3ອົງການສາກົນປະກອບມີFAO,WHO ແລະ WTOສະແດງຄວາມກັງວົນຕໍ່ໂລກອາດຈະເກີດພາວະຂາດແຄນອາຫານຈາກມາດຕະການສະກັດກັ້ນການລະບາດຂອງໂຄວິດ-19ຂະນະນີ້.
ອົງການອາຫານ ແລະ ກະສິກໍາແຫ່ງສະຫະປະຊາຊາດຫຼືFAO,ອົງການອະນາໄມໂລກຫຼື WHO ແລະ ອົງການການຄ້າໂລກຫຼືWTOຮ່ວມກັນອອກຖະແຫຼງການສະແດງຄວາມກັງວົນວ່າປະຊາກອນໂລກອາດຈະເກີດພາວະຂາດແຄນອາຫານຈາກມາດຕະການການສະກັດກັ້ນການລະບາດຂອງໂຄວິດ-19ຢູ່ຂະນະນີ້ທີ່ກະທົບກັບຫ່ວງໂສ້ອຸປະທານອາຫານໂລກ.
ໂດຍສະເພາະມາດຕະການເຂັ້ມງວດການສົ່ງອອກອາຫານໃນປະເທດຜູ້ຜະລິດ ແລະ ມາດຕະການປິດດ່ານຊາຍແດນທີ່ເຮັດໃຫ້ການສົ່ງອອກອາຫານຂ້າມປະເທດມີຄວາມຫຍຸ້ງຍາກລໍາບາກຕະຫຼອດພາກກະສິກໍາທີ່ໄດ້ຮັບຜົນກະທົບຈາກພາວະເສດຖະກິດທົ່ວໂລກທີ່ຕົກຕໍ່າຈົນເຮັດໃຫ້ປະຊາຊົນໃນຫຼາຍປະເທດບໍ່ສາມາດເຂົ້າເຖິງອາຫານ ແລະ ກະທົບການດໍາລົງຊີວິດຂອງປະຊາຊົນ.
ທັງນີ້,ຜູ້ນໍາທັງສາມອົງກອນຕ່າງເຫັນດີຮ່ວມກັນຈະຮ່ວມມືກັນປ້ອງກັນບໍ່ໃຫ້ເກີດພາວະດັ່ງກ່າວ,ພ້ອມທັງຮຽກຮ້ອງໃຫ້ລັດຖະບານທົ່ວໂລກລະມັດລະວັງການໃຊ້ນະໂຍບາຍເຂັ້ມງວດຂົນສົ່ງສິນຄ້າອາຫານເພື່ອໃຫ້ເກີດຄວາມເປັນທໍາກັບປະເທດຕ່າງໆ.
