“ຊື ໄຫ່ຫຼິນ” ໂຊທ້າຄວາມສູງ ຍ່າງໄຕ່ເຊືອກສູງ 500 ແມັດ - Laoedaily

“ຊື ໄຫ່ຫຼິນ” ໂຊທ້າຄວາມສູງ ຍ່າງໄຕ່ເຊືອກສູງ 500 ແມັດ

ອີກໜຶ່ງກີລາທີ່ຫຼາຍຄົນບໍ່ຮູ້ຈັກ ແລະ ເປັນກີລາທີ່ຄົນທັງຫຼາຍອາດຈະໃຈບໍ່ກ້າພໍທີ່ຈະໄປເປັນນັກກີລາຊະນິດນີ້ໄດ້ ນັ້ນກໍຄືກີລາ ຍ່າງເທິງເຊືອກ ເພາະມີຄວາມສ່ຽງທີ່ຈະພາດໄດ້ສູງ ເມື່ອພາດຂຶ້ນມາບໍ່ຢາກຈະນຶກເຖິງສິ່ງທີ່ເກີດຂຶ້ນ ຖ້າບໍ່ເຖິງຊີວິດກໍ່ພິການໄລຍະຍາວເປັນທີ່ແນ່ນອນ.

ດັ່ງນັ້ນ, ຄົນທີ່ຈະເປັນນັກກີລານີ້ໄດ້ຕ້ອງມີສະມາທິ ຄວາມກ້າ ແລະ ມັກຄວາມທ້າທາຍ ຈຶ່ງສາມາດເປັນໄດ້ ເຊິ່ງໃນປະເທດຈີນເປັນກີລາຊະນິດໜຶ່ງທີ່ມີຄວາມນິຍົມໃນບາງເຂດ ບາງທ້ອງຖິ່ນ ແລະ ຍັງເປັນກີລາທີ່ສາມາດດຶງດູດຜູ້ຊົມ ຫຼື ນັກທ່ອງທ່ຽວໄປເບິ່ງໄດ້ເປັນຈຳນວນຫຼາຍ.

ເມື່ອວັນທີ 19 ກໍລະກົດ ທີ່ຜ່ານມາໄດ້ມີນັກກີລາທີ່ໃຊ້ນາມວ່າ “ຊື ໄຫ່ຫຼິນ” ໄດ້ມາໂຊຄວາມຫວາດສຽວ ຢູ່ຂົວແກ້ວເຊື່ອມຊ່ອງແຄບຫວງເຖິງ ເມືອງຊິງຫຍ່ວນ ເຂດປົກຄອງກວາງຕຸ້ງ ໂດຍການຍ່າງດ້ວຍຕີນເປົ່າຢູ່ເທິງເຊືອກໄນລອນ (Nylon) ທີ່ມີຄວາມສູງຈາກພື້ນ 500 ແມັດ ແລະມີຂະໜາດຄວາມກວ້າງຂອງເຊືອກ 2,5 ຊັງຕີແມັດ ແລະ ໜາ 3 ຊັງຕີແມັດ ໂດຍຕ້ອງຮັກສາຄວາມສົມດຸນຂອງຮ່າງກາຍ ແລະ ມີລີລາທ່າທາງຕ່າງໆ ໄປພ້ອມ.

ເອີ້ນວ່າງານນີ້ເຖິງຈະມີຄວາມສ່ຽງສູງພໍສົມຄວນ ແຕ່ສຳລັບຜູ້ມັກຮັກໃນກີລານີ້ແລ້ວຖືວ່າເປັນຄວາມສຸກທີ່ສຸດ ບໍ່ພຽງເທົ່ານັ້ນຍັງສ້າງອາຫານຫູອາຫານຕາໃຫ້ກັບຜູ້ທີ່ມາພົບເຫັນບໍ່ໜ້ອຍເລີຍ ເພາະວ່າມີບໍ່ເທົ່າໃດຄົນທີ່ຝືກໄດ້ໃຜເຫັນຖືວ່າເປັນບຸນຕາເລີຍລະ!

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ