ນ້ຳຖ້ວມອິນເດຍ ມີຜູ້ເສຍຊີວິດ 30 ຄົນ - Laoedaily

ນ້ຳຖ້ວມອິນເດຍ ມີຜູ້ເສຍຊີວິດ 30 ຄົນ

ສຳນັກຂ່າວ ເອເອັຟພີ ລາຍງານວ່າ: ເກີດຝົນຕົກໜັກສົ່ງຜົນເຮັດໃຫ້ນໍ້າໄຫຼເຂົ້າຖ້ວມບ້ານເຮືອນປະຊາຊົນໃນເມືອງໄຮເດີຣາບັດ ແຂວງເຕລັງກະນາ ທາງພາກໃຕ້ຂອງອິນເດຍ, ຫຼ້າສຸດມີລາຍງານວ່າມີຜູ້ເສຍຊີວິດຢ່າງໜ້ອຍ 30 ຄົນ. ຂະນະທີ່ທາງການອິນເດຍ ຕ້ອງເລັ່ງຍົກຍ້າຍປະຊາຊົນໄປຢູ່ບ່ອນປອດໄພ.

ລາຍງານລະບຸວ່າ: ເມືອງໄຮເດີຣາບັດ ມີບັນດາບໍລິສັດໄອທີທີ່ມີຊື່ສຽງຂອງອິນເດຍຕັ້ງຢູ່ຫຼາຍແຫ່ງ ເຊິ່ງຖືວ່າເປັນເມືອງທີ່ມີຊື່ສຽງດ້ານໄອທີ ລາຍງານວ່າມີຜູ້ເສຍຊີວິດ 10 ຄົນຈາກເຫດການກຳແພງລົ້ມທັບ ແລະ ອີກ 10 ຄົນ ເສຍຊີວິດຍ້ອນໄຟຟ້າດູດ ແລະ ຈົມນ້ຳເສຍຊີວິດ. ນອກຈາກນີ້, ນ້ຳຍັງໄດ້ຖ້ວມຖະໜົນຫົນທາງຫຼາຍຈຸດ ເຮັດໃຫ້ການສັນຈອນຖືກຕັດຂາດຫຼາຍຈຸດ.

ທາງການອິນເດຍ ໄດ້ສົ່ງທະຫານ ແລະ ເຈົ້າໜ້າທີ່ກ່ຽວຂ້ອງລົງໄປຊ່ວຍອົບພະຍົບປະຊາຊົນໄປຢູ່ບ່ອນປອດໄພ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ