ຈີນພົບຜູ້ປ່ວຍປະຈຳວັນຈາກພະຍາດໂຄວິດ-19 ຫຼາຍທີ່ສຸດໃນຮອບເດືອນເຄິ່ງ ສ່ວນໃຫຍ່ເດີນທາງມາຈາກຣັດເຊຍ

16

ລັດຖະບານຈີນລາຍງານກວດພົບຜູ້ປ່ວຍຈາກພະຍາດໂຄວິດ-19 ກວ່າ 100 ຄົນ ເປັນຄັ້ງທຳອິດ ໃນຮອບເດືອນເຄິ່ງ ສ່ວນຫຼາຍແມ່ນເດີນທາງມາຈາກຕ່າງປະເທດ.

ສຳນັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນຈັນ ທີ 13 ເມສາ ວ່າ ຄະນະກຳມາທິການສາທາລະນະສຸກແຫ່ງຊາດຈີນ ອອກຖະແຫຼງການ ເມື່ອວັນຈັນ ເປັນການລາຍງານກ່ຽວກັບສະພາບການຂອງພະຍາດໂຄວິດ-19 ວ່າ ມີການຢືນຢັນຜູ້ເສຍຊີວິດເພິ່ມອີກ 2 ຄົນ ເຊິ່ງອາໄສຢູ່ໃນມົນທົນຫູເປີ່ຍ ເພີ່ມສະຖິຕິຜູ້ເສຍຊີວິດສະສົມຢ່າງໜ້ອຍ 3.341 ຄົນ ນັບຕັ້ງແຕ່ເດືອນທັນວາ ປີຜ່ານມາ.

ຢ່າງໃດກໍ່ຕາມ, ໃນຮອບ 24 ຊົ່ວໂມງ ຜ່ານມາ ມີການຢືນຢັນກວດພົບຜູ້ປ່ວຍເພິ່ມອີກ 108 ຄົນ ແບ່ງອອກເປັນຜູ້ຕິດເຊື້ອເດີນທາງມາຈາກຄ່າງປະເທດ 98 ຄົນ ແລະ ຜູ້ປ່ວຍພາຍໃນປະເທດ 10 ຄົນ ຖືເປັນສະຖິຕິຜູ້ປ່ວຍປະຈຳວັນສູງທີ່ສຸດ ນັບຕັ້ງແຕ່ສະຖິຕິ ເມື່ອວັນທີ 5 ມີນາ ຜ່ານມາ ເຊິ່ງໄດ້ມີການຢືນຢັນຜູ້ປ່ວຍປະຈຳວັນໃນວັນດັ່ງກ່າວ 143 ຄົນ ສ່ວນສະຖິຕິຜູ້ຕິດເຊື້ອບໍ່ສະແດງອາການ ມີການຢືນຢັນເພິ່ມອີກ 61 ຄົນ ເຮັດໃຫ້ຈຳນວນສະສົມຢ່າງໜ້ອຍ 1.064 ຄົນ.

Slide
Slide
Slide

ອີງຕາມ ຈຳນວນຜູ້ປ່ວຍປະຈຳວັນກຸ່ມຫຼ້າສຸດນັ້ນ ກວດພົບຫຼາຍທີ່ສຸດຢູ່ມົນທົນເຮຫຼົງຈຽງ ເຊິ່ງມີຊາຍແດນຕິດກັບປະເທດຣັສເຊຍ ຄື 56 ຄົນ ໃນນັ້ນ 49 ຄົນ ແມ່ນເດີນທາງຂ້າມຊາຍແດນມາຈາກຣັສເຊຍ. ຂະນະທີ່ ເທສະບານເມືອງຮາບິນ ເມືອງໃຫຍ່ຂອງມົນທົນເຮຫຼົງຈຽງ ປະກາດມາດຕະການກັກຕົວບຸກຄົນທີ່ເດີນທາງມາຈາກຕ່າງປະເທດ ເປັນໄລຍະ 28 ວັນ ລວມທັງການກວດແອນຕິບໍດີ ແລະ ນິວຄຣິອິກ ໂດຍບັງຄັບໃຊ້ທັງພົນລະເມືອງຈີນ ແລະ ຄົນຕ່າງປະເທດ.