ສຳນັກຂ່າວຊິນຮວາ ລາຍງານວ່າ: ວັກແຊັງປ້ອງກັນໂຄວິດ – 19 ທີ່ສະຖາບັນຊີວະວິທະຍາການແພດ ມະຫາວິທະຍາໄລວິທະຍາສາດການແພດຂອງຈີນ ກຳລັງພັດທະນາຢູ່ນັ້ນ ໄດ້ເຂົ້າສູ່ການທົດລອງໄລຍະ 2 ແລ້ວ ໂດຍການທົດລອງໄລຍະ 2 ນີ້ ຈະເປັນການປະເມີນຄຸນສົມບັດໃນການສ້າງພູມຄຸ້ມກັນ ແລະ ຄວາມປອດໄພຂອງວັກແຊັງດັ່ງກ່າວໃນມະນຸດ ໂດຍຈະທົດລອງຢູ່ໃນແຂວງຢູນນານ ແລະ ບາງແຂວງໃນທິດຕາເວັນອອກສ່ຽງໃຕ້ ຂອງ ສປ ຈີນ.
ມາຮອດປັດຈຸບັນ ຈີນ ໄດ້ພັດທະນາວັກແຊັງຕ້ານໂຄວິດ – 19 ຈຳນວນ 5 ຊະນິດ ເຊິ່ງທັງໝົດກຳລັງຢູ່ໃນຂັ້ນຕອນການທົດລອງທາງຄລີນິກ.
ອົງການອະນາໄມໂລກ ເປີດເຜີຍວ່າ: ປັດຈຸບັນໄດ້ມີປະເທດຕ່າງໆໃນໂລກພັດທະນາວັກແຊັງ 13 ຊະນິດ ທີ່ຍັງຢູ່ໄລຍະການທົດລອງທາງຄລີນິກ ແລະ ມີອີກ 120 ຊະນິດ ຍັງຢູ່ໃນຂັ້ນຕອນທົດລອງຂັ້ນທຳອິດ.