ເອົາໃຈຜູ້ທີ່ມັກຊ໋ອກໂກແລັດ, ແຕ່ຮັບຮອງວ່າສູດນີ້ເໝາະສໍາລັບສາວໆທີ່ກໍາລັງຫຼຸດນໍ້າໜັກເພາະເປັນສູດ Low Fat ແຕ່ກໍຄວນກິນໃນປະລິມານທີ່ເໝາະສົມ.
ສ່ວນປະສົມ:
1 ແປ້ງໂຮວີດ 1 ບ່ວງແກງ ຫຼື ຈະໃຊ້ເປັນແປ້ງສາລີອະເນກປະສົງແທນກໍໄດ້.
2 ຜົງໂກໂກ້ແບບບໍ່ມີນ້ຳຕານປະສົມ 1 ບ່ວງແກງ.
3 ເບກກິ້ງໂຊດາ 1/8 ບ່ວງກາເຟ ( 1 pinch ).
4 ເກືອ 1/8 ບ່ວງກາເຟ.
5 ນ້ຳຕານ 1/2 – 1 ບ່ວງແກງ.
6 ເນີຍຖົ່ວຊະນິດບໍ່ມີນ້ຳຕານປະສົມ 1 ບ່ວງແກງ ( ຖ້າເປັນຊະນິດປະສົມນໍ້າຕານໃຫ້ຫຼຸດປະລິມານລົງ ).
7 ເນີຍສູດໄຂມັນຕ່ຳ 3 ບ່ວງແກງ.
ອຸປະກອນທີ່ຕ້ອງໃຊ້:
1 ແມ່ພິມ ຫຼື ຈອກຄັບເຄັກສຳເລັດຮູບ.
2 ຊາມ ແລະ ໄມ້ສຳລັບປະສົມສ່ວນປະກອບ.
3 ເຕົາໄມໂຄຣເວັບເພາະສູດນີ້ບໍ່ໃຊ້ເຕົາອົບໃຫຍ່.
ວິທີເຮັດເຂົ້າໜົມ:
ກ. ສຳລັບຜູ້ທີ່ໃຊ້ແມ່ພິມແມ່ຕ້ອງທານ້ຳມັນບາງໆ ແລະ ໂຮຍແປ້ງບາງໆໃສ່ພິມກຽມໄວ້ກ່ອນ ແທນການໃຊ້ເນີຍທຽມທາພິມເພື່ອກັນບໍ່ໃຫ້ເຄັກຕິດພິມແລ້ວຍັງຊ່ວຍໃຫ້ລ້າງອອກງ່າຍນຳ. ຈາກນັ້ນ, ປະສົມແປ້ງໂຮວີດ, ຜົງໂກໂກ້, ເບກກິ້ງໂຊດາ, ເກືອ ແລະ ນໍ້າຕານໃຫ້ເຂົ້າກັນດີ ຖ້າຢາກໃຫ້ເນື້ອເຄັກອອກມານຸ່ມໃຫ້ຮ່ອນສ່ວນປະສົມທຸກຢ່າງກ່ອນຈຶ່ງນຳມາປະສົມໃຫ້ເຂົ້າກັນ.
ຂ. ຫຼັງຈາກນັ້ນ, ປະສົມເນີຍຖົ່ວ ແລະ ເນີຍໃຫ້ເຂົ້າກັນດີກ່ອນຈຶ່ງປະສົມໃສ່ແປ້ງ ( ບໍ່ຄວນຄົນຫຼາຍຈົນເກີນໄປເພາະຈະເຮັດໃຫ້ເນື້ອເຄັກແໜ້ນ ແລະ ໜັກ ) ເມື່ອຮຽບຮ້ອຍໃຫ້ຖອກລົງພິມປະມານ 3/4 ຂອງພິມ ເພາະເວລາອົບມັນຈຶ່ງບໍ່ລົ້ນອອກມາຫຼາຍ.
ຄ. ເມື່ອຮຽບຮ້ອຍເອົາເຂົ້າເຕົາໄມໂຄຣເວັບໂດຍໃຊ້ໄຟແຮງສຸດ ອົບປະມານ 1 ນາທີ ຈາກນັ້ນ, ລອງກວດເບິ່ງວ່າສຸກ ຫຼື ບໍ່ໃຫ້ໃຊ້ປາຍມີດສຽບລົງໄປທາງກາງ ຖ້າບໍ່ມີແປ້ງຕິດຂຶ້ນມານຳມີດຖືວ່າສຸກແຕ່ຖ້າບໍ່ແນ່ໃຈກໍອົບຕື່ມອີກ 10 ວິນາທີ ຖືວ່າໃຊ້ໄດ້ແລ້ວ, ສາມາດແຕ່ງໜ້າດ້ວຍເຂົ້າໜົມ, ໝາກໄມ້ ຫຼື ຄຣີມຊ໋ອກໂກແລັດຕາມໃຈມັກ.
ຂໍ້ ມູນຈາກ: phol-foodmafia.com ,ຮຽບຮຽງ: ນຸ້ມນິ້ມ
