ຫຼາຍຄົນອາດຈະບໍ່ຄິດວ່າຜັກກະຖິນທີ່ເຮົາກິນເປັນຜັກກັບປົ່ນ, ຕຳໝາກຫຸ່ງ ແລະ ອື່ນໆ ຈະມີປະໂຫຍດຫຼາຍຢ່າງກວ່າທີ່ຄິດ ເຊິ່ງມີຄຸນຄ່າທາງອາຫານຫຼາຍຊະນິດແຖມຍັງສາມາດນຳມາໃຊ້ເປັນຢາປິ່ນປົວ ແລະ ປ້ອງກັນພະຍາດໄດ້ພ້ອມ.
ດັ່ງນັ້ນ, ມື້ນີ້ເຮົາຈຶ່ງໄດ້ຊອກຫາຂໍ້ມູນດີໆກ່ຽວກັບຜັກກະຖິນທີ່ເປັນຕາໜ້າສົນໃຈມາຝາກ ເພື່ອທ່ານຈະໄດ້ນຳມາກິນເປັນອາຫານງ່າຍໆ ແລະ ຍັງສາມາດໃຊ້ເປັນຢາໃນການປ້ອງກັນພະຍາດຕ່າງໆໄດ້ນຳ.
ສັບພະຄຸນ:
1 ໃຊ້ເປັນຢາອາຍຸວັດທະນະ ( ຮາກ ແລະ ແກ່ນແກ່ ).
2 ໃນຜັກກະຖິນມີຟົດຟໍຣັສສູງຈຶ່ງຊ່ວຍເສີມສ້າງ ແລະ ບຳລຸງກະດູກ ( ຍອດອ່ອນ, ໝາກອ່ອນ ແລະ ແກ່ນ ).
3 ຊ່ວຍຫຼຸດລະດັບນ້ຳຕານໃນເລືອດ ( ຍອດອ່ອນ ).
4 ຊ່ວຍປິ່ນປົວພະຍາດ ຄວາມດັນເລືອດສູງ ( ຍອດອ່ອນ ).
5 ຜັກກະຖິນອຸດົມໄປດ້ວຍວິຕາມິນ A ຈຶ່ງຊ່ວຍບຳລຸງ ແລະ ປິ່ນປົວສາຍຕາ ( ຍອດອ່ອນ ).
6 ຊ່ວຍບຳລຸງຫົວໃຈ ( ໝາກອ່ອນ ແລະ ຍອດອ່ອນ ).
7 ຊ່ວຍແກ້ອາການນອນບໍ່ຫຼັບ ( ແກ່ນແກ່ ).
8 ຊ່ວຍໃຫ້ຈະເລີນອາຫານ ( ໝາກອ່ອນ ແລະ ຍອດອ່ອນ ).
9 ຊ່ວຍແກ້ອາການຮ້ອນໃນຫິວນ້ຳ ( ໝາກອ່ອນ ແລະ ຍອດອ່ອນ ).
10 ຊ່ວຍແກ້ອາການຖອກທ້ອງ ( ໝາກແກ່ ).
11 ແກ່ນກະຖິນມີສັບພະຄຸນໃຊ້ເປັນຢາຂັບຖ່າຍແມ່ພະຍາດໂຕກົມ ( Ascariasis ) ສຳລັບຜູ້ໃຫຍ່ໃຫ້ໃຊ້ເທື່ອລະ 25 – 50 ກຣາມ ແລະ ເດັກນ້ອຍໃຫ້ໃຊ້ 5 – 20 ກຣາມຕໍ່ ມື້, ເວລາໃຊ້ແມ່ນແນະນຳໃຫ້ກິນໃນຂະນະທ້ອງວ່າງ ( ໃຊ້ໃນຕອນເຊົ້າຈະດີທີ່ສຸດ ).
12 ດອກກະຖິນມີສັບພະຄຸນຊ່ວຍບຳລຸງຕັບ.
13 ແກ່ນແກ່ມີສັບພະຄຸນຊ່ວຍບຳລຸງໝາກໄຂ່ຫຼັງ ແລະ ຕັບ.
14 ໝາກກະຖິນໃຊ້ເປັນຢາສະໝານບາດແຜ ແລະ ໃຊ້ຫ້າມເລືອດ.
( ຂໍ້ມູນຈາກ: good-lifeupdate.com )
( ຮຽບຮຽງ: ນຸ້ມນິ້ມ )
