ໃຜຈະເຊື່ອວ່າມີໝາກໄມ້ອີກຫຼວງຫຼາຍຊະນິດທີ່ກິນເນື້ອໄດ້ແລ້ວເປືອກຂອງມັນກໍ່ຍັງມີປະໂຫຍດທາງດ້ານຄວາມງາມສຳລັບຜູ້ຍິງທີ່ຍັງບໍ່ຮູ້ ແລະ ໜຶ່ງໃນນັ້ນກໍຄື: ເປືອກໝາກກ້ວຍທີ່ມີເນື້ອເປັນປະໂຫຍດຕໍ່ສຸຂະພາບແລ້ວ ແລະ ຍັງໄດ້ປະໂຫຍດໃນການຊ່ວຍຂັບຖ່າຍຈາກພາຍໃນ ແຕ່ຈຸດເດັ່ນຂອງມື້ນີ້ຄືເປືອກກ້ວຍທີ່ຈະຊ່ວຍເຮົາໄດ້.
ໂດຍສູດເປືອກກ້ວຍເພື່ອຄວາມງາມນີ້ໄດ້ເປີດເຜີຍຫຼາຍຈາກ Michelle Phan ບິວຕີ ທີ່ເປັນບລັອກເກີຊື່ດັງວ່າ: ໄດ້ທົດລອງເຮັດມາແລ້ວ ແລະ ເຫັນໄດ້ຊັດເຈນວ່າຜະລິດຕະພັນເພື່ອຄວາມງາມນັ້ນບໍ່ຈຳເປັນຕ້ອງເປັນຂອງມີລາຄາແພງສະເໝີໄປລອງຫັນມາໃຊ້ວິທີແບບທຳມະຊາດກໍ່ດີຕໍ່ຜິວ ແລະ ສຸຂະພາບຂອງຕົວທ່ານເອງໄດ້ເຊັ່ນກັນ.
ສູດເປືອກກ້ວຍເພື່ອຄວາມງາມທີ່ນຳມາຝາກກັນມື້ນີ້ມີ 6 ວິທີໃຫ້ໄປທົດລອງເຮັດເບິ່ງ:
1 ຕັດເປືອກກ້ວຍເປັນຕອນນ້ອຍໆແລ້ວນຳມາຖູແຂ້ວແລ້ວບ້ວນປາກດ້ວຍນ້ຳສະອາດອອກເຮັດເປັນປະຈຳວັນລະ 1-2 ເທື່ອຈະເຮັດໃຫ້ແຂ້ວຂາວຂຶ້ນໂດຍບໍ່ຕ້ອງໃສ່ຢາຖູກແຂ້ວເພື່ອແຂ້ວຂາວເລີຍ.
2 ບຳລຸງຜິວໃຫ້ຂາວຂຶ້ນໄດ້ດ້ວຍການນຳເປືອກກ້ວຍມາຖູຜິວໃຫ້ທົ່ວໂດຍໃຊ້ທາງໃນຂອງຜິວເປືອກກ້ວຍແລ້ວລ້າງໂຕດ້ວຍນ້ຳສະອາດ.
3 ຊ່ວຍຫຼຸດຮ່ອງຮອຍໂດຍນຳເປືອກກ້ວຍມາທາຄ່ອຍໆບໍລິເວນທີ່ຕ້ອງການແລ້ວຖິ້ມໄວ້ 30 ນາທີແລ້ວຈຶ່ງລ້າງອອກ.
4 ປິ່ນປົວສິວໃຜຈະຮູ້ວ່າເປືອກກ້ວຍທຳດາສາມາດຊ່ວຍເຮັດໃຫ້ສິວຍຸບໄວໄດ້ດ້ວຍການນຳເປືອກມາຖູບໍລິເວນທີ່ສິວອັກເສບຖິ້ມໄວ້ໄລຍະໜຶ່ງແລ້ວລ້າງອອກ ເຊິ່ງໃນເປືອກກ້ວຍນັ້ນມີສານຕ້ານອານຸມູນອິດສະຫຼະ ແລະ ສານອາຫານທີ່ສາມາດຊ່ວຍຫຼຸດສິວອັກເສບໄດ້.
5 ເປືອກກ້ວຍຍັງສາມາດເຮັດເປັນຄຣີມບຳລຸງຜິວຊັ້ນດີທີ່ຊ່ວຍໃຫ້ຜິວນຸ້ມຊຸ່ມຊື່ນໄດ້ນໍາ ໂດຍສາມາດນຳມາທາຜິວແລ້ວຈະເຮັດຜົນ.
6 ຊ່ວຍຫຼຸດຖົງໃຕ້ຕາໄດ້ເຊັ່ນດຽວກັນກັບໝາກແຕງດ້ວຍວິທີການນຳເປືອກກ້ວຍວາງຕິດໄວ້ບໍລິເວນດວງຕາກໍ່ຈະຊ່ວຍໃຫ້ຮ່ອງຮອຍຄວາມເມື່ອຍຈາກຖົງໃຕ້ຕາເບິ່ງສົດໃສຂຶ້ນ.
