ເຈົ້າເມືອງສອງຄອນ ພ້ອມດ້ວຍຄະນະລົງພື້ນທີ່ຕິດຕາມສະພາບນ້ຳຖ້ວມ ພ້ອມກ່ຽວເຂົ້າຊ່ວຍປະຊາຊົນ - Laoedaily

ເຈົ້າເມືອງສອງຄອນ ພ້ອມດ້ວຍຄະນະລົງພື້ນທີ່ຕິດຕາມສະພາບນ້ຳຖ້ວມ ພ້ອມກ່ຽວເຂົ້າຊ່ວຍປະຊາຊົນ

ໃນຕອນເຊົ້າມື້ນີ້ ທີ 20 ຕຸລາ 2020 ທ່ານ ພັນເອກ ລຳຄູນ ວໍລະວົງ ເຈົ້າເມືອງສອງຄອນ ແຂວງສະຫວັນນະເຂດ ພ້ອມດ້ວຍຄະນະ ໄດ້ລົງພື້ນທີ່ ຕິດຕາມເບິ່ງສະພາບນ້ຳຖ້ວມ ຢູ່ບ້ານຫົວຫາດ.

ພ້ອມຢ້ຽມຢາມ ຖາມຂ່າວພໍ່ແມ່ປະຊາຊົນ ແລະ ນຳເອົານ້ຳດື່ມສະອາດ,​ຫມີ່ສຳເລັດຮູບ,​ປາກະປ໋ອງ ນຳໄປມອບໃຫ້ ພໍ່ແມ່ປະຊາຊົນ ຢູ່ສູນຫລົບໄພ ບ້ານຫົວຫາດ ເມືອງສອງຄອນ ແຂວງສະຫວັນນະເຂດ.

.

ນອກນີ້ ຍັງໄດ້ລົງກ່ຽວເຂົ້າ ແລະ ຂົນເຂົ້າຊ່ວຍປະຊາຊົນ ທີ່ນ້ຳພວມໄຫລເຂົ້າຖ້ວມ.

.

.

ພະຍາກອນອາກາດປະຈໍາວັນທີ 20 ຕຸລາ 2020 ຈາກກົມອຸຕຸນິຍົມ ແລະ ອຸທົກກະສາດລາຍງານວ່າ: ບໍລິເວນຄວາມກົດດັນສູງຂອງອາກາດເຢັນທີ່ປະເທດຈີນທີ່ມີກໍາລັງປານກາງຍັງສືບຕໍ່ແຜ່ລົງມາປົກຄຸມພາກເໜືອ ຫາ ລົງຫາ ພາກກາງ ແລະ ພາກໃຕ້ຂອງປະເທດລາວ, ສົມທົບກັບກະແສລົມຕາເວັນອອກ – ຕາເວັນອອກສ່ຽງເໜືອທີ່ມີກໍາລັງແຮງ ພັດປົກຄຸມເປັນສ່ວນໃຫຍ່.

ຈະເຮັດໃຫ້ອາກາດເຢັນ ຫາ ໜາວເຢັນຢູ່ແຂວງພາກເໜືອ ແລະ ຍັງຈະມີຝົນຕົກໃນລະ ດັບຄ່ອຍຢູ່ເກືອບທົ່ວໄປ ແລະ ຕົກໃນລະດັບປານກາງ ພ້ອມຈະມີລົມພັດແຮງຢູ່ບາງທ້ອງຖິ່ນແຂວງພາກກາງ ແລະ ພາກ ໃຕ້ຕື່ມອີກ.

ສຳລັບລະດັບແມ່ນໍ້າສາຂາ ແກ້ງກອກ (ເຊຈໍາພອນ) , ແກ້ງໂດນ (ເຊບັ້ງຫຽງ) ເຊໂປນ (ເຊບັ້ງຫຽງ), ລະຫາ ນໍ້າ (ເຊບັ້ງຫຽງ) ແຂວງ ສະຫວັນນະເຂດ ແມ່ນຍັງສູງກວ່າເຂດອັນຕະລາຍ ແລະ ເຂດຂົວເຊ (ເຊບັ້ງໄພ) ແມ່ນ ຈະຮອດ ເຂດອັນຕະລາຍແລ້ວ.

ດັ່ງນັ້ນ, ຈຶ່ງຂໍແຈ້ງເຕືອນເຖິງປະຊາຊົນບັນດາເຜົ່າ ແລະ ອົງການປົກຄອງ ທຸກພາກ ສ່ວນທີ່ອາໃສ ຢູ່ເຂດແຂວງດັ່ງກ່ວາ. ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ ແລະ ລົມພັດແຮງ ທີ່ຈະເຮັດໃຫ້ ນໍ້າສືບຕໍ່ຖ້ວມສູງ ຂຶ້ນຢູ່ຕື່ມອີກ ແລະ ໃຫ້ຍົກຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ ແລະ ຂໍໃຫ້ຕິດຕາມການແຈ້ງເຕືອນ ໄພຈາກກົມອຸຕຸນິຍົມ ແລະ ອຸທົກກະສາດ ຢ່າງເປັນປະຈໍາ.

ພະຍາກອນລະດັບນໍ້າແລະລະດັບສາຂາແມ່ນໍ້າຂອງ ປະຈໍາວັນທີ 20 ຕຸລາ 2020

.

 

 

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ