ຫົວເຫວີຍຊະນະ "ການທົດລອງໃຊ້ 5G ລະດັບອົງກອນທີ່ມີນະວັດຕະກຳສູງສຸດ" - Laoedaily

ຫົວເຫວີຍຊະນະ “ການທົດລອງໃຊ້ 5G ລະດັບອົງກອນທີ່ມີນະວັດຕະກຳສູງສຸດ”

ກອງປະຊຸມອອນລາຍ, ວັນທີ 9 ກັນຍາ 2020 ໃນກອງປະຊຸມສຸດຍອດ 5G World 2020, ຫົວເຫວີຍໄດ້ຮັບການຍອມຮັບໃນການເຂົ້າຮ່ວມໂຄງການຮ່ວມກັນຕ້ານການລະບາດຂອງອູ່ຫັ້ນ 5G ແລະ ໄດ້ຮັບລາງວັນ "ການຮ່ວມມື / ທົດລອງ 5G ລະດັບອົງກອນທີ່ມີຄວາມຄິດສ້າງສັນທີ່ສຸດ". 
ລາງວັນນີ້ສະທ້ອນໃຫ້ເຫັນ ການນໍາໃຊ້ນະວັດຕະກຳ 5G ຂອງຫົວເຫວີຍທີ່ມີປະໂຫຍດຕໍ່ການຮັກສາສຸຂະພາບທີ່ສະຫຼາດ, ໄດ້ຮັບການຍ້ອງຍໍຕີລາຄາສູງໃນອຸດສະຫະກຳ.
ໂຄງການຕ້ານໂລກລະບາດຂອງອູ່ຫັ້ນ 5G ໄດ້ຖືກສ້າງຕັ້ງຂຶ້ນໃນທັນທີຫຼັງຈາກການລະບາດຂອງໂລກລະບາດໃນຕົ້ນປີ 2020 ພາຍໃຕ້ການຮ່ວມມືຂອງບໍລິສັດຫົວເຫວີຍ, ໂຮງໝໍໃຫຍ່, ສະຖາບັນການແພດ ແລະ ພະແນກຕ່າງໆຂອງລັດຖະບານ.


ໂຄງການໄດ້ນຳໃຊ້ຄວາມກວ້າງຂອງຄື້ນຄວາມຖີ່ສູງຂອງ 5G, ຄວາມຫຼ້າຊ້າຕໍ່າ, ຄວາມລຽບງ່າຍຂອງເວັບໄຊ ແລະ ຄວາມຢືດຢຸ່ນໃນການນຳໃຊ້ ເພື່ອເລັ່ງການຮັບຮອງເອົາການແກ້ໄຂບັນຫາສຸຂະພາບທີ່ສະຫຼາດ ເຊິ່ງໄດ້ໃຫ້ການສະໜັບສະໜູນດິຈິຕອນທີ່ເຂັ້ມແຂງສຳລັບພະນັກງານແພດໃນການຮຽນຮູ້ຜົນກະທົບ ແລະ ການແຜ່ລະບາດຂອງໄວຣັດຢ່າງມີປະສິດທິພາບ, ເປັນຕົວຢ່າງໃຫ້ແກ່ການນຳໃຊ້ນະວັດຕະກຳເຕັກໂນໂລຊີ 5G ໃນການບໍລິການດ້ານສຸຂະພາບສະຫຼາດ.
ດ້ວຍການຮັບປະກັນການບໍລິການທີ່ໜ້າເຊື່ອຖືຂອງ 5G, ອຸປະກອນທາງການແພດທີ່ຈຳເປັນສຳລັບການຮັກສາສຸຂະພາບສະຫຼາດໄດ້ຮັບປະກັນໃຫ້ມີການເຂົ້າເຖິງ ແລະ ຈັດລຳດັບຄວາມສຳຄັນສູງສຸດ, ມີຄວາມກວ້າງຂອງຄວາມຖີ່ສູງທີ່ສຸດ ແລະ ມີຄວາມຫຼ້າຊ້າຕ່ໍາ. ການນຳໃຊ້ MEC ພາຍໃນສາ ມາດປະມວນຜົນ ແລະ ສົ່ງຂໍ້ມູນທາງການແພດໄດ້ຢ່າງວ່ອງໄວ.ໂດຍອີງໃສ່ເຄືອຂ່າຍ 5G ທີ່ມີປະສິດ ທິພາບ, ໂຄງການຕ້ານການລະບາດຂອງ Smart Wuhan 5G ໄດ້ສົ່ງບໍລິການຂໍ້ມູນຂ່າວສານໃຫ້ພະແນກການຂອງລັດຖະບານທ້ອງຖິ່ນ, ສະຖາບັນການແພດ ແລະ ວິສາຫະກິດຕ່າງໆ. ຍ້ອນເຫດນັ້ນ, ການບໍລິການຍັງດຳເນີນໄປຢ່າງສະດວກໃນໄລຍະເກີດໂລກລະບາດ.


ຕົວຢ່າງ: ໂຮງໝໍຊົ່ວຄາວ Huoshenshan ແລະ Leishenshan ສ້າງເຄືອຂ່າຍຂໍ້ມູນການແພດຂັ້ນພື້ນຖານ ແລະ ສ້າງແຟ້ມຂໍ້ມູນໃຫຍ່ສຳລັບວິທີການປ້ອງກັນ ແລະ ຄວບຄຸມການລະບາດ. ຜ່ານການຕິດຕັ້ງເຄືອຂ່າຍ ແລະ ການເກັບກໍາຂໍ້ມູນເຫຼົ່ານີ້ ສາມາດສົ່ງຜົນຕໍ່ການບໍລິການດ້ານການແພດ, ລວມເຖິງການອອກອາກາດສົດ 5G, ການຮ່ວມມືທາງໄກ 5G ເພື່ອປຶກສາ, ກວດກາຕົນເອງກ່ຽວກັບການໃສ່ເຄື່ອງປ້ອງກັນ ແລະ ການປຶກສາກ່ຽວກັບການເຄື່ອນຍ້າຍ. ການບໍລິການວິເຄາະວິໄຈທາງໄກ 5G ເຊັ່ນ: ການກວດຜົນ CT, ການກວດສອບ ultra-B ແລະ ກວດຜົນ X-ray. ໃນເຂດຫ່າງໄກກໍຍັງມີການນໍາໃຊ້ 5G ເພື່ອປະຕິບັດການປ້ອງກັນ, ການຈັດລໍາດັບເຊື້ອ, ວັດແທກອຸນຫະພູມ ແລະ ການຂ້າເຊື້ອໂດຍນໍາໃຊ້ຫຸ່ນຍົນເປັນຕົ້ນ. ຍິ່ງໄປກວ່ານັ້ນ, ຍັງມີການສະໜັບສະໜູນວຽກງານກອງປະຊຸມ ເພື່ອຕອບສະໜອງການປະສານງານໃນການປ້ອງກັນ ແລະ ຄວບຄຸມການແຜ່ລະ ບາດ.

ໂຄງການນີ້ໄດ້ຮັບຜົນປະໂຫຍດແກ່ແພດໝໍ 1.850 ຄົນ, ພະຍາບານ 3.400 ຄົນ ແລະ ຜູ້ປ່ວຍ 8.350, ເພີ່ມອັດຕາການຮັກສາ ແລະ ປະສິດທິຜົນຂອງການຮັກສາສຸຂະພາບ, ພ້ອມທັງຊ່ວຍຫຼຸດຜ່ອນຄວາມສ່ຽງໃນການຕິດເຊື້ອສຳລັບພະນັກງານແພດ. ໃນຂະນະດຽວກັນ, ເຄືອຂ່າຍ 5G ແມ່ນພາຫະນະທີ່ສຳຄັນໃນການຈັດຕັ້ງປະຕິບັດການສຶກສາ, ການຮ່ວມມື ແລະ ການສື່ສານທາງໄກ. ສິ່ງດັ່ງກ່າວໄດ້ຊ່ວຍໃນການສະໜັບສະໜູນການປ້ອງກັນແລະ ຄວບຄຸມໄວຣັດ ແລະ ເຮັດໃຫ້ການຜະລິດໃນປະເທດຈີນກັບສູ່ສະພາບປົກກະຕິຫຼັງຈາກທີ່ການແຜ່ລະບາດຂອງເຊື້ອໄວຣັດຫຼຸດລົງ.
5G ຍັງໄດ້ເປີດໃຊ້ໂປຣແກມວິດີໂອຄຣາວ, ການວັດແທກອຸນຫະພູມອິນຟາເລດ ແລະ ການບໍລິການຂ້າເຊື້ອແບບຫຸ່ນຍົນທີ່ໃຊ້ໃນສະໜາມບິນ, ສະຖານີຄົມມະນາຄົມ, ອາຄານສຳນັກງານ ແລະ ຊຸມຊົນທີ່ຢູ່ອາໄສ. ໂປຣແກຣມເຫຼົ່ານີ້ມີຄວາມສຳຄັນໃນການຫຼຸດຜ່ອນການແຜ່ກະຈາຍຂອງໄວຣັດໂດຍຊ່ວຍປະສານງານປ້ອງກັນ ແລະ ຄວບຄຸມ, ບົ່ງຊີ້ລະບຸຄົນທີ່ມີອາການໃນເຂດສາທາລະນະ, ຂ້າເຊື້ອສະພາບແວດລ້ອມພາຍໃນ-ກາງແຈ້ງ ແລະ ຈະຖືກລວບລວມຂໍ້ມູນເຂົ້າໃນໂຄງລ່າງພື້ນຖານທາງການແພດຫຼັງຈາກການແຜ່ລະບາດ.

ທ່ານ Hao Guangming, ຮອງປະທານຝ່າຍການຕະຫລາດ ແລະ ການຂາຍໂຊລູຊັ່ນບໍລິ ສັດຫົວເຫວີຍ ໄດ້ກ່າວວ່າ: “ຄຳຮ້ອງຂໍການບໍລິການດ້ານສຸຂະພາບທີ່ກ້າວໜ້າຂອງ 5G ທີ່ປະຕິບັດໂດຍໂຄງການປ້ອງກັນໂລກລະບາດຂອງອູ່ຫັ້ນ 5G ປັດຈຸບັນກຳລັງຖືກນຳໄປໃຫ້ບໍລິການຢູ່ຂົງເຂດອື່ນໃນທົ່ວໂລກ ເຊັ່ນ: ການບໍລິການຈັດສົ່ງຫຸ່ນຍົນ ແລະ ການຂົນສົ່ງຢາຈັດຕັ້ງປະຕິບັດຢູ່ປະເທດໄທ; ລະບົບປະຊຸມທາງວິດີໂອ 5G ຖືກສ້າງຕັ້ງຂຶ້ນ ສຳລັບທີມແພດສາກົນໃນກຳປູເຈຍ. ການບໍລິການປ້ອງກັນການລະບາດໂດຍນໍາໃຊ້ຫຸ່ນຍົນ 5G ຈັດຕັ້ງປະຕິບັດຢູ່ໃນຮ່ອງກົງ ແລະ ໃນຕົວເມືອງໃຫຍ່ຂອງສິງກະໂປ. ການນໍາໃຊ້ຮັກສາສຸຂະພາບ 5G ເຮັດໃຫ້ມີການປ່ຽນແປງທາງດີຈີຕອນຂອງຕະຫຼາດການຮັກສາສຸຂະພາບສະຫຼາດທົ່ວໂລກທີ່ມີມູນຄ່າຫຼາຍກວ່າຮ້ອຍຕື້ໂດລາສະຫະລັດ ແລະ ການປັບປຸງລະ ບົບການຮັກສາສຸຂະພາບດີຈີຕອນທາງສັງຄົມ ພ້ອມທັງໃຫ້ການບໍລິການທີ່ດີກວ່າເກົ່າ.”

ກອງປະຊຸມສຸດຍອດ 5G World 2020 ໄດ້ຈັດຂຶ້ນໂດຍ Informa Tech ແລະ ມອບລາງ ວັນພິເສດ 14 ລາງວັນເພື່ອໃຫ້ການຮັບຮູ້ແກ່ບັນດາທຸລະກິດດ້ານໂທລະຄົມຊັ້ນນຳທີ່ມີຜົນງານດີເດັ່ນໃນຂົງເຂດ 5G. ມັນໄດ້ຖືກຈັດຂຶ້ນເພື່ອຮ່ວມກັນສົ່ງເສີມການນຳໃຊ້ ແລະ ການເຕີບໃຫຍ່ຂອງອຸດສາ ຫະກຳ 5G. ຜົນສຳເລັດໃນການປະດິດສ້າງ, ການເຂົ້າເຖິງເຄືອຂ່າຍໄຮ້ສາຍ 5G, ເຄືອຂ່າຍຫຼັກ, ອັດຕະໂນມັດ, ທຸລະກິດ, ຄວາມປອດໄພທາງອິນເຕີເນັດ, ການພັດທະນາ ແລະ ການທົດສອບກໍຖືກນໍາສະແດງຢູ່ກອງປະຊຸມສຸດຍອດ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ