ເຊື້ອຮ້າຍໂຄວິດ-19! ສາຍການບິນເອມິເຣດ ຍັງບໍ່ມີມະຕິຂໍ້ສະຫຼຸບ ປັບປ່ຽນໂຄງສ້າງພາຍໃນຄັ້ງສຳຄັນ - Laoedaily

ເຊື້ອຮ້າຍໂຄວິດ-19! ສາຍການບິນເອມິເຣດ ຍັງບໍ່ມີມະຕິຂໍ້ສະຫຼຸບ ປັບປ່ຽນໂຄງສ້າງພາຍໃນຄັ້ງສຳຄັນ

ສາຍການບິນເອມິເຣດ ຍັງບໍ່ມະຕິສະຫຼຸບເປັນທາງການກ່ຽວກັບມາດຕະການໃໝ່ ເພື່ອນຳພາບໍລິສັດກ້າວສູ້ການປ່ຽນແປງຄັ້ງສຳຄັນ ຫຼັງຈາກມີລາຍງານວ່າ ອາດຈະປົດພະນັກງານອອກ 30 ພັນຕຳແໜ່ງ.

ສຳນັກຂ່າວຕ່າງປະເທດລາຍງານຈາກນະຄອນດູໄບ ສະຫະລັດ ອາຣັບເອມີເຣດສ໌ (UAE) ເມື່ອວັນຈັນ ທີ 18 ພຶດສະພາ ໂດຍອ້າງອີງຈາກລາຍງານຂອງສຳນັກຂ່າວຣອຍເຕີ ເຊິ່ງໃຫ້ສຳພາດໂດຍໂຄສົກຂອງເອມິເຣດສາຍການບິນຂະໜາດໃຫຍ່ທີ່ສຸດ ໃນຕາເວັນອອກກາງ ເມື່ອວັນອາທິດ ຜ່ານມາ ຫຼັງຈາກສຳນັກຂ່າວບຼູມເບີກ ໄດ້ລາຍງານວ່າ ເອມິເຣດກຽມປົດພະນັກງານ 30 ພັນຄົນ ຫຼື ປະມານ 30% ຂອງພະນັກງານທີ່ມີຢູ່ທົວໂລກ.

ในภาพอาจจะมี เครื่องบิน, ท้องฟ้า และสถานที่กลางแจ้ง

ທັງນີ້, ໂຄສົກກ່າວຕໍ່ວ່າ ເອມິເຣດ “ຍັງບໍ່ມີມະຕິຢ່າງເປັນທາງການ” ກ່ຽວກັບມາດຕະການ” ປັດຫຼຸດຈຸດທີ່ຊ້ຳຊ້ອນຫຼາຍເກີນໄປ ແລະ ສິ່ງທີ່ຟຸ້ມເຟືອຍໃນອົງກອນ” ແຕ່ໄດ້ເປີດເຜີຍໃນເບື້ອງຕົ້ນວ່າ ບໍລິສັດກຳລັງພິຈາລະນາເລື່ອງ “ການບໍລິຫານຄຸ້ມຄອງຄ່າໃຊ້ຈ່າຍ ແລະ ການນຳໃຊ້ຊັບພະຍາກອນເພື່ອຂັບເຄື່ອນທຸລະກິດ“ ໃຫ້ເໝາະສົມກັບສະພາບການໃນປະຈຸບັນ ແລະ ແຜນຍຸດທະສາດໃນອະນາຄົດ.

ในภาพอาจจะมี ท้องฟ้า, เครื่องบิน และสถานที่กลางแจ้ง

ອີກປະການໜຶ່ງ ເອມິເຣດ ໄດ້ໂຈະຖ້ຽວບິນເກືອບທັງໝົດເມື່ອເດືອນມີນາ ຜ່ານມາ ເນື່ອງຈາກວິກິດການແຜ່ລະບາດຂອງໂຄວິດ-19 ແຕ່ເມື່ອອາທິດກ່ອນ ໄດ້ປະກາດກຽມຈະກັບມາເປີດໃຫ້ບໍລິການ 9 ເສັ້ນທາງຂອງ 8 ປະເທດ ຕັ້ງແຕ່ວັນທີ 21 ພຶດສະພານີ້ ໄດ້ແກ່ ນະຄອນຫຼວງລອນດອນ, ເມື່ອງແຟຣັງເຟີດ, ເມືອງມິລານ, ນະຄອນຫຼວງມາດຣິດ, ເມືອງໂທຣອນໂຕ, ເມືອງຊິຄາໂກ, ນະຄອນຊິດນີ ແລະ ເມືອງເມລເບິນ. ລວມທັງມີຖ້ຽວບິນໃນນະຄອນດູໄບ ເປັນຈຸດເຊື່ອມຕໍ່ລະຫວ່າງຜູ້ທີ່ຕ້ອງການເດີນທາງລະຫວ່າງສະຫະຣາຊະອານາຈັກ ກັບ ອົດສະຕຣາລີ ດ້ວຍ.

ในภาพอาจจะมี เครื่องบิน และสถานที่กลางแจ้ง

ເຖິງວ່າປີງົບປະມານຜ່ານມາ ໄດ້ສິ້ນສຸດລົງ ເມື່ອວັນທີ 31 ມີນາ ເອມິເຣດ ຢືນຢັນມີຜົນກຳໄລເພິ່ມຂຶ້ນ 21%. ຢ່າງໃດກໍ່ຕາມ ທາງສະໜາມບິນກໍ່ຍອມຮັບວ່າ ວິກິດການແຜ່ລະບາດໂຄວິດ-19 ຈະສົ່ງຜົນກະທົບຕໍ່ການດຳເນີນວຽກງານໃນໄຕມາດທີ່ສີ່.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ