ຫຼາຍຄົນອາດເຄີຍພົບບັນຫານີ້, ສຳລັບຜູ້ທີ່ມັກລີດເຄື່ອງ ລຽນຜ້າ ບັນຫາທີ່ມັກພົບພໍ້ແມ່ນເຕົາລີດໄໝ້ ມີຮອຍດຳ ຈາກນັ້ນອາດຈະໃຊ້ລີດຕໍ່ບໍ່ໄດ້ ເພາະມັນຈະເປື້ອນ ເຄື່ອງ
ແຕ່ບໍ່ຕ້ອງກັງວົນອີດກຕໍ່ໄປ ມື້ນີ້ຈະມາແນະນຳວິທີກຳຈັດຄາບໄໝ້, ຄາບດຳດັ່ງກ່າວ ໃຫ້ເຮົາສາມາດໃຊ້ເຕົາລີດໄດ້ອີກຄັ້ງ
ພຽງແຕ່ມີທຽນໄຂ, ຢາສີຝັນ (ຢີ່ຫໍ້ໃດກໍໄດ້) ຜ້າໄວ້ເຊັດ ແລະ ຫໍ່ມືກັນຮ້ອນ, ເມື່ອກຽມທຽນໄຂໄດ້ແລ້ວກໍນຳທຽນໄຂມາຖູເຕົາລີດໃນຂະນະທີ່ເຕົາລີດຮ້ອນ (ລະວັງມືນຳເດີ້)
ຖູຈົນທຽນໄຂລະລາຍ ຫຼັງຈາກນັ້ນໃຊ້ຜ້າເຊັດທຽນໄຂອອກຈະເຮັດໃຫ້ຮອຍດໍາທີ່ຕິດຢູ່ໜ້າເຕົາລີດຕິດອອກມານໍາ.
ໃຊ້ຢາຖູແຂ້ວທາໜ້າເຕົາລີດທີ່ມີຮອຍດໍາ ພ້ອມທັງສຽບປັກໄຟເຕົາລີດຈົນເຮັດໃຫ້ຢາຖູແຂ້ວໄໝ້ຈຶ່ງຖອດປັກໄຟ
ເມື່ອເຕົາລີດເຢັນແລ້ວໃຊ້ຜ້າຈຸ່ມນໍ້າເຊັດໜ້າເຕົາລີດພຽງເທົ່ານີ້ເຕົາລີດກໍ່ຈະສະອາດທັນທີ.
ຈາກນັ້ນເອົາເຕົາລີດໄປລີດໃບຕອງຈະເຮັດໃຫ້ຮອຍໄໝ້ ດໍາ ທີ່ຕິດຢູ່ໜ້າເຕົາລີດລອກອອກຢ່າງງ່າຍດາຍ.
