ໄປອຸດົມໄຊ ຕ້ອງແວ່ຊົມທີວທັດທຳມະຊາດກາບໄຫວ້ຖ້ຳພະເຈົ້າສິງຄຳ

145

ແຂວງອຸຊົມໄຊ ເປັນແຂວງໜຶ່ງທີ່ມີສິ່ງທີ່ໜ້າສົນໃຈຫຼາຍບໍ່ແພ້ແຂວງອື່ນໆ ບໍ່ວ່າຈະເປັນ, ທໍາມະຊາດ, ວິຖີຊີວິດ, ສິ່ງສັກສິດ, ວັດວາອາລາມ, ສະຖານທີ່ທ່ອງທ່ຽວ…

ມື້ນີ້ແອັດແນະນຳສະຖານທີ່ໜ້າສົນໃຈແຫ່ງໜຶ່ງທີ່ຕັ້ງຢູ່ຫ່າງຈາກເທດສະບານເມືອງຫຼາ ບ້ານສາມັກຄີໄຊ ປະມານ 13 ກິໂລແມັດ, ຈະມີທາງຍ່າງຈາກບ້ານໄປຫາແຫຼ່ງທ່ອງທ່ຽວແຫ່ງນີ້ອີກປະມານ 4 ກິໂລແມັດເອີ້ນວ່າ ຖ້ຳພະເຈົ້າສິງຄຳ ບ່ອນປະດິດສະຖານໄວ້ພະເຈົ້າສິງຄຳໃນເມື່ອກ່ອນ (ສະໄໝສົງຄາມໂລກຄັ້ງທີ 2).

ຕາມການບອກເລົ່າຂອງຊາວບ້ານສາມັກຄີໄຊ ຊື່ເດີມຂອງຖ້ຳເອີ້ນວ່າຖ້ຳນ້ຳອອກຮູ ຕັ້ງແຕ່ເອົາພະເຈົ້າສິງຄຳມາປະດິດສະຖານໄວ້ທີ່ນີ້ໃນສະໄໝສົງຄາມໂລກຄັ້ງທີ່ສອງເປັນເວລາ 20 ກວ່າປີຈຶ່ງໄດ້ປ່ຽນຊື່ໃໝ່ຂອງຖ້ຳຕາມພະເຈົ້າສິງຄຳຈົນເຖິງທຸກວັນນີ້.

ຖ້ຳດັ່ງກ່າວມີຂະໜາດນ້ອຍກວ້າງປະມານ 8 ແມັດ, ສູງປະມານ 6 ແມັດ ແລະ ຍາວປະມານ 20 ແມັດເປັນບ່ອນປະດິດສະຖານໄວ້ພະເຈົ້າສິງຄຳໃນເມື່ອກ່ອນ (ສະໄໝສົງຄາມໂລກຄັ້ງທີ 2) ແລະ ປະກອບດ້ວຍທິວທັດທຳມະຊາດທີ່ສວຍສົດງົດງາມເໝາະສົມກັບການໄປຍ່າງປ່າສຶກສາຊີວະນາໆພັນ ແລະ ເປັນວົງຈອນຢ່າງປ່າ ບ້ານຕະນອງປໍ ແລະ ຖ້ຳຫຼວງ.

ຈາກ: Oudomxay Tourism