ເກີດແຜ່ນດິນໄຫວອີກແລ້ວ ໄຊຍະບູລີບ່າຍມື້ນີ້ເອງ

17

ມີລາຍງານແຜ່ນດິນໄຫວອີກແລ້ວ ແຂວງໄຊຍະບູລີ ເຊິ່ງປີນີ້ປະກົດວ່າເກດີມາຫຼາຍຄັ້ງສົມຄວນ ດີແຕ່ເປັນການໄຫວບໍ່ຮຸນແຮງ ຕາມລາຍງານຂອງກົມອຸຕຸນິຍົມ ແລະອຸທົກກະສາດ ຫຼ້າສຸດໃຫ້ຮູ້ວ່າ ມື້ນີ້ເວລາ 13:01 ໂມງ ໄດ້ເກີດແຜ່ນດິນໄຫວຢູ່ປະເທດລາວ 1 ຄັ້ງທີ່ ທີ່ບ້ານສະລາ ເມືອງໄຊສະຖານ ແຕ່ຫຼາຍຄົນອາດບໍ່ຮັບຮູ້ ເນື່ອງຈາກເປັນການໄຫວຂະໜາດນ້ອຍ.

ເຫດການແຜ່ນດິນໄຫວຄັ້ງນີເກີດຂື້ນໃນເວລາ 13:01:47 ໂມງຕາມເວລາທ້ອງຖິ່ນ ຈຸດສູນກາງຢູ່ເສັນຂະໜານທີ່ 19,48 ອົງສາເໜືອ ແລະເສັ້ນແວງທີ່ 101,299 ອົງສາຕາເວັນອອກ ຄວາມແຮງສັ່ນສະເທືອນວັດແທກໄດ້ 3,2 ຣິກເຕີ ເຊິ່ງມີຄວາມເລີກຈາກເທິງໜ້າດິນປະມານ 4 ກິໂລແມັດ ຈຸດສູນກາງແຜ່ນດິນໄຫວຢູ່ຫ່າງຈາກເທດສະບານເມືອງໄຊສະຖານປະມານ 10 ກິໂລແມັດ.

Slide
Slide
Slide

ຕາມການອະທິບາຍທາງທໍລະນີວິທະຍາຂອງໄທກ່ອນໜ້ານັ້ນລະບຸວ່າ ທີ່ມັກເກີດເຫດຢູ່ພາກເຫຼືອລາວ ໂດຍສະເພາະໃນ ແຂວງໄຊຍະບູລີ ເນື່ອງຈາກ ແຂວງດັ່ງກ່າວຕັ້ງຢູ່ຮອຍເລື່ອນໃຫຍ່ທີ່ເອີ້ນວ່າ ຮອຍເລື່ອນດຽນບຽນຟູທີ່ລາກເສັ້ນມາແຕ່ແມ່ນ້ຳແດງຂອງຈີນນັ້ນເອງ.