ໄຂ່ຖືວ່າເປັນອາຫານທີ່ມີປະໂຫຍດຕໍ່ສຸຂະພາບ ເພາະເປັນແຫຼ່ງໂປຣຕິນທີ່ຈຳເປັນຕໍ່ຮ່າງ. ເມື່ອເປັນອາຫານທີ່ກໍ່ຄວນຈະຕ້ອງກິນແບບຖືກວິທີເຊັ່ນກັນ ເຖິງວ່າອາຫານຈະມີຄຸນປະໂຫຍດປານໃດກໍ່ຕາມຖ້າກິນແບບຜິດໆກໍ່ອາດເປັນໂທດຕໍ່ຮ່າງກາຍໄດ້.
ກິນພໍປະມານ: ສຳລັບຜູ້ທີ່ມີສຸຂະພາບດີບໍ່ມີພະຍາດປະຈໍາຕົວ ແລະ ບໍ່ມີຄວາມສ່ຽງຕໍ່ພະຍາດຫຼາຍ ແມ່ນກິນໄຂ່ໄດ້ມື້ລະ 1 ໜ່ວຍ ສ່ວນຜູ້ທີມີພະຍາດປະຈໍາຕົວ ຫຼື ມີຄວາມສ່ຽງຕໍ່ການເປັນພະຍາດອື່ນເຊັ່ນ: ພະຍາດຫົວໃຈ, ພະຍາດເບົາຫວານ ແລະ ມີຄໍເລສເຕີຣອລສູງຄວນປືກສາທ່ານໝໍກ່ອນຮັບປະທານໄຂ່ ເພາະອາດເກີດຜົນຂ້າງຄຽງຈາກການກິນໄຂ່ທີ່ບໍ່ເໝາະສົມກັບປະລິມານທີ່ຮ່າງຕ້ອງການ.
ເວລາຊື້ຕ້ອງໝູນໄຂ່ເບິ່ງ: ຄວນເລືອກຊື້ໄຂ່ທີ່ບໍ່ມີຮູເຈາະ ຫຼື ມີຮອຍແຕກ.
ຮັກສາໄຂ່ໄວ້ໃນຕູ້ເຢັນ: ເພາະຈະສາມາດເອົາໄວ້ໄດ້ດົນຂຶ້ນ ແລະ ແຈປະຕູຕູ້ເຢັນຈະມີຄວາມເຢັນໜ້ອຍກວ່າບ່ອນກາງເໝາະກັບການເອົາໄຂ່ໄວ້.
ລ້າງ ແລະ ຖູໄຂ່ດ້ວຍຟອງນໍ້າລ້າງຈານ: ຈະໃສ່ສະບູ ຫຼື ນໍ້າຢາລ້າງຈານຕື່ມກໍ່ໄດ້ ແລະ ຄວນລ້າງມືທຸກຄັ້ງຫຼັງຈາກຈັບໄຂ່ ເນື່ອງຈາກວ່າອາດຈະມີເຊື່ອພະຍາດຕິດມານໍາໄຂ່ໄດ້ໂດຍພົບວ່າ: ໂອກາດພົບເຊື່ອພະຍາດເຈັບທ້ອງ (ຖອກທ້ອງ salmonella) ໃນໄຂ່ປະມານ 1 ໃນ 30.000 ໜ່ວຍ.
ກິນໄຂ່ສຸກ: ບໍ່ຄວນກິນໄຂ່ດິບເປັນຕົ້ນແມ່ນໄຂ່ລວກ ແລະ ອຶ່ນໆ ເພາະມີໂປຣຕິນ (avidin) ທີ່ຈັບວິຕາມິນ B ທີ່ຊື່ວ່າ: ໄບໂອທິນ (biotin) ເຮັດໃຫ້ການດູດຊືມຫຼຸດລົງ ແລະ ເຮັດໃຫ້ລະບົບຍ່ອຍອາຫານຍາກນຳ. ຄວນຫຼີກລ້ຽງອາຫານບາງຊະນິດທີ່ມີໄຂ່ດິບປະສົມຢູ່ເຊັ່ນວ່າ: ເວລາເຮັດເຂົ້າໜົມ, ເຄັກ ແລະ ອຶ່ນໆທີ່ມີໄຂ່ເປັນສ່ວນປະສົມຢູ່ນໍາ ໂດຍສະເພາະເວລາປຸງແຕ່ງຄວນໃຫ້ສຸກດີກ່ອນຈຶ່ງຄ່ອຍຊີມ ຫຼື ກິນ.
