ຫົວເຫວີຍ ປະກາດຜົນປະກອບການທາງທຸລະກິດ ໄຕມາດສາມຂອງປີ 2020 ເພີ່ມຂຶ້ນ 9,9% - Laoedaily

ຫົວເຫວີຍ ປະກາດຜົນປະກອບການທາງທຸລະກິດ ໄຕມາດສາມຂອງປີ 2020 ເພີ່ມຂຶ້ນ 9,9%

ໃນວັນທີ 23 ກັນຍາ 2020 ທີ່ນະຄອນເສິນເຈີ້ນ ປະເທດຈີນ, ຫົວເຫວີຍ ໄດ້ປະກາດຜົນປະກອບການທາງທຸລະກິດໄຕມາດສາມຂອງປີ 2020, ໃນໄລຍະ ນີ້ ຫົວເຫວີຍ ມີລາຍໄດ້ 671,3 ຕື້ຢວນ ເພີ່ມຂຶ້ນ 9,9% ຈາກໄລຍະດຽວກັນຂອງປີທີ່ຜ່ານມາ. ອັດຕາກຳໄລສຸດທິຂອງ ບໍລິສັດ ໃນໄລຍະນີ້ຢູ່ທີ່ 8,0% ຕະຫຼອດສາມໄຕມາດທຳອິດຂອງປີ 2020, ຜົນລັບ ທາງທຸລະກິດຂອງ ຫົວເຫວີຍ ແມ່ນເປັນໄປຕາມການຄາດໝາຍ.
ໃນຂະນະທີ່ໂລກກຳລັງຕໍ່ສູ້ກັບໂຄວິດ – 19 ລະບົບຕ່ອງໂສ້ການສະໜອງທົ່ວໂລກຂອງ ຫົວເຫວີຍ ກໍາລັງຖືກກົດດັນຢ່າງໜັກ, ການຜະລິດ ແລະ ການດຳເນີນງານຕ້ອງພົບກັບຄວາມທ້າທາຍທີ່ສຳຄັນ, ບໍລິສັດຍັງຄົງພະຍາຍາມຢ່າງເຕັມທີ່ໃນການຄົ້ນຫາວິທີແກ້ໄຂບັນຫາ ເພື່ອຢູ່ລອດ ແລະ ກ້າວໄປຂ້າງໜ້າ ແລະ ປະຕິບັດຕາມພັນທະຂອງຕົນທີ່ມີຕໍ່ລູກຄ້າ ແລະ ຜູ້ສະໜອງ.
ໃນອະນາຄົດ ຫົວເຫວີຍ ຈະໃຊ້ປະໂຫຍດຈາກຈຸດແຂງໃນເຕັກໂນໂລຊີ ICT ເຊັ່ນ: AI, cloud, 5G ແລະ ຄອມພິວເຕີ ເພື່ອວິທີແກ້ໄຂທີ່ອີງໃສ່ສະຖານະການ, ພັດທະນາການນຳໃຊ້ຂໍ້ມູນອຸດສາຫະກຳ ແລະ ປົດປ່ອຍຄຸນຄ່າຂອງເຄືອຂ່າຍ 5G ພ້ອມກັບພັນທະມິດ, ເປົ້າໝາຍທີ່ລະບຸໄວ້ຄືການຊ່ວຍໃຫ້ອົງກອນຕ່າງໆເຕີບໂຕທາງທຸລະກິດ ແລະ ຊ່ວຍລັດຖະບານໃນການສົ່ງເສີມອຸດສາຫະກຳໃນປະເທດ, ອົງປະກອບທີ່ເປັນປະໂຫຍດ ແລະ ປັບປຸງການກໍາກັບເບິ່ງແຍງໂດຍລວມ.


ICT ໄດ້ກາຍເປັນຮາກຖານທີ່ສໍາຄັນຂອງສັງຄົມສະໄໝໃໝ່ ແລະ ເປັນຕົວຂັບເຄື່ອນຫຼັກທີ່ຢູ່ເບື້ອງຫຼັງການພັດທະນາສັງຄົມເສດຖະກິດ ແລະ ສິ່ງແວດລ້ອມຢ່າງຍືນຍົງ. ຫົວເຫວີຍ ເຊື່ອວ່າການພັດທະນາຢ່າງວ່ອງໄວ ແລະ ສຸຂະພາບທີ່ດີພາຍໃນອຸດສາຫະກຳ ICT ຈະຕ້ອງອາໄສການຮ່ວມມືແບບເປີດກວ້າງ ແລະ ຄວາມໄວ້ວາງໃຈເຊິ່ງກັນ ແລະ ກັນ ໃນອຸດສາຫະກຳທົ່ວໂລກ. ດັ່ງນັ້ນ, ຈະຍັງຄົງເຮັດວຽກຢ່າງໃກ້ຊິດກັບພັນທະມິດໃນທົ່ວໂລກ ແລະ ໃຊ້ເຕັກໂນໂລຊີ ICT ທີ່ເປັນນະວັດຕະກຳໃໝ່ ເພື່ອສ້າງມູນຄ່າທີ່ຫຼາຍຂຶ້ນໃຫ້ກັບລູກຄ້າ ເຖິງວ່າຈະພົບກັບສະຖານະການທີ່ສັບຊ້ອນ ບໍລິສັດ ກໍຍັງຄົງຈະສະໜັບສະໜູນການຕອບສະໜອງຕໍ່ການເຕີບໂຕທາງເສດຖະກິດ ແລະ ຄວາມກ້າວໜ້າທາງສັງຄົມ.
ຂໍ້ມູນທາງການເງິນທີ່ເປີດເຜີຍໃນທີ່ນີ້ເປັນຕົວເລກທີ່ຍັງບໍ່ໄດ້ກວດສອບ ເຊິ່ງຮວບຮວມຕາມມາດຕະຖານການລາຍງານ ທາງການເງິນລະຫວ່າງປະເທດ ອັດຕາແລກປ່ຽນໃນທ້າຍເດືອນກັນຍາ 2020 US 1$ = CNY6.8101

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ