ອິນໂດເນເຊຍ ກຽມສ້າງຕັ້ງໂຮງງານຜະລິດໝໍ້ໄຟສຳລັບລົດໄຟຟ້າ - Laoedaily

ອິນໂດເນເຊຍ ກຽມສ້າງຕັ້ງໂຮງງານຜະລິດໝໍ້ໄຟສຳລັບລົດໄຟຟ້າ

ສຳນັກຂ່າວຣອຍເຕີລາຍງານວ່າ: ລັດຖະບານອິນໂດເນເຊຍ ຈະຊຸກຍູ້ໃຫ້ 4 ບໍລິສັດ ລັດວິສາຫະກິດຮ່ວມມືກັນສ້າງຕັ້ງບໍລິສັດຮ່ວມທຶນ ເພື່ອຜະລິດໝໍ້ໄຟ ( Battery ) ສຳລັບລົດພະລັງງານໄຟຟ້າ ໂດຍມີເປົ້າໝາຍຜະລິດລົດໄຟຟ້າໃຫ້ຫຼາຍຂຶ້ນໃນຕໍ່ໜ້າ.

ອິນໂດເນເຊຍ ເປັນປະເທດຜູ້ຜະລິດແຮ່ນິກເກີລ ຂະໜາດໃຫຍ່ທີ່ສຸດໃນໂລກ ແລະ ແຮ່ນິກເກີລ ເປັນສ່ວນປະກອບສຳຄັນຂອງການຜະລິດໝໍ້ໄຟສຳລັບລົດໄຟຟ້າ ໂດຍມີເປົ້າໝາຍ ສຸດທ້າຍຢູ່ທີ່ການຜະລິດລົດໄຟຟ້າຢູ່ພາຍໃນປະເທດ.

ສຳລັບບໍລິສັດຮ່ວມທຶນທີ່ຈະຕັ້ງຂຶ້ນໃໝ່ມີຊື່ວ່າ “ Indonesia Battery Holding ” ຈະເປັນການຮ່ວມມືລະຫວ່າງ 4 ບໍລິສັດ ຂອງລັດຖະບານອິນໂດເນເຊຍ ປະກອບດ້ວຍ: ໄມໄອດີ, ບໍລິສັດ ອາເນກາ ຕຳບັງ ຫຼື ອານຕຳ, ບໍລິສັດ ການໄຟຟ້າ ເປຣູຂາຮານ ລິສຕຣິດ ເນກາຣາ ຫຼື ພີແອລເອັນ ແລະ ບໍລິສັດນ້ຳມັນແຫ່ງຊາດ ເພີຕາມິນາ.

ບໍລິສັດຕັ້ງໃໝ່ນີ້ຈະຊ່ວຍສ້າງອຸດສາຫະກຳທີ່ຄວບຄຸມທຸກຢ່າງ ຕັ້ງແຕ່ການຜະລິດສານເຄມີ ແລະ ແຮ່ທາດສຳລັບໝໍ້ໄຟ ລວມທັງການກັບມານໍາໃຊ້ໝໍ້ໄຟເກົ່າ ( Recycle old batteries ), ບໍລິສັດດັ່ງກ່າວນີ້ຈະເຈລະຈາ ເພື່ອດຶງບໍລິສັດໃນຈີນ ແລະ ສ.ເກົາຫຼີ ເຂົ້າມາເປັນຮຸ້ນສ່ວນນຳໃນ 2 ໂຄງການ ລວມມູນຄ່າ 12 ຕື້ໂດລາສະຫະລັດ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ