ຖົ່ວເຫຼືອງເມນູຫຼາກຫຼາຍ ກິນງ່າຍມີປະໂຫຍດ - Laoedaily

ຖົ່ວເຫຼືອງເມນູຫຼາກຫຼາຍ ກິນງ່າຍມີປະໂຫຍດ

ເຊື່ອວ່າບໍ່ມີໃຜທີ່ບໍ່ຮູ້ຈັກຖົ່ວເຫຼືອງ ເພາະຖົ່ວເຫຼືອງສາມາດເອົາມາປຸງແຕ່ງໄດ້ທັງອາຫານຄາວ ແລະອາຫານຫວານ ເຊິ່ງຖົ່ວເຫຼືອງເອົາມາເຮັດເປັນຜະລິດຕະພັນໄດ້ຫຼາກຫຼາຍຢ່າງ ເຊັ່ນ ນົມຖົ່ວເຫຼືອງ, ນ້ຳເຕົາຫູ້ຖົ່ວເຫຼືອງ, ສະອິວຖົ່ວເຫຼືອງ, ນ້ຳມັນຖົ່ວເຫຼືອງ, ຖົ່ວເນົ່າ, ເຕົ້າຈ້ຽວ, ກະແລັມຖົ່ວເຫຼືອງ, ໂຢເກິດ ແລະເນີຍຖົ່ວເຫຼືອງ.

ຄຸນຄ່າທາງສານອາຫານຂອງຖົ່ວເຫຼືອງປະກອບມີ ໂປຣຕີນ, ເລຊິທີນ (lecithin) ແລະກົດອາມິໂນ ລວມທັງມີທາດແຄວຊ້ຽມ, ຟົດສະຟໍ, ທາດເຫຼັກ, ໄນອາຊິນ (niacin), ວິຕາມິນ B1 ແລະ B2, ວິຕາມິນ A ແລະ E
ເຊິ່ງຖົ່ວເຫຼືອງ 100 ກຼາມ ແມ່ນຈະໃຫ້ພະລັງງານ 446 ກິໂລແຄລໍຣີ ນອກຈາກນີ້ ຖົ່ວເຫຼືອງຍັງສາມາດກະຕຸ້ນການຈະເລີນເຕີບໃຫຍ່ຂອງກະດູກ; ປ້ອງກັນການຂາດແຄວຊ້ຽມໃນກະດູກ; ບຳລຸງລະບົບປະສາດຂອງສະໝອງ; ຫຼຸດຄວາມສ່ຽງຂອງການເກີດໂລກຄວາມດັນເລືອດສູງ; ຊ່ວຍຫຼຸດລະດັບຄໍເລສເຕີຣອນ (Cholesterol); ປ້ອງກັນໂລກເລືອດຈາງ; ຊ່ວຍຫຼຸດຜ່ອນຄວາມສ່ຽງຂອງມະເລັງ ແລະຊ່ວຍຕ້ານອະນຸມູນອິດສະຫຼະ.

ທ່ານເຫັນບໍ່ວ່າຜະລິດຕະພັນຈາກຖົ່ວເຫຼືອງແມ່ນມີປະໂຫຍດ ແລະມີຫຼາກຫຼາຍຢ່າງໃຫ້ເລືອກກິນທັງແບບຄາວ ແລະແບບຫວານ ແຕ່ນອກຈາກຈະເປັນປະໂຫຍດແລ້ວ ຖ້າຫາກກິນຫຼາຍເກີນຄວາມຈຳເປັນທີ່ຮ່າງກາຍຕ້ອງການກໍ່ຈະສົ່ງຜົນເສຍຕໍ່ຮ່າງກາຍໄດ້ເຊັ່ນກັນ ສະນັ້ນ ຄວນກິນໃຫ້ພໍດີກັບຮ່າງກາຍທີ່ມະນຸດຕ້ອງການ ແລະກິນອາຫານໃຫ້ຄົບ 5 ໝູ່.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ