ດີກີນັກສຶກສາຈົບນອກໃນເວທີນາງສາວນະຄອນຫຼວງ ຈູນ ຂັນແກ້ວ ສີທະວົງ MVT 22 - Laoedaily

ດີກີນັກສຶກສາຈົບນອກໃນເວທີນາງສາວນະຄອນຫຼວງ ຈູນ ຂັນແກ້ວ ສີທະວົງ MVT 22

ບອກເລີຍວ່າສາວຄົນນີ້ບໍ່ທໍາມະດາ ສາວຜູ້ມີເປົ້າໝາຍຊີວິດ ຢາກປະສົບຜົນສຳເລັດໃນໜ້າທີ່ວຽກງານ ເພາະຢາກນຳເອົາຄວາມຮູ້ທີ່ນ້ອງເອງໄດ້ສຶກສາຮໍ່າຮຽນມາໃຊ້ໃຫ້ເກີດຜົນປະໂຫຍດ ແລະ ຢາກເຜີຍແຜ່ວັດທະນາທຳຂອງຊາດລາວເຮົາໃຫ້ທົ່ວໂລກໄດ້ຮັບຮູ້ເຖິງຄວາມສວຍງາມທາງດ້ານຮີດຄອງປະເພນີ ນອກຈາກນັ້ນແລ້ວ ນ້ອງຍັງຕ້ອງການເສີມບຸກຄະລິກກະພາບຂອງຕົນເອງໃຫ້ມີຄວາມສະງ່າງາມດ້ານວັດທະນາທຳຂອງຊາດລາວເຮົາ.

ຈູນ ຂັນແກ້ວ ສີທະວົງ MVT 22 ໜຶ່ງໃນຜູ້ເຂົ້າປະກວດ ນາງສາວນະຄອນຫຼວງ 2020 ຜ່ານເຂົ້າຮອບ 30 ຄົນ ປັດຈຸບັນອາຍຸ 24 ປີ, ຢູ່ບ້ານຕານມີໄຊ ເມືອງໄຊທານີ ນະຄອນຫຼວງວຽງຈັນ.

ຈົບການສຶກສາປະລິຍາຕິມາຈາກປະເທດຈີນ ເມືອງຊຽງໄຮ່ ສາວ ຈູນ ບອກເຫດຜົນທີ່ມາປະກວດໃນເວທີນາງສາວນະຄອນຫຼວງວ່າ: ຍ້ອນເປັນອີກເວທີຫນື່ງທີ່ສື່ເຖິງວັດທະນາທຳລາວ ແລະ ນ້ອງເອງກໍດີໃຈທີ່ໄດ້ມີໂອກາດເປັນຫນື່ງໃນການປະກວດໃນຄັ້ງນີ້.

ແລະ ນີ້ເປັນເວທີແລກສໍາລັບນ້ອງ, ຈູນ ບໍເຄີຍມີຜົນງານດ້ານບັນເທີງມາກ່ອນ ເພາະວ່ານ້ອງເອງບໍໄດ້ສຶກສາຢູ່ປະເທດລາວເລີຍບໍມີໂອກາດໄດ້ເຮັດຍັງກ່ຽວກັບວົງການບັນເທີງເລີຍ ແຕ່ ການມາປະກວດໃນຄັ້ງນີ້ນັບເປັນປະສົບການ ແລະ ສິ່ງດີໆຫຼາຍໆທີ່ນ້ອງຈະໄດ້ ແລະ ເປັນບາດກ້າວສໍາຄັນໃນວົງການບັນເທີງ.

ສຳລັບເວທີນີ້ ນ້ອງກະມີຄວາມຄາດຫວັງເລັກໆຫນ້ອຍໆ ຢາກຕິດຫນື່ງໃນເຈັດຂອງການປະກວດເວທີທຳອິດຂອງນ້ອງ, ນ້ອງສາມາດສື່ສານເປັນພາສາຈີນໄດ້ ຢາກເພື່ອເຜີຍແຜ່ວັດທະນາທຳລາວໃຫ້ຕ່າງຊາດຮູ້ເຖິງຄວາມສວຍສົດງົດງາມ ແລະ ຮີດຄອງປະເພນີອັນຫຼາກຫຼາຍ.

ສ່ວນເຄັດລັບໃນການຮັກສາສຸຂະພາບຂອງນ້ອງແມ່ນກິນອາຫານໃຫ້ຄົບ 5 ໝູ່,ພັກຜ່ອນໃຫ້ພຽງພໍ, ອອກກຳລັງກາຍ ແລະ ບໍ່ຄວນຫັກໂຫມວຽກຫລາຍເກີນໄປ, ເວລາຫວ່າງສວ່ນໃຫຍ່ນ້ອງຈະມັກສືກສາວຽກທີໂຕເອງເຮັດຢູ່ເພືອໃຫ້ດີຂື້ນກວ່າເກົ່າ,

ແລະ ຜູ້ຊາຍໃນສະເປັກ ນ້ອງເປັນຄົນບໍ່ຄ່ອຍມີເປັກ ຂໍແຕ່ເຂົ້າມາຫາເຮົາດ້ວຍຄວາມຈິງໃຈ ຊື່ສັດ ແລະ ສາມາດເບີ່ງແຍງເຮົາໄດ້ກໍພໍ, ຈູນມີເອື້ອຍນ້ອງນໍາກັນ 3 ຄົນ ແລະ ນ້ອງເປັນລູກສາວຄົນທີ່ 2.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ