຈະເປັນເລື່ອງຖານະທາງດ້ານສັງຄົມ ຫລື ສິ່ງໃດກໍຕາມ.


ເວທີນີ້ເປັນເວທີທຳອິດທີ່ຕັດສິນໃຈມາປະກວດ ແລະ ມີຄວາມຄາດຫວັງຄືທຸກໆຄົນທີ່ເຂົ້າມາປະກວດລ້ວນແລ້ວແຕ່ຢາກໄດ້ຮັບຕຳແຫນ່ງ ແຕ່ທີ່ສຳຄັນໄປກວ່ານັ້ນກໍຄືການໄດ້ຮຽນຮູ້ວັດທະນະທຳຂອງແຕ່ລະແຂວງທີ່ຄວາມແຕກຕ່າງກັນ ແລະ ການມີມິດຕະພາບທີ່ດີກັບຫມູ່ເພື່ອນນາງສາວທຸກໆຄົນ.


ສຳລັບການກຽມພ້ອມ ນ້ອງໄດ້ສຶກສາຮຽນຮູ້ຂໍ້ມູນຕ່າງໆ, ການຝຶກໄຫວພິບ, ການຊ້ອມຍ່າງ ແລະ ການກຽມຮ່າງກາຍໃຫ້ພ້ອມເພື່ອທີ່ຈະເຂົ້າຮ່ວມໃນເວທີນີ້


ຄວາມສາມາດພິເສດ ນ້ອງສາມາດເປັນພິທີກອນ ແລະ ການສະແດງ ສາມາດເວົ້າໄດ້ 3ພາສາ ຄື ລາວ,ໄທ,ອັງກິດ

ນ້ອງຄິດວ່ານ້ອງສາມາດເປັນຄົນ 1 ທີ່ເປັນໂຕແທນໃຫ້ແກ່ແມ່ຍິງລາວທີ່ເປັນແບບຢ່າງໃນການເປັນແຮງບັນດານໃຈ ແລະ ແຮງຜັກດັນໃຫ້ທຸກໆຄົນ ໂດຍສະເພາະໄວຫນຸ່ມຍຸກໃຫມ່ເພື່ອສືບສານຮັກສາວັດທະນະທຳຮີດຄອງປະເພນີໃຫ້ຢູ່ຄຽງກັບເຮົາຕະຫລອດໄປ.


ສຸດທ້າຍນີ້ນ້ອງເຊື່ອວ່າທຸກຄົນຈະເຫັນຄວາມຕັ້ງໃຈ ແລະ ຄວາມພະຍາຍາມຂອງນ້ອງ ຂໍຝາກໃຫ້ທຸກຄົນຊ່ວຍເປັນກຳລັງໃຈ ແລະ ຊ່ວຍໂຫວດຊ່ວຍເຊຍ ML35 ໂຕແທນຈາກແຂວງໄຊຍະບູລີແດ່ເດີ້ …ຂອບໃຈ

.

.


ຂ່າວ: ເມລີ , ພາບຈາກເພສບຸກ Stëm Thammavong

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ