ຢ່າງທີ່ຮູ້ກັນດີວ່າຖ້າຢາກເຮັດພິດຊ່າ ສູດອາຫານຕ້ອງໃຊ້ເຕົາອົບຖ້າບໍ່ມີກໍບ່ສາມາດເຮັດໄດ້ ແຕ່ສຳລັບພິດຊ່າສູດນີ້ບໍ່ຕ້ອງໃຊ້ເຕົາອົບເລີຍ ມື້ເຮົາຂໍນຳສະເໜີວິທີເຮັດພິດຊ່າດ້ວຍໝໍ້ກະທະ ສ່ວນປະສົມກໍມີແຕ່ແປ້ງກັບໂຢເກິດ ບໍ່ຕ້ອງໃສ່ຢີສແຖມຕົກແຕ່ງໜ້າຕາໄດ້ຕາມໃຈມັກໄດ້ເລີຍ ລອງເອົາໄປເຮັດກັນເບິ່ງເດີ້ ແປ້ງກອບໆ ຫອມໆ.
ນວດຈົນເຂົ້າກັນແລ້ວແຜ່ເປັນແຜ່ນມົນກົມແປ ຈາກນັ້ນເອົາໄປປີ້ງກ່ອນຮອບທຳອິດພໍເຫຼືອງກອບ ແລະ ເອົາມາແຕ່ງໜ້າຕາມມັກ ແລ້ວໆກໍເອົາໄປປີ້ງຈົນຊີສລະລາຍ
ສ່ວນປະສົມພິດຊ່າກະທະ
-ແປ້ງສາລີອະເນກປະສົງ 140 ກຼາມ
-ໂຢເກິດທຳມະຊາດ
-ນ້ຳທັນພືດ ½ ບ່ວງແກງ
ວິທີເຮັດພິດຊ່າໝໍ້ກະທະ
•ເລີ່ມຕົ້ນດ້ວຍການເທແປ້ງ ແລະ ໂຢເກິດລົງໃນຊາມຄົນປະສົມໃຫ້ເຂົ້າກັນ ຈາກນັ້ນນຳມານວດເທິງຂຽງຕໍ່ ຢ່າລືມໂຮຍແປ້ງກັນຕິດມື ແລະ ລູບນ້ຳມັນທີ່ຝາມື.
•ຈາກນັ້ນນຳມາປັ້ນເປັນກ້ອນມົນໆ ແລະ ແບ່ງເປັນ 2 ກ້ອນ ຄຶງເປັນແຜ່ນມົນບາງແລ້ວກະຂະໜາດເອົາ ແລະ ຕັດຂອບແປ້ງເພື່ອໃຫ້ເປັນວົງມົນ.
•ຕັ້ງໝໍ້ກະທະເທນ້ຳມັນປະມານ ½ ບ່ວງແກງ ພໍໝໍ້ກະທະຮ້ອນໃສ່ແປ້ງລົງໄປປີ້ງໂດຍໃຊ້ໄຟກາງ ແລະ ເອົາຄວາມກອບຕາມໃຈມັກ ປິດໄຟເອົາຂຶ້ນຈາກໝໍ້.
•ຕົກແຕ່ງໜ້າແປ້ງພິດຊ່າດ້ວຍຊັອດໝາກເລັ່ນ, ໝາກເຜັດສົດຈາກສວນແຊ່ແຂງ, ໝາກກອກດຳ, ປູອັດ ແລະ ມອສຊາເຣລ່າຊີສ ແລະ ອື່ນໆ ຕາມມັກໄດ້ເລີຍ.
•ນຳໄປປີ້ງອີກຮອບ 2 ເປັນເວລາ 3 ນາທີດ້ວຍໄຟກາງ ຫຼື ຈົນກວ່າຊີສຈະລະລາຍ ແລະ ພິດຊ່າກອບຕາມໃຈມັກກໍເປັນອັນຮຽບຮ້ອຍພ້ອມເສີບ ເຮັດງ່າຍໆ ລອງໄປເຮັດກັນເບິ່ງເດີ້.
