ແຂວງຫຼວງນໍ້າທາ ເກັບລາຍຮັບໄດ້ພຽງ 24% ຂອງແຜນການປີ

397

ທ່ານ ອ່ອນຈັນ ຄໍາພາວົງ ຫົວໜ້າພະແນກການເງິນແຂວງຫຼວງນໍ້າທາ ໃຫ້ຮູ້ວ່າ: ປີ 2020 ໄດ້ຮັບຕົວເລກເກັບລາຍຮັບທັງໝົດ 476,86 ຕື້ກີບ. ຜ່ານການຈັດຕັ້ງປະຕິບັດໄລຍະ 6 ເດືອນຕົ້ນປີ 2020 ສາມາດປະຕິບັດໄດ້ທັງໝົດ 122,56 ຕື້ກວ່າກີບ ເທົ່າກັບ 24% ຂອງແຜນການປີ.

ໃນນີ້, ລາຍຮັບພູດສູນກາງ 95,05 ຕື້ກີບ ເທົ່າກັບ 26,88% ຂອງແຜນການປີ, ລາຍຮັບທ້ອງຖິ່ນ ປະຕິບັດໄດ້ 27,51 ຕື້ກີບ ເທົ່າກັບ 19,21 % ຂອງແຜນການປີ.
ດ້ານລາຍຈ່າຍປະຕິບັດໄດ້ 146,75 ຕື້ກີບ ເທົ່າກັບ 41,04% ຂອງແຜນການປີ, ລາຍຮັບດຸນດ່ຽງຈາກສູນກາງສາມາດປະຕິບັດ 119,24% ຂອງແຜນການປີ. ສາເຫດທີ່ເຮັດໃຫ້ການຈັດເກັບລາຍຮັບບໍ່ໄດ້ຕາມແຜນການ ເນື່ອງຈາກການລະບາດຂອງພະຍາດໂຄວິດ – 19 ເຮັດໃຫ້ຫຼາຍຂົງເຂດໄດ້ຮັບຜົນກະທົບ, ການນຳເຂົ້າສິນຄ້າເຄື່ອງຂອງຜ່ານດ່ານຫຼຸດລົງ, ດ່ານທ້ອງຖິ່ນ, ດ່ານປະເພນີປິດຊົ່ວຄາວ ແລະ ບັນຫາອື່ນໆ.

ເພື່ອຮັບປະກັນໃຫ້ແກ່ການຈັດເກັບລາຍຮັບເຂົ້າງົບປະມານໃຫ້ໄປຕາມແຜນ, ຄະນະພັກ – ຄະນະພະແນກການເງິນແຂວງ, ໄດ້ເອົາໃຈໃສ່ປະສານສົມທົບກັບທຸກພາກສ່ວນທີ່ກ່ຽວຂ້ອງ ນັບແຕ່ຂັ້ນແຂວງລົງຮອດທ້ອງຖິ່ນ, ເອົາໃຈໃສ່ຊຸກຍູ້ວຽກງານການເມືອງແນວຄິດໃຫ້ພະນັກງານ – ລັດຖະກອນໃນຂະແໜງການເງິນໃຫ້ໜັກແໜ້ນ, ສືບຕໍ່ສຳຫຼວດຖານລາຍຮັບງົບປະມານເພີ່ມທະວີການຄຸ້ມຄອງການນຳເຂົ້າ – ສົ່ງອອກສິນຄ້າປະເພດຕ່າງໆຜ່ານດ່ານຊາຍແດນ ເພື່ອຮັບປະກັນການຈັດເກັບລາຍຮັບເຂົ້າງົບປະມານໃຫ້ໄດ້ຕາມແຜນການທີ່ວາງໄວ້.

ຮູບ: 006, 007, 008