ປັດຈຸບັນເຊື້ອໂຄວິດ ຫຼື ພະຍາດອັກເສບປອດ ທີ່ແຜ່ລະບາດເປັນວົງກວ້າງເກືອບທົ່ວໂລກ ລວມທັງລາວເຮົາທີ່ເພີ່ມເປັນລະດັບ 2 ກໍຄືມີຄົນຕິດແລ້ວເຖິງ 6 ກໍລະນີ ເຊິ່ງບຸກຄະລາກອນທີ່ໜ້າເຫັນໃຈ, ທຸ່ມເທ ເສຍສະຫຼະ ແລະ ສ່ຽງສຸດໆລະດັບຕົ້ນໆຄືນັກຮົບເສື້ອຂາວເຮົານີ້ເອງ ແລະ ກໍເປັນເລື່ອງໜ້າຍິນດີທີ່ມື້ນີ້ ຊາວຄະນະປ້າຍລາວ ( ສະມາຄົມປ້າຍລາວ ) ຂຸ້ນຂ້ຽວ ຜະລິດກ່ອງປລາສຕິກປ້ອງກັນໃຫ້ນາຍແພດ & ນາງພະຍາບານ ຫລື ນັກຮົບເສື້ອຂາວ ຕ້ານໂຄວິດ -19.
ຮອດປັດຈຸບັນຂຸນຕາປ້າຍຜະລິດໄດ້ 12ກ່ອງ+ ເອກະພົນປ້າຍ 3 ກ໋ອງ ແລະ ສູນລວມສິນສອງກ່ອງ.
ຜະລິດຕະພັນທີ່ເຮັດຂຶ້ນມາທັງໝົດແມ່ນມີຈຸດປະສົງຈະມອບໃຫ້ໂຮງໝໍມິດຕະພາບ 2 ຊຸດ, ໂຮງໝໍເຊດຖາ 2 ຊຸດ, ມະໂຫສົດ 2 ຊຸດ, 103 ສອງຊຸດ, 109 ສອງຊຸດ, ແມ່ ແລະເດັກ 2 ຊຸດ ແລະ ໂຮງໝໍປາກເຊ 2 ຊຸດ.
ຂອບໃຈເພື່ອນປ້າຍທົ່ວປະເທດ ແລະ ທີມງານຂຸນຕາປ້າຍ ທີ່ສະໜອງເຈດຕະນາລົມ, ທີ່ສະລະເຫື່ອແຮງ, ເວລາ, ເງິນຄຳ ເພື່ອຕ້ານໂຄວິດຊ່ວຍຊາດໃຫ້ພົ້ນໄພ ແລະ ເປັນກຳລັງໃຈໃຫ້ທຸກໆທ່ານ ນັກຮົບເສື້ອຂາວ ແລະ ທຸກໆທ່ານທີ່ມີສ່ວນຮ່ວມຊ່ວຍຊາດ ຊ່ວຍແພດລາວຄັ້ງນີ້ດ້ວຍ.
ຂໍໃຫ້ມີເລື່ອງດີໆແບບນີ້ ແລະ ເຫັນຄວາມສຳຄັນບຸກຄົນດ ບຸກຄະລາກອນທີ່ທຸມເທເພື່ອຜ່ານວິກິດໂຄວິດ ໄປນຳກັນ ທຸກຄົນລ້ວນແລ້ວຊ່ວຍກັນ ຫາກມີອາການ ຫຼື ກັບມາແຕ່ປະເທດທີ່ມີຄວາມສ່ຽງກໍຈົ່ງປະຕິບັດຕາມມາດຕະການດ້ວຍ.
ຈາກ: Vongnam Vongvilay
