ຂ່າວດີສຸດສົ່ງທຸກຄົນນອນ ໄຟຟ້າຈະຊົດເຊີຍຄືນຄ່າໄຟ ພ້ອມຫຼຸດລາຄາໃນຊ່ວງໂຄວິດ - Laoedaily

ຂ່າວດີສຸດສົ່ງທຸກຄົນນອນ ໄຟຟ້າຈະຊົດເຊີຍຄືນຄ່າໄຟ ພ້ອມຫຼຸດລາຄາໃນຊ່ວງໂຄວິດ

ເປັນທີ່ຮູ້ກັນດີວ່າ ໃນໄລຍະທີ່ເກີດມີການລະບາດຂອງພະຍາດໂຄວິດ-19 ແມ່ນປະຊາຊົນທົ່ວປະເທດລ້ວນໄດ້ຮັບຜົນກະທົບ ເນື່ອງຈາກບໍ່ສາມາດອອກໄປທຳມາຫາກິນ, ມະນຸດເງິນເດືອນຈຳນວນບໍ່ໜ້ອຍຂາດລາຍຮັບ ໃນເວລາດຽວກັທຸກຄົນແມ່ນຢູ່ເຮືອນໃຊ້ໄຟຫຼາຍ ບວກກັບການປັບລາຄາໄຟຟ້າຈາກຫຼາຍຂັ້ນມາເປັນສອງຂັ້ນ ເຮັດໃຫ້ຜູ້ຊົມໃຊ້ຈຳນວນຫຼາຍຕ້ອງຈ່າຍຄ່າໄຟແພງຂຶ້ນ ຈິ່ງກາຍເປັນຫາງສຽງສັງຄົມບໍ່ແມ່ນໜ້ອຍ ແນວໃດກໍ່ຕາມບັນຫາທີ່ເກີດຂຶ້ນລັດຖະບານລວມທັງລັດວິສາຫະກິດໄຟຟ້າແມ່ນບໍ່ໄດ້ນີ້ງເສີຍ!

ຫຼ້າສຸດ ແລງມື້ນີ້ 23 ມິຖຸນາ 2020 ລັດວິສາຫະກິດໄຟຟ້າລາວໄດ້ປະກາດກຳນົດນະໂຍບາຍຫຼຸດລາຄາໄຟຟ້າໄລຍະການລະບາດຂອງພະຍາດໂຄວິດ-19 ຄື ເດືອນ 4-5-6 ຂອງປີ 2020 ອອກມາແລ້ວ ໂດຍຈະແບ່ງອອກເປັນ 3 ກຸ່ມດັ່ງນີ້:

ກຸ່ມທີ່1 ທີ່ໃຊ້ກະແສໄຟຟ້າ 0-150 ກິໂລວັດໂມງຕໍ່ເດືອນແມ່ນໃຫ້ຄູນໃສ່ 355 ກີບ ຕໍ່ກິໂລວັດໂມງ ຖືເປັນລາຄາໄຟຟ້າຂອງເດືອນ

ກຸ່ມທີສອງ ເປັນຜູ້ໃຊ້ທີ່ຊົມໃຊ້ກະແສໄຟແຕ່ 151-461 ແມ່ນໃຫ້ຄູນ 355 ກີບຕໍ່ກິໂລວັດສຳລັບ 150 ກິໂລວັດທຳອິດ ແລະ ສ່ວນທີ່ເຫຼືອໃຫ້ຄູນໃສ່ລາຄາ 710 ກີບຕໍ່ກິໂລວັດໂມງ ເປັນລາຄາໄຟຟ້າພາຍໃນເດືອນ.

ສ່ວນກຸ່ມທີ3 ແມ່ນຜູ້ທີທຊົມໃຊ້ກະແສໄຟຟ້າແຕ່ 462 ກິໂລວັດໂມງເປັນຕົ້ນໄປແມ່ນໃຫ້ຄຸນໃສ່ລາຄາດຽວຄື 710 ກີບຕໍ່ກິໂລວັດໂມງ ຖືເປັນລາຄາໄຟຟ້າພາຍໃນເດືອນນັ້ນ.

ເຊິ່ງປະຈຸບັນນີ້ລາຄາໄຟຟ້າສຳລັບ 3 ເດືອນທີ່ລະບຸໄວ້ຄື 4-5-6 ແມ່ນໄດ້ຄິດໄລ່ເງິນ ແລະແຈກຈ່າຍບິນອອກໝົດແລ້ວ ດັ່ງນັ້ນ, ທາງລັດວິສາຫະກິດໄຟຟ້າລາວ ຈະມີການໄລ່ລຽງຄືນໃຫ້ປະຊາຊົນທີ່ໄດ້ຈ່າຍເງິນໄປແລ້ວ ຫຼື ສົ່ງເງິນຄືນໃຫ້ຜູ້ທີ່ຈ່າຍໄປແລ້ວກ່ອນໜ້ານີ້ ໃນໃບບິນຂອງເດືອນທີ 7-8-9 ຂອງປີ 2020. ຂໍໃຫ້ເຂົ້າໃຈຕາມນີ້.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ