ເອເດັນ ເຣຊີເດັນ ເນັ້ນການບໍລິການ ແລະ ສ້າງຄວາມພໍໃຈແກ່ລູກຄ້າ - Laoedaily

ເອເດັນ ເຣຊີເດັນ ເນັ້ນການບໍລິການ ແລະ ສ້າງຄວາມພໍໃຈແກ່ລູກຄ້າ

ທ່ານ ນາງ ພະຈິກຕາ ອຸດົມ ເຈົ້າຂອງທຸລະກິດໂຮງແຮມ ເອເດັນ ເຣຊີເດັນ ( Eden Residence ) ໃຫ້ສຳພາດວ່າ: ຈຸດເລີ່ມຕົ້ນຂອງທຸລະກິດນີ້ເນື່ອງຈາກທີ່ເຫັນວ່າໂຮງແຮມໃນ ແຂວງສະຫວັນນະເຂດ ແຕ່ລະບ່ອນຍັງບໍ່ສາມາດຕອບໂຈດໃຫ້ກັບລູກຄ້າໄດ້ດີເທົ່າທີ່ຄວນ. ດັ່ງນັ້ນ, ພວກເຮົາຕ້ອງພັດທະນາມາດຕະຖານໂຮງແຮມໃຫ້ສູງຂຶ້ນ ໂດຍເນັ້ນຄວາມປອດໄພ, ສະຫງົບ, ສະອາດສວຍງາມ ແລະ ການບໍລິການທີ່ປະທັບໃຈ ຈຶ່ງຕັດສິນໃຈສ້າງໂຮງແຮມແຫ່ງນີ້ຂຶ້ນມາ ໂດຍໄດ້ອອກໂຄງສ້າງທີ່ທັນສະໄໝ ແລະ ຍັງຖືກຄັດເລືອກໃຫ້ເປັນໜຶ່ງໃນການອອກແບບຕຶກທີ່ໂດດເດັ່ນໃນວາລະສານ Architecture ຂອງປະເທດສິງກະໂປ ( Singapore ) ປີ 2018 ເປັນຮ້ານອາຫານອະເນກປະສົງ 9 ຊັ້ນ.

ທຸກໆຫ້ອງມີເຄື່ອງໃຊ້ຄົບຊຸດໃຫ້ທ່ານເຂົ້າມາຢູ່ໄດ້ເລີຍພ້ອມສໍາຜັດບັນຍາກາດວິວໃຈກາງເມືອງ ເຮັດໃຫ້ແຂກທີ່ມາພັກອາໄສຮູ້ສຶກຜ່ອນຄາຍ ດ້ວຍການຕົກແຕ່ງພາຍໃນເນັ້ນຮູບແບບທີ່ໂດດເດັ່ນທັນສະໄໝເໝາະກັບຍຸກປັດຈຸບັນ. ນອກຈາກການບໍລິການດ້ານຄວາມປອດໄພເປັນຫຼັກແລ້ວ ດ້ານສະຖານທີ່ຈອດລົດກໍສະດວກສະບາຍ ແລະ ມີຫ້ອງພັກທີ່ສາມາດຮັບຮອງໄດ້ຫຼາຍທັງແບບສ່ວນຕົວ, ຄອບຄົວ ແລະ ໝູ່ຄະນະ ເຊິ່ງມີໃຫ້ຈ່າຍເປັນລາຍເດືອນ ແລະ ແບບລາຍວັນ.


ຄຽງຄູ່ກັນນັ້ນ, ຍັງມີພະນັກງານທຳຄວາມສະອາດເຊົ້າ – ແລງ ຫຼື ຕາມທີ່ຕ້ອງການ ພ້ອມດ້ວຍອາຫານເຊົ້າໄວ້ຄອຍບໍລິການດ້ວຍຄວາມເປັນກັນເອງ ອັນໄດ້ສ້າງຄວາມປະທັບໃຈໃຫ້ແຂກທີ່ເຂົ້າມາໃຊ້ບໍລິການ ໃຫ້ມີຄວາມຮູ້ສຶກຄວາມປະທັບໃຈເໝືອນກັບວ່າກຳລັງພັກຜ່ອນຢູ່ເຮືອນຂອງຕົນເອງ ແລະ ມີຄວາມຊົງຈຳດີໆຕະຫຼອດໄປ.

ເອເດັນ ເຣຊີເດັນ ມີທີ່ຕັ້ງຢູ່ບ້ານສຸນັນທາ ນະຄອນໄກສອນ ພົມວິຫານ ແຂວງສະຫວັນນະເຂດ ຫ່າງຈາກຄິວລົດເມປະມານ 200 ແມັດ.

ໂດຍ: ສົມສະຫວິນ

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ