ເຂື່ອນໄຟຟ້ານ້ຳງື່ມ-1 ແຈ້ງການປ່ອຍນ້ຳ 8 ເມືອງ ທີ່ຢູ່ລຽບເຂດນ້ຳງື່ມ ໃຫ້ເຝົ້າລະວັງ - Laoedaily

ເຂື່ອນໄຟຟ້ານ້ຳງື່ມ-1 ແຈ້ງການປ່ອຍນ້ຳ 8 ເມືອງ ທີ່ຢູ່ລຽບເຂດນ້ຳງື່ມ ໃຫ້ເຝົ້າລະວັງ

ເຂື່ອນໄຟຟ້ານ້ຳງື່ມ 1, ບໍລິສັດຜະລິດ-ໄຟຟ້າລາວ ມະຫາຊົນ, ຝ່າຍຜະລິດແຈ້ງການ ອອກແຈ້ງການ ເຖິງຫ້ອງວ່າການປົກຄອງ ແຂວງວຽງຈັນ, ຫ້ອງວ່າການປົກຄອງ ນະຄອນຫຼວງວຽງຈັນ ແລະ ອົງການປົກຄອງ ທ້ອງຖີ່ນທຸກຂັ້ນ ຕະຫຼອດຮອດປະຊາຊົນທີ່ອາໃສ ຢູ່ຕາມສາຍນໍ້າງື່ມຕອນລຸ່ມ.

ເລື່ອງຂໍລະບາຍນ້ຳຜ່ານເຄື່ອງຈັກຂອງເຂື່ອນໄຟຟ້ານ້ຳງື່ມ 1 ໃນຊ່ວງພາຍຸ ນັ່ງກາ (Nangka) ລະຫວ່າງວັນທີ 15-18 ຕຸລາ 2020.

ເຂື່ອນໄຟຟ້ານ້ຳງື່ມ-1 ແຈ້ງມາຍັງທ່ານຊາບວ່າປັດຈຸບັນ ຈະມີພາຍຸພັດຜ່ານ ເຂດອ່າງໂຕ່ງນ້ຳງື່ມ,ຕາມ ກົມອຸຕຸນິຍົມ ແລະ ອຸທົກກະສາດ ແຈ້ງເຕືອນ ແລະ ລະດັບນ້ຳໃນອ່າງ ຂອງເຂື່ອນຟຟ້ານ້ຳງື່ມ 1 ເທົ່າກັບ 21.43.masl ເຊິ່ງເປັນລະດັບນ້ຳທີ່ໃກ້ຈະເຕັມອ່າງ, ຍັງເຫຼືອຊ່ອງຫວ່າງທີ່ສາມາດຮັບນ້ຳໄດ້ 283 ລ້ານ m3 ຫຼື ຍັງເຫຼືອ 0,87 m ຈະເຕັມອ່າງ ແລະ ເຂື່ອນໄຟຟ້ານ້ຳງື່ມ 1 ມີຄວາມຈຳເປັນຕ້ອງໄດ້ລະບາຍນ້ຳເພີ່ມຂຶ້ນ ໂດຍຜ່ານເຄື່ອງຈັກ ເພື່ອຮອງຮັບນ້ຳໃໝ່ທີ່ຈະເຂົ້າມາໃນອ່າງຂອງເຂື່ອນໃນຊ່ວງພາຍຸດັ່ງກ່າວ.

ສະນັ້ນ, ເຂື່ອນໄຟຟ້ານ້ຳງື່ມ 1 ຂໍແຈ້ງມາຍັງ ຫ້ອງວ່າການປົກຄອງ ແຂວງວຽງຈັນ, ຫ້ອງວ່າການປົກຄອງ ນະຄອນຫຼວງວຽງຈັນ ແລະ ຫ້ອງວ່າການປົກຄອງ ເມືອງວຽງຄຳ, ເມືອງ ແກ້ວອຸດົມ, ເມືອງທຸລະຄົມ, ເມືອງນາຊາຍທອງ, ເມືອງໄຊທານີ ແລະ ເມືອງປາກງື່ມ ຕະຫຼອດຮອດ ຜູ້ປະກອບການທຸລະກິດຮ້ານອາຫານເຮືອແພ, ປາກະຊັງ ແລະ ປະຊາຊົນທ້ອງຖີ່ນທີ່ອາໃສຢູ່ຕາມສາຍນໍ້າງື່ມຕອນລຸ່ມ ໃຫ້ມີສ່ວນຮ່ວມ, ມີການຕິດຕາມເຝົ້າລະວັງ ລະດັບນ້ຳທີ່ຈະເພີ່ມຂື້ນ ຕາມສາຍນ້ຳງື່ມ ແລະ ຕິດຕາມການແຈ້ງເຕືອນລະດັບນ້ຳຢ່າງໄກ້ຊິດ ເພື່ອຫຼີກລ້ຽງຜົນກະທົບທີ່ອາດຈະເກີດຂຶ້ນ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ