ວັນທີ 25 ຕຸລາ 2020 ນີ້ທີ່ LAP DE Lines ຖະໜົນດອນນົກຂຸ້ມ ນະຄອນຫລວງວຽງຈັນ ບໍລິສັດວີໂວ່ ລາວ (vivo Sole, (lao) Co., Ltd) ໄດ້ນຳສະເໜີຜະລິດຕະພັນໃໝ່ຫລ້າສຸດຂອງຕົນ ໂດຍການເຂົ້າຮ່ວມຂອງຜູ້ບໍລິຫານວີໂວ່ປະຈຳລາວ,ແຂກຮັບເຊີນ ແລະ ສື່ມວນຊົນ.
ພາຍໃຕ້ຈຸດປະສົງນໍາສະເໜີສິນຄ້າ vivo V20 Pro ຮັບຮອງ 5G ພ້ອມໃຫ້ລູກຄ້າໄດ້ເຂົ້າສຳຜັດສິນຄ້າຕົວຈິງພາຍໃນງານ ແລະ ຍັງມີການຄືນກຳໄລໃຫ້ລູກຄ້າ ຜ່ານກິດຈະກຳຈັບສະຫລາກຫລາຍລາງວັນ ພ້ອມດ້ວຍລາງວັນໃຫຍ່ vivo V20 Pro.
ທ່ານ ເມກຂະຫລາ ກິ່ງສັກດາ ຜູ້ຈັດການຝ່າຍຜະລິດຕະພັນ ໄດ້ກ່າວນໍາສະເໜີຈຸດເດັ່ນຂອງສະມາດໂຟນ vivo V20 Pro ວ່າ: ຕົວເຄື່ອງບາງ-ເບົາທີ່ສຸດໃນໂລກ ແລະ ອີກໜຶ່ງຈຸດເດັ່ນແມ່ນເນັ້ນທີ່ກ້ອງເປັນຫລັກ ເພື່ອເອົາໃຈໄວໜຸ່ມລາວທີ່ມັກຖ່າຍເຊວຟີ່, ສາຍYouTuber, ຄົນທີ່ມັກຖ່າຍ clog ແລະ live ສົດຂາຍສິນຄ້າຕ່າງໆ ເພາະລຸ້ນນີ້ກ້ອງໜ້າມີຄວາມລະອຽດເຖິງ 44 ລ້ານພິກເຊວ ກ້ອງຫລັງຄວາມລະອຽດສູງເຖິງ 64 ລ້ານພິກເຊວ ພ້ອມກັບຈຸດເດັ່ນດ້ານການອອກແບບທີ່ສະດຸດຕາງົດງາມມີລະດັບ.
ທ່ານ ໄດ້ເວົ້າອີກວ່າ: ໂຕເຄື່ອງບາງພຽງ 7,39 ມິນລີແມັດ ນໍ້າໜັກພຽງ 170 ກຣາມເທົ່ານັ້ນ ມີທັງໝົດ 3 ສີ ຄື: midnight jazz ສີດຳ, moonlight sonata ສີຂາວ ແລະ sunset melody ສີສາຍຮຸ່ງ.
ສຳລັບໜ້າຈໍມີຂະໜາດໃຫຍ່ເປີດປະສົບການເບິ່ງເຫັນໄດ້ກວ້າງ ແລະ ຄວາມລະອຽດສົດໃສ ມາພ້ອມກັບໂຄ້ງແບບ 2,5 D ໃຫ້ມູມມອງຄວາມງົດງາມ.
#ສະຫລຸບຈຸດເດັ່ນຕົ້ນຕໍຂອງ vivo V20 Pro ມີຄື: ໂຕເຄື່ອງບາງເບົາທີ່ສຸດໃນໂລກສາມາດຮອງຮັບສັນຍານ 5G, ໜ້າຈໍໃຫຍ່ AMOLED ກວ້າງເຖິງ 6,44 ນີ້ວ Full HD+, ກ້ອງໜ້າຄູ່ເລກຫລັກຄວາມລະອຽດ 44 ລ້ານພິກເຊວ Eye Auto focus + 8 ລ້ານພິກເຊວ,ກ້ອງຫລັງ 3 ເລນ AI ຄວາມລະອຽດ 64 +8+2 ລ້ານພິກເຊວ,ຖ່າຍພາບໄດ້ໂດດເດັ່ນໃນຍາມຄໍ່າຄືນດ້ວຍ super night mode, ສາມາດຖ່າຍວີດີໂອ Slow mottion ທັງກ້ອງໜ້າ ແລະ ກ້ອງຫລັງ,CPU 765 G ຄວາມແຮງສູງວ່ອງໄວທຸກການສຳຜັດ,ຄວາມຈໍາ Ram 8G+ROM 128G,ແບັດເຕີຣີໃຫຍ່ 4000 mAh ຮອງຮັບລະບົບສາກໄວ ແລະອື່ນໆ
ສົນໃຈສາມາດສອບຖາມຂໍ້ມູນໄດ້ທີ່ຕົວແທນຈໍ່ໜ່າຍວີໂວ່ທົ່ວປະເທດ ຫລື ຕິດຕໍ່ທີ່ເບີ 030 9056977