ສຳນັກຂ່າວຕ່າງປະເທດລາຍງານວ່າ: ໃນວັນທີ 1 ກັນຍານີ້ ກະຊວງສາທາລະນະສຸກຂອງມຽນມາ ຢືນຢັນວ່າກວດພົບຜູ້ຕິດເຊື້ອໂຄວິດ – 19 ວັນດຽວ 107 ຄົນ, ເປັນສະຖິຕິລາຍວັນສູງສຸດຄັ້ງໃໝ່ ໂດຍລັດຍະໄຂ່ ຍັງຄົງເປັນພື້ນທີ່ວິກິດທີ່ສຸດສົ່ງຜົນໃຫ້ມີຜູ້ຕິດເຊື້ອສະສົມ 882 ຄົນ ສ່ວນໃຫຍ່ເປັນການຕິດເຊື້ອຈາກພາຍໃນປະເທດ, ປິ່ນປົວດີແລ້ວ 354 ຄົນ ແລະ ເສຍຊີວິດ 6 ຄົນ.
ຂະນະທີ່ກະຊວງການຕ່າງປະເທດຂອງມຽນມາ ຂະຫຍາຍເວລາຢຸດການອອກວີຊ່າ ແລະ ຕັ້ງຈຸດກວດຢູ່ໜ້າດ່ານໃຫ້ກັບນັກທ່ອງທ່ຽວຕ່າງປະເທດອອກໄປອີກຢ່າງໜ້ອຍ 1 ເດືອນ ຈົນເຖິງວັນທີ 30 ກັນຍານີ້ ເຊັ່ນດຽວກັບສຳນັກງານການບິນພົນລະເຮືອນ ໄດ້ຂະຫຍາຍເວລາຢຸດຕິການບໍລິການຖ້ຽວບິນຈົນເຖິງທ້າຍເດືອນນີ້.
