ກະຊວງປ້ອງກັນປະເທດຈີນ ອອກຖະແຫຼງການປະນາມສະຫະລັດອາເມຣິກາ ທີ່ສົ່ງຍົນ U – 2 ເຊິ່ງເປັນຍົນສອດແນມເຂົ້າສູ່ນ່ານຟ້າຫ້າມບິນ ບໍລິເວນທີ່ກອງທັບປະຊາຊົນຈີນ ກຳລັງຊ້ອມຮົບດ້ວຍລູກປືນແທ້ ເມື່ອວັນທີ 25 ສິງຫາຜ່ານມາ ໂດຍລະບຸວ່າ: ການກະທຳດັ່ງກ່າວເປັນການຍຸແຍ່ຂອງສະຫະລັດ.
ໃນຂະນະທີ່ສະຫະລັດກໍໄດ້ອອກຖະແຫຼງການໂດຍລະບຸວ່າ: ການລາດຕະເວນດັ່ງກ່າວມີຂຶ້ນໃນພູມີພາກອິນໂດ – ປາຊີຟິກ ແລະ ເປັນໄປຕາມລະບຽບຂໍ້ບັງຄັບດ້ານການບິນນາໆຊາດ ພ້ອມຢືນຢັນວ່ານັກບິນຂອງກອງທັບອາກາດຍັງຈະສືບຕໍ່ປະຕິບັດການບິນໃນທຸກໆພື້ນທີ່ທີ່ກົດໝາຍສາກົນອະນຸຍາດ ເຊິ່ງໄລຍະເວລາ ແລະ ຄວາມຖີ່ນັ້ນ ອາເມຣິກາ ເປັນຜູ້ເລືອກເອງ.