ໄຂ້ຍຸງລາຍບັນຫາທີ່ຄວນລະວັງ! ອັດຕະປື ຕິດອັນດັບ 2 ຂອງປະເທດແລ້ວ - Laoedaily

ໄຂ້ຍຸງລາຍບັນຫາທີ່ຄວນລະວັງ! ອັດຕະປື ຕິດອັນດັບ 2 ຂອງປະເທດແລ້ວ

ແຂວງອັດຕະປື ແມ່ນເປັນແຂວງໜຶ່ງທີ່ພົບມີຜູ້ຕິດເຊື້ອໄຂ້ຍຸງລາຍ ເປັນອັນດັບ 2 ຂອງປະເທດ ໂດຍສະເພາະແມ່ນ 5 ເມືອງຂອງແຂວງ ພົບຜູ້ຕິດເຊື້ອພະຍາດໄຂ້ຍຸງລາຍສູງກ່ວາໜູ່ແມ່ນເມືອງໄຊເສດຖາ ມີເຖິງ 90 ຄົນແຕ່ບໍ່ມີກໍລະນີເສຍຊີວິດ.

ທ່ານ ດຣ ວົງອາໄພ ວົງຊາລະສິດ ຫົວໜ້າຫ້ອງການສາທາລະນະສຸກເມືອງ ໄຊເສດຖາ ໄດ້ໃຫ້ສໍາພາດໃນວັນທີ 6 ພຶດສະພາ 2020 ນີ້ວ່າ ປັດຈຸບັນນອກຈາກການສະກັດກັ້ນແລະຄວບຄຸມການແຜ່ລະບາດຂອງເຊື້ອພະຍາດໂຄວິດ-19 ແລະ ເມືອງຍັງໄດ້ເພີ່ມທະວີສຸມໃສ່ໃນການປ້ອງກັນ ແລະ ຄວບຄຸມການຕິດເຊື້ອຂອງພະຍາດໄຂ້ຍຸງລາຍທີ່ກໍາລັງຄຸມຄາມ ປະຊາຊົນພາຍໃນເມືອງໄຊເສດຖາ ໂດຍໄດ້ມີການແຕ່ງຕັ້ງ ແບ່ງຄວາມຮັບຜິດຊອບໃຫ້ແກ່ພະນັກງານສາທາເມືອງ ໂຮງໝໍເມືອງ ແລະ ສຸກສາລາເມືອງໃນການຕິດຕາມ ກວດກາ, ລົງສຸຂະສຶກສາໃຫ້ຄວາມຮູ້, ລົງທໍາລາຍແຫຼ່ງເພາະພັນຂອງຍຸງລາຍ.

ພ້ອມໄດ້ຮຽກຮ້ອງໃຫ້ປະຊາຊົນຈົ່ງເປັນເຈົ້າການໃນການທໍາລາຍແຫຼ່ງພັນພັນຂອງຍຸງລາຍ ແລະປ້ອງກັນຕົນເອງ ໃນການນອນໃນມຸ້ງ ພ້ອມປະຕິບັດຕາມຫຼັກການ 5 ປໍ ທີ່ກະຊວງສາທາວາງອອກ.

ຂ່າວ: ມະນີວອນ

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ
error: Content is protected !!