ອີງຕາມຜົນການສຳຫຼວດທີ່ຕີພິມ ແລະ ໄດ້ເຜີຍແຜ່ລົງວາລະສານ ດູເລຊັ່ນ ລະບຸວ່າ: ນ້ຳອັດລົມ ຫຼື ເຄື່ອງດື່ມປະເພດທີ່ມີລົດຫວານອາດຈະມີຄວາມສ່ຽງເຮັດໃຫ້ມີຜູ້ເສຍຊີວິດເພີ່ມຂຶ້ນໃນທົ່ວໂລກ.
ໃນນັ້ນມີຜູ້ເສຍຊິວິດຈາກທາດນ້ຳຕານປະມານ 133.000 ຄົນ, ພະຍາດເບົາຫວານ, ພະຍາດຫົວໃຈ ແລະ ພະຍາດຫຼອດເລືອດປະມານ 15.000 ຄົນ ແລະ ພະຍາດມະເຮັງຈຳນວນ 6.450 ຄົນ ໂດຍມີສາເຫດມາຈາກການບໍລິໂພກເຄື່ອງດື່ມທີ່ມີທາດນ້ຳຕານຫຼາຍ.
ຊ່ຽວຊານມະຫາວິທະຍາໄລ ບອສ໌ຕັນ (Boston) ສະຫະລັດອາເມຣິກາໃຫ້ຮູ້ວ່າ: ປະເທດຕ່າງໆໃນທົ່ວໂລກມີໂຕເລກຜູ້ເສຍຊິວິດຍ້ອນເຄື່ອງດື່ມປະເພດທີ່ມີລົດຫວານຫຼາຍ. ເຊິ່ງສະແດງໃຫ້ເຫັນໃນຈຳນວນເດັກນ້ອຍ 450 ຄົນຕໍ່ຜູ້ໃຫຍ່ 1 ລ້ານຄົນ ສະນັ້ນ, ປະເທດຕ່າງໆຄວນໃຫ້ຄວາມສຳຄັນກັບບັນຫານີ້.ນອກຈາກນັ້ນ, ບັນດາປະເທດທີ່ມີລາຍໄດ້ປານກາງກໍ່ມີຜູ້ເສຍຊິວິດຈາກບັນຫາດັ່ງກ່າວກວມເຖິງ 76%.
ທີ່ມາ: vtlaos