ທົ່ວໂລກມີຜູ້ເສຍຊີວິດ ກວ່າ 1,5 ແສນຄົນ ຈາກໂຄວິດ-19 - Laoedaily

ທົ່ວໂລກມີຜູ້ເສຍຊີວິດ ກວ່າ 1,5 ແສນຄົນ ຈາກໂຄວິດ-19

ຈຳນວນຜູ້ເສຍຊີວິດໃນທົ່ວໂລກ ຈາກເຊື້ອພະຍາດໂຄວິດ-19 ເພິ່ມຂຶ້ນຫຼາຍກວ່າ 1,5 ແສນຄົນແລ້ວ ເມື່ອວັນສຸກ ຜ່ານມາ.

ສຳນັກຂ່າວຣອຍເຕີ ລາຍງານ ເມື່ອວັນສຸກ ທີ 17 ເມສາ ຜ່ານມາ ວ່າ ຈຳນວນຜູ້ເສຍຊີວິດຈາກພະຍາດໂຄວິດ-19 ທົ່ວໂລກ ເພິ່ມຂຶ້ນຫຼາຍກວ່າ 150.000 ຄົນແລ້ວ ຈາກການຮວບຮວມຂໍ້ມູນຂອງສຳນັກຂ່າວຣອຍເຕີ ແລະ ລາຍງານອີກວ່າ ຜູ້ເສຍຊີວິດຄົນທຳອິດຈາກເມືອງອູ໋ຮັນ ມົນທົນຫູເປີ່ຍ ທາງພາກກາງຂອງປະເທດຈີນ ເມື່ອວັນທີ 9 ມັງກອນ ຜ່ານມາ ຫຼັງຈາກນັ້ນ ພະຍາດໃຊ້ເວລາ 83 ວັນ ເຮັດໃຫ້ມີຜູ້ເສຍຊີວິດ 50 ພັນຄົນ ຫຼັງຈາກນັ້ນອີກພຽງ 8 ວັນ ຍອດຜູ້ເສຍຊີວິດກໍ່ເພິ່ມຂຶ້ນເປັນ 1 ແສນຄົນ ຖັດມາອີກ 8 ວັນ ຜູ້ເສຍຊີວິດເພິ່ມຂຶ້ນອີກ 50 ພັນຄົນ ລວມເປັນ 150.000.

ໃນອະດີດຜ່ານມາ ເຖິງປັດຈຸບັນ ຈຳນວນຜູ້ເສຍຊີວິດຈາກພະຍາດໂຄວິດ-19 ຍັງໜ້ອຍກວ່າໄຂ້ຫວັດໃຫຍ່ແອັດສະປາຍ ເຊິ່ງໄດ້ລະບາດຂຶ້ນ ເມື່ອປີ 1918 ເຮັດໃຫ້ມີຜູ້ເສຍຊີວິດ ຫຼາຍກວ່າ 20 ລ້ານຄົນ ແລະ ເຊື້ອຄ່ອຍໆຈະຫາຍ ໃນປີ 1920.

ພະຍາດໂຄວິດ-19 ເຊິ່ງເລິ່ມເກີດຂຶ້ນໃນຕະຫຼາດເມືອງອູ໋ຮັນ ແລະ ແຜ່ລະບາດໄປທົ່ວໂລກຢ່າງວ່ອງໄວ ໂດຍໃນຫຼາຍປະເທດນັ້ນ ໄດ້ລາຍງານສະເພາະຜູ້ທີ່ເສຍຊີວິດໃນໂຮງໝໍເທົ່ານັ້ນ ແຕ່ຕາມບ້ານເຮືອນທີ່ພັກອາໄສສ່ວນບຸກຄົນ ແລະ ເຮືອນພັກຄົນຜູ້ເຖົ້າ ຍັງບໍ່ມີລາຍງານ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ