ຫາກໍ່ຮູ້! ຂີ້ມິ້ນ ຊ່ວຍຂ້າໄວຣັສໄດ້ ລອງໄປນຳໃຊ້ເບິ່ງ

55

ເວົ້າເຖິງຂີ້ມິ້ນ ແຟນຂ່າວຫຼາຍໆຄົນກໍຈະຄິດເຖິງປະໂຫຍດຕ່າງໆຂອງຂີ້ມິ້ນ ເຊິ່ງແນ່ນອນມື້ນີ້ແອັດມິນຈະນຳເອົາຂີ້ມິ້ນເປັນສະໝຸນໄພພື້ນບ້ານ ທີ່ມີຄຸນນະສົມບັດໃນການຕ້ານເຊື້ອໄວຣັສໄດ້ ມາໃຫ້ແຟນຂ່າວໄດ້ຮູ້ຈັກຄຸນປະໂຫຍດນອກເໜືອຈາກນີ້ ເພາະຂີ້ມິ້ນຍັງສາມາດນຳໄປປະກອບເປັນອາຫານ ຫຼື ແປຮູບເປັນຜະລິດຕະພັນຕ່າງໆ ເຊັ່ນ ຊາ ຜົງຊາ ເຄື່ອງດື່ມ ແລະອື່ນໆ ສາມາດເຮັດໃຫ້ເຮົາບໍລິໂພກໄດ້ຕະຫຼອດເວລາ.


ເຊິ່ງໃນຂີ້ມິ້ນຍັງມີສານທີ່ສຳຄັນຕ່າງໆ ພ້ອມທັງຄຸນສົມບັດຂອງຂີ້ມິ້ນທີ່ອີງຕາມການຄົ້ນຄວ້າແມ່ນສາມາດຊ່ວຍຕ້ານອະນຸມູນອິດສະຫຼະ ຕ້ານການອັກເສບ ຕ້ານມະເລັງ ແລະຕ້ານການເກີດຈຸລິນຊີທີ່ກໍ່ໃຫ້ເກີດເຊື້ອລາ ເຊື້ອແບັດທີເຣຍ ແລະ ເຊື້ອໄວຣັສ ໂດຍໃນສະໄໝກ່ອນເພິ່ນຈະໃຊ້ຂີ້ມິ້ນເຂົ້າໃນການຂ້າເຊື້ອໂລກແທນການໃຊ້ນ້ຳຢາແອລກໍຮໍ ຫຼື ໃຊ້ໂປະບາດເພື່ອຂ້າເຊື້ອ, ປະເທດອິນເດຍເປັນປະເທດໜຶ່ງທີ່ເພິ່ນນຳເອົາຂີ້ມິ້ນມາໃຊ້ເພື່ອຮັກສາອາການຕ່າງໆ ໃນນັ້ນແມ່ນນຳເອົານ້ຳຂີ້ມິ້ນມາດື່ມເພື່ອແກ້ຫວັດ ແກ້ໄອ ຮັກສາໂລກຂໍ້ອັກເສບປວດບວມ ນອກຈາກນີ້ ຂີ້ມິ້ນຍັງສາມາດເອົາມາເຮັດເປັນເມນູອາຫານ ເຄື່ອງດື່ມຕ່າງໆໄດ້.


Slide
Slide
Slide

ຂີ້ມິ້ນມີປະໂຫຍດຫຼາກຫຼາຍ ເພາະມີວິຕາມິນ ແລະແຮ່ທາດທີ່ຈຳເປັນຫຼາຍຊະນິດ ເຊັ່ນ ວິຕາມິນເອ ວິຕາມິນບີ1,2,3 ວິຕາມິນ C ວິຕາມິນ E ທາດແຄວຊ້ຽມ ທາດຟອສຟໍຣັສ ທາດເຫຼັກ ໃນຂີ້ມິ້ນຈະມີສານເຫຼືອງຊ່ວຍໃນການຕ້ານການອັກເສບ (ເຫດຂອງພະຍາດ) ເອີ້ນວ່າ ເຄີຄິວມິນ (Curcumin) ມີຜົນໃນການຕ້ານອະນຸມູນອິດສະຫຼະ ເຊິ່ງຊ່ວຍໃນການຊະລໍຄວາມແກ່ ສ້າງພູມຄຸ້ມກັນໄດ້ເປັນຢ່າງດີ ຊ່ວຍຕ້ານການອັກເສບໄດ້ດີ ຊ່ວຍກຳຈັດສານພິດ ບັນເທົາໂລກເບົາຫວານ ໂລກຄວາມດັນເລືອດສູງ ປະດົງຂໍ້ ຊ່ວຍປ້ອງກັນໄຂ້ຫວັດ ພູມແພ້ ເປັນວິນ ໂລກລຳໄສ້ ແກ້ອາການແໜ້ນທ້ອງ ທ້ອງອືດ ຊ່ວຍໂລກກະເພາະ ຊ່ວຍຂັບລົມ ຊ່ວຍລະບົບທາງເດີນອາຫານ ນອກຈາກຈະຊ່ວຍພາຍໃນແລ້ວ ຂີ້ມິ້ນຍັງຊ່ວຍໃຫ້ຜິວພັນ ນຽນນຸ້ມ ຂາວໃສ ອີກດ້ວຍ.