ສະຫະລັດ ຊ່ວຍເຫຼືອລາວຕື່ມ 2,5 ລ້ານໂດລາ ເພື່ອຕ້ານໂຄວິດ-19 - Laoedaily

ສະຫະລັດ ຊ່ວຍເຫຼືອລາວຕື່ມ 2,5 ລ້ານໂດລາ ເພື່ອຕ້ານໂຄວິດ-19

ລັດຖະບານລາວ ຍັງສືບຕໍ່ໄດ້ຮັບນໍ້າໃຈການຊ່ວຍເຫຼືອເພື່ອຕໍ່ສູ້ກັບພະຍາດໂຄວິດ-19 ຈາກບັນດາປະເທດຕ່າງໆໃນໂລກ, ຫຼ້າສຸດ ສະຫະລັດອາເມກາ ໂດຍຜ່ານໂຄງການ (USAID), ໄດ້ເພີ່ມທຶນການຊ່ວຍເຫຼືອ ຈຳນວນ 2,5 ລ້ານໂດລາສະຫະລັດ ມອບແກ່ລາວອີກຄັ້ງ ໃນການຫຼຸດຜ່ອນ ແລະ ປ້ອງກັນການແຜ່ລະບາດພະຍາດໂຄວິດ19 ໃນ ສປປ ລາວ.

ພາບປະກອບຂ່າວເທົ່ານັ້ນ

ທ່ານ ປອ. ປີເຕີ ເຮມ໋ອນ ເອກອັກຄະລັດຖະທູດສະຫະລັດອາເມລິກາ ປະຈຳ ສປປ ລາວ ໄດ້ກ່າວວ່າ: “ທຶນການຊ່ວຍເຫຼືອ ຈາກສະຫະລັດອາເມລິກາໄດ້ຢໍ້າຄືນເຖິງຄວາມໝາຍໝັ້ນຂອງການຮ່ວມມືແບບກວມລວມລະຫວ່າງ ສະຫະລັດອາເມລິກາ ແລະ ສປປ ລາວ”.

ພາບປະກອບຂ່າວເທົ່ານັ້ນ

ທ່ານໄດ້ກ່າວຕື່ມອີກວ່າ ພວກເຮົາມີຄວາມພາກພູມໃຈ ຕໍ່ກັບຄວາມໝາຍໝັ້ນທີ່ຕິດພັນກັບການຊ່ວຍເຫຼືອທາງດ້ານ ວຽກງານສະກັດກັ້ນພະຍາດ ໂຄວິດ-19, ເຊິ່ງມາຮອດປັດຈຸບັນໄດ້ບັນລຸເຖິງ 7,5 ລ້ານໂດລາ.

ສະຫະລັດອາເມລິກາໄດ້ໃຫ້ການສະໜັບສະໜູນ ສປປ ລາວ ເພື່ອປະກອບສ່ວນເຂົ້າໃນຄວາມພະຍາຍາມເພື່ອສະກັ້ນການແຜ່ລະບາດໄວຣັສຮ້າຍນີ້ພ້ອມທັງປ້ອງກັນສຸຂະພາບ ແລະ ຄວາມເປັນຢູ່ທີ່ດີຂອງປະຊາຊົນລາວ.

ພາບປະກອບຂ່າວເທົ່ານັ້ນ

ສໍາລັບທຶນການຊ່ວຍເຫຼືອຫຼ້າສຸດ, ອົງການ USAID ແມ່ນຈະໄດ້ປະກອບສ່ວນໃນການສົ່ງເສີມເຊັ່ນ: ການມີສ່ວນຮ່ວມຂອງຊຸມຊົນເພື່ອຊ່ວຍໃນການໃຫ້ຄວາມຮູ້ໃຫ້ແກ່ປະຊາຊົນລາວກ່ຽວກັບຂັ້ນຕອນການປ້ອງກັນ ແລະ ການສະກັດກັ້ນການແຜ່ລະບາດຂອງໄວຣັສ, ບັນດາໂຄງການເສີມສ້າງການປ້ອງກັນ ແລະ ຄວບຄຸມການຕິດເຊື້ອ, ສົ່ງເສີມຫ້ອງວິເຄາະໃນ ສປປ ລາວ ເພື່ອໃຊ້ເຂົ້າໃນການບົ່ງມະຕິ ແລະ ກວດຫາບັນດາກໍລະນີຂອງພະຍາດ ໂຄວິດ-19 ລວມເຖິງຄວາມພະຍາຍາມໃນການຊ່ວຍເຫຼືອຕິດຕາມເຝົ້າລະວັງພະຍາດໂຄວິດ-19 ເພື່ອເປັນການຫຼຸດຜ່ອນຄວາມສ່ຽງທີ່ຈະແຜ່ເຊື້ອໄປສູ່ຄົນອື່ນ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ