ກອງປະຊູມໃຫຍ່ຄັ້ງທີ VIII ຂອງອົງຄະນະພັກແຂວງ ຫລວງນໍ້າທາ ໄດ້ສຳເລັດລົງດ້ວຍໝາກຜົນໃນວັນທີ 30 ກໍລະກົດ 2020 ຢູ່ທີ່ຫໍວັດທະນະທໍາແຂວງ ໂດຍການເປັນປະທານຂອງ ສະຫາຍ ເພັດຖາວອນ ພິລະວັນ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໆຫລວງນໍ້າທາ, ໃຫ້ກຽດເຂົ້າຮ່ວມໂດຍ ສະຫາຍ ພົນເອກ ຈັນສະຫມອນ ຈັນຍາລາດ ກຳມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນປະເທດ, ມີບັນດາສະຫາຍຜູ້ແທນຈາກຫ້ອງວ່າການສູນກາງພັກ, ຄະນະຈັດຕັ້ງສູນກາງພັກ, ຄະນະກວດກາສູນກາງພັກ, ບັນດາສະຫາຍອາດີດການນຳແຂວງ, ນັກປະຕິວັດຜູ້ຊົງຄຸນວຸດທິ, ບັນດາສະຫາຍຜູ້ແທນສົມບູນຕາງຫນ້າໃຫ້ສະມາຊິກພັກໃນທົ່ວແຂວງເຂົ້າຮ່ວມ.
ໃນກອງປະຊຸມ ສະຫາຍ ເພັດຖາວອນ ພິລະວັນ ກຳມະການສູນກາງ ພັກ ເລຂາຄະນະບໍລິຫານງານພັກແຂວງ ເຈົ້າແຂວງໆຫລວງນໍ້າທາ ກໍ່ໄດ້ຜ່ານບົດລາຍງານການເມືອງໄລຍະ 5 ປີຜ່ານມາ ສາມາດຮັກ ສາໄດ້ສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍເສດຖະກິດ-ສັງ ຄົມໄດ້ຮັບການ ພັດທະນາຢ່າງຕໍ່ເນື່ອງ ພື້ນຖານໂຄງລ່າງໄດ້ຮັບການປັບປຸງ ຊີວິດ ການເປັນຢູ່ຂອງປະຊາຊົນບັນດາເຜົ່າໄດ້ຮັບການພັດທະນາດີຂື້ນ.
ໄລຍະ 5 ປີຜ່ານມາເສດຖະກິດຂອງແຂວງມີທ່າຂະຫຍາຍ ຕົວຢ່າງ ຕໍ່ເນື່ອງ ແລະ ຖືກທິດໃນລະດັບສະເລ່ຍ 8,56%ຕໍ່ປີ, ມູນຄ່າລ ວມຍອດຜະລິດຕະພັນພາຍໃນບັນລຸໄດ້ 3.114,42 ຕື້ກີບ, ທຽບໃສ່ 5 ປີຜ່ານມາເພີ່ມຂື້ນ 958,2 ຕື້ກີບ, ສະເລ່ຍລາຍຮັບຕໍ່ຫົວຄົນໄດ້ 1897,51 ໂດລາສະຫະລັດ, ທຽບໃສ່ປີ 2015 ເພີ່ມຂື້ນ 403,51 ໂດລາສະຫະລັດ,ໃນນີ້ຂົງເຂດກະສິກຳ-ປ່າໄມ້ຂະຫຍາຍຕົວໃນລະດັບ 8,84%, ກວມເອົາ 49,95%, ຂົງເຂດອູດສາຫະກຳ 7,87%, ກວມເອົາ 20,38%, ຂົງເຂດບໍລິການ 3,10%ກວມເອົາ 28,15%ຂອງ GDP, ພາສີ-ອາກອນຜະລິດຕະພັນເພີ່ມຂື້ນ 1,53%ກວມ 1,52 ຂອງ GDP.
ກອງປະຊຸມໄດ້ພ້ອມກັນຄົ້ນຄວ້າປະກອບຄຳຄິດຄຳເຫັນພິຈາລະນາ ຢ່າງເລີກເຊິງ ແລະ ເປັນເອກະສັນກັນຮັບຮອງເອົາບົດລາຍງານ ການເມືອງ ແລະ ເປັນເອກະພາບຕໍ່ການຕີລາຄາດ້ານອ່ອນ-ຂໍ້ຄົງຄ້າງ,ສາເຫດ ແລະ ບົດຮຽນທີ່ຖອດຖອນໄດ້ທີ່ຍົກໃຫ້ເຫັນໃນບົດ ລາຍງານ ການເມືອງ ແລະ ແຜນພັດທະນາເສດຖະກິິດ-ສັງຄົມໄດ້ເປັນເ ອກະ ພາບຮັບຮອງເອົາບັນດາຄາດໝາຍລວມ, ທິດທາງ, ໜ້າທີ່ລວມ, ຄາດໝາຍສູ້ຊົນໃນ 5 ປີ ແຕ່ນີ້ຮອດປີ 2025. ໃນກອງປະຊຸມບັນ ດາຜູ້ແທນສົມບູນກໍ່ໄດ້ໃຊ້ສິດປະຊາທິປະໄຕເພື່ອປ່ອນບັດເລືອກຕັ້ງເອົາຄະນະບໍລິຫານງານພັກແຂວງຊຸດໃໝ່ ເຊິ່ງມີຜູ້ສະໜັກທັງໝົດ 36 ສະຫາຍ, ຍິງ 5 ສະຫາຍ ເລືອກເອົາ 31 ສະຫາຍ, ຍິງ 4 ສະຫາຍ ແລະ ກອງປະຊຸມຄັ້ງປະຖົມມະລືກຂອງຄະນະບໍລິຫານງານພັກແຂວງຫຼວງນ້ຳທາຄັ້ງທີ VIII ໄດ້ເລືອກຕັ້ງເອົາຄະນະປະຈໍາພັກແຂວງ 9 ສະຫາຍ.
ກອງປະຊຸມໄດ້ເຫັນດີເປັນເອກະພາບເລືອກເອົາສະຫາຍ ຄຳໄຫຼ ສີປະເສີດ ເປັນເລຂາຄະນະບໍລິຫານງານພັກແຂວງ, ສະຫາຍ ຄຳຟອງ ອິນມະນີ ເປັນຮອງເລຂາພັກແຂວງ,ສະຫາຍ ຈັນທອງ ແກ້ວປະເສີດ ເປັນຮອງເລຂາພັກແຂວງ ແລະ ສະຫາຍ ສີວິໄລ ປັນແກ້ວ ເປັນປະ ທານກວດກາພັກແຂວງພ້ອມດ້ວຍຄະນະ 3 ສະຫາຍ. ເພື່ອເປັນຫຼັກ ແຫຼ່ງແກ່ນສານສຶບຕໍ່ນຳພາຈັດຕັ້ງປະຕິບັດໜ້າທີ່ການເມືອງກໍ່ຄືພາລະກິດປົກປັກຮັກສາສ້າງສາພັດທະນາໃນຕໍ່ໜ້າ.
ໂອກາດດັ່ງກ່າວສະຫາຍ ພົນເອກ ຈັນສະຫມອນ ຈັນຍາລາດ ກຳມະ ການກົມການເມືອງ ສູນກາງພັກ ລັດຖະມົນຕີກະຊວງປ້ອງກັນປະ ເທດ ກໍ່ໄດ້ສະແດງຄວາມຊົມເຊີຍຕໍ່ກອງປະຊຸມຄັ້ງນີ້ພ້ອມທັງເໜັນ ໜັກໃຫ້ຄະນະບໍລິຫານງານພັກແຂວງຊຸດໃໝ່ຫັນເອົາມະຕິກອງປະຊຸມໃຫຍ່ຄັ້ງນີ້ໃຫ້ເປັນແຜນງານໂຄງການ ແລະ ສ້າງເປັນນິຕິກຳລະອຽດ ເພື່ອຈັດຕັ້ງເຜີຍແຜ່ເຊື່ອມຊື່ມ, ຕັ້ງໜ້າປຸກລະດົມທຸກກຳລັງແຮງ ຂອງ ປວງຊົນໃຫ້ເຂົ້້າຮ່ວມໃນການປົກປັກຮັກສາ ແລະ ສ້າງສາ ພັດທະນາແຂວງຫລວງນໍ້າທາໃຫ້ບັນລຸຜົນສຳເລັດຕາມຄາດຫມາຍທີ່ວາງໄວ້.
ຂ່າວ: ກິ່ນນາລົມ
