ແຟນຂ່າວທຸກຄົນອາດຈະຮູ້ດີວ່າໝາກເຂົ້າສາມາດນຳເອົາມາປຸງແຕ່ງເປັນເຄື່ອງດື່ມ ອາຫານຫວານ ອາຫານຄາວໄດ້ຫຼາກຫຼາຍເມນູ ແຕ່ທ່ານຮູ້ບໍ່ວ່າຟັກເຂົ້າຊ່ວຍຫຍັງແນ່ໃນເລື່ອງຂອງສຸຂະພາບ ມື້ນີ້ ແອັດມິນຈະມາບອກປະໂຫຍດຂອງໝາກເຂົ້າທີ່ບາງທ່ານອາດຈະຍັງບໍ່ຮູ້ມາກ່ອນ, ໝາກເຂົ້າໜ່ວຍສີແດງງາມ ທີ່ສາມາດກິນສົດໆກໍ່ໄດ້ ຫຼື ຈະນຳໄປປຸງແຕ່ງເປັນເມນູຕ່າງໆກໍ່ດີ ແຖມມີລົດຊາດຈືດໆ ແຕ່ປະໂຫຍດບໍ່ຈືດຄືລົດຊາດເລີຍ ເພາະໃນຟັກເຂົ້າອຸດົມໄປດ້ວຍວິຕາມິນບີ1 ບີ2 ບີ3 ບີ5 ບີ6 ບີ9 ວິຕາມິນເອ ວິຕາມິນຊີ ແຄວຊ້ຽມ ຟອສຟໍຣັສ ໂປຣຕີນ ແລະ ແຮ່ທາດອື່ນໆ ທີ່ຢູ່ໃນໝາກເຂົ້າມີຫຼາຍກວ່າທີ່ຄິດ.
ເຊິ່ງໝາກເຂົ້ານຳເອົາໄປປຸງແຕ່ງ ແຕ່ໃນສ່ວນຕ່າງໆຂອງໝາກເຂົ້າແມ່ນຍັງສາມາດຊ່ວຍບັນເທົາພະຍາດຕ່າງໆໄດ້ດີອີກດ້ວຍເຊັ່ນ ໝາກອ່ອນ ແລະໃບອ່ອນ ຊ່ວຍຫຼຸດນ້ຳຕານໃນເລືອດຂອງຜູ້ທີ່ເປັນເບົາຫວານໄດ້, ເມັດແມ່ນຊ່ວຍບຳລຸງປອດ ແກ້ຝີໃນປອດ, ໃບຟັກເຂົ້າຊ່ວຍແກ້ໄຂ້ໂຕຮ້ອນໄດ້ ແກ້ລິດສີດວງ ແກ້ອາການອັກເສບບວມ, ຮາກຂອງຟັກເຂົ້າຊ່ວຍຖອນພິດໄຂ້ ຊ່ວຍຂັບຂີ້ກະເທີ້.
ນອກຈາກນີ້ ຍັງມີສານຕໍ່ຕ້ານອະນຸມູນອິດສະຫຼະສູງ ຊ່ວຍເສີມສ້າງພູມຄຸ້ມກັນໃຫ້ກັບຮ່າງກາຍ ຊ່ວຍບຳລຸງ ແລະ ຮັກສາສາຍຕາ ປ້ອງກັນພະຍາດກ່ຽວກັບດວງຕາ ຊ່ວຍປ້ອງກັນໂຣກຫົວໃຈ ຫຼອດເລືອດຫົວໃຈ ໂຣກຫົວໃຈຂາດເລືອດຊ່ວຍປ້ອງກັນເສັ້ນເລືອດໃນສະໝອງແຕກ ທີ່ເປັນສາເຫດຂອງການເປັນອຳມະພຶກ ອຳມະພາດ ຊ່ວຍປ້ອງກັນ ແລະ ຫຼຸດຄວາມສ່ຽງຂອງການເກີດມະເລັງໃນກະເພາະອາຫານ ແລະມະເລັງປອດ.
ທຸກຄົນເຫັນກັນແລ້ວແມ່ນບໍ່ວ່າໝາກເຂົ້ານັ້ນມີປະໂຫຍດຫຼາຍກວ່າການນຳໄປປຸງແຕ່ງເປັນອາຫານ ເພາະມັນຍັງຊ່ວຍໃນເລື່ອງຂອງສຸຂະພາບດີອີກດ້ວຍ ນອກຈາກຊ່ວຍໃນເລື່ອງຂອງສຸຂະພາບແລ້ວ ເລື່ອງຄວາມງາມເພິ່ນກໍນິຍົມນຳເອົາໝາກເຂົ້າໄປເຮັດເປັນຜະລິດຕະພັນຕ່າງໆ ເຊັ່ນ ສະບູ່ ຄີມທາຜິວໜ້າ ຜິວໂຕ ຫຼາກຫຼາຍຢ່າງ. ສະນັ້ນ, ແຟນຂ່າວທ່ານໃດທີ່ຍັງບໍ່ເຄີຍໃຊ້ ຫຼື ນຳມາຮັບປະທານກໍຢ່າລໍຊ້າ ປະໂຫຍດຫຼາຍແບບນີ້ຕ້ອງລອງກັນເລີຍ.
