ທ່ານ ບໍຣິສ ຈອນສັນ ນາຍົກລັດຖະມົນຕີອັງກິດ ໄດ້ຮັບການຢັ້ງຢືນຈາກແພດວ່າຕິດເຊື້ອພະຍາດໂຄວິດ-19.
ໃນວັນທີ27 ມີນາ 2020 ສຳນັກຂ່າວຣອຍເຕີ ລາຍງານວ່າ: ບໍຣິສ ຈອນສັນ ນາຍົກລັດຖະມົນຕີອັງກິດ ອາຍຸ55 ປີ ຖືກຢັ້ງຢືນຈາກແພດວ່າຕິດໂຄວິດ-19.
ນາຍົກລັດຖະມົນຕີອັງກິດ ໄດ້ຖະແຫຼງຜ່ານກອງປະຊຸມແບບວີດີໂອຄອນເຟີເຣັນວ່າ: ໃນໄລຍະ24ຊົ່ວໂມງຜ່ານມາຕົນເອງມີອາການ ໂຄວິດ-19 ແຕ່ອາການບໍ່ຮຸນແຮງ, ຂະນະນີ້ຕົນເອງກຳລັງກັກບໍລິເວນຕົນເອງ ແລະ ຍັງຈະເປັນຜູ້ນຳລັດຖະບານໃນການຕໍ່ສູ້ກັບພະຍາດໂຄວິດ-19.
ກ່ອນໜ້ານີ້ 2ວັນ ສຳນັກພະຣາຊະວັງ ໄດ້ຖະແຫຼງຢັ້ງຢືນວ່າເຈົ້າຟ້າຊາຍຊາ ອົງມົງກຸດຣາຊະກຸມານແຫ່ງອັງກິດ ຕິດເຊື້ອໂຄວິດ-19. ສ່ວນສະຖານະການການລະບາດໂຄວິດ-19 ໃນສະຫະລາຊະອານາຈັກ ມາຮອດເວລາ18:00ໂມງ ຂອງວັນທີ27 ມີນາ 2020 ພົບຜູ້ຕິດເຊື້ອ 11.658ຄົນ, ເສຍຊີວິດ578ຄົນ.