ອາເມຣິກາຄາດການຂາດດຸນງົບປະມານອາດເພີ່ມຂຶ້ນເກືອບ4ເທົ່າ - Laoedaily

ອາເມຣິກາຄາດການຂາດດຸນງົບປະມານອາດເພີ່ມຂຶ້ນເກືອບ4ເທົ່າ

ອາເມຣິກາຄາດຄະເນຕົວເລກຂາດດຸນງົບປະມານອາດຈະເພີ່ມຂຶ້ນເກືອບ4ເທົ່າຫຼືປະມານ3,7ພັນຕື້ໂດລາຈາກຜົນກະທົບຂອງໂຄວິດ-19.

 

ສໍານັກງານງົບປະມານແຫ່ງຊາດອາເມຣິກາຫຼືຊີບີໂອລາຍງານວ່າ:ຕົວເລກການຂາດດຸນງົບປະມານຂອງລັດຖະບານອາດຈະເພີ່ມຂຶ້ນເກືອບ4ເທົ່າຈຸລະດັບສູງສຸດເປັນປະຫວັດການທີ່3,7ພັນຕື້ໂດລາໃນປີງົບປະມານນີ້ເນື່ອງຈາກລັດມີຄ່າໃຊ້ຈ່າຍເພີ່ມຂຶ້ນໃນການຮັບມືກັບໂຄວິດ-29 ແລະ ຍັງຕ້ອງສັ່ງປິດທຸລະກິດທົ່ວປະເທດນໍາອີກ.

ທັງນີ້ຄາດຄະເນວ່າຈີດີພີຂອງອາເມຣິກາຈະຫຼຸດລົງເກືອບ40%ເມື່ອປຽບທຽບເປັນລາຍປີໃນໄຕມາດ2ຂອງປີ2020,ແຕ່ຄາດຄະເນວ່າເສດຖະກິດອາເມຣິກາຈະຟື້ນຕົວດີຂຶ້ນໃນທ້າຍປີ.

ສ່ວນອັດຕາການວ່າງວຽກຈຸລະດັບສູງສຸດທີ່16%ໃນປີນີ້ ແລະ ຈະຍັງຢູ່ໃນລະດັບຕົວເລກສອງຫຼັກຈົນເຖິງປີ2021.

ກ່ອນໜ້ານີ້,ຊີບີໂອຄາດຄະເນວ່າໃນເດືອນ ມີນາທີ່ຜ່ານມາຕົວເລກຂາດດຸນງົບປະມານຈະຢູ່ທີ່1ພັນຕື້ໂດລາທັງໃນປີນີ້ ແລະ ປີໜ້າ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ