ແອລົດເໝັນອັບແກ້ໄຂແນວໃດ? - Laoedaily

ແອລົດເໝັນອັບແກ້ໄຂແນວໃດ?

ໃນໄລຍະນີ້ອາກາດໃນປະເທດເຮົາຈະຮ້ອນເອົ້າຫຼາຍ ແອຖືວ່າເປັນສິ່ງຈໍາເປັນຢ່າງຍິ່ງສໍາລັບລົດໃຫຍ່ທຸກຄັນ ເຊິ່ງວິທີການຮັກສາແອໃຫ້ມີອາຍຸການໃຊ້ງານຍືນຍາວ ໂດຍທົ່ວໄປນັ້ນເຮັດໄດ້ໂດຍເມື່ອເປີດແອໃນເບື້ອງຕົ້ນ ຫຼື ເມື່ອມີອາກາດຮ້ອນແຮງໃຫ້ຫຼີກລຽງການໃຊ້ພັດລົມ ແລະ ນໍ້າຢາແອແບບສູງສຸດ ເພາະການເຮັດແບບນີ້ຈະເປັນການເຮັດໃຫ້ພັດລົມແອ ຫຼື ພັດລົມລະບາຍຄວາມຮ້ອນຂອງໝໍ້ນໍ້າເຮັດວຽກໜັກ, ແຕ່ຖ້າຫາກແອລົດຂອງທ່ານມີກິ່ນເໝັນ ມື້ນີ້ຄໍລໍາລົດມີວິທີແກ້ໄຂມາຝາກ.

1 ເປີດພັດລົມ A/C ໄລ່ກິ່ນ: ວິທີນີ້ເປັນການໄລ່ຄວາມຊຸ່ມຈາກແອລົດຍອດນິຍົມ ຄືກ່ອນມອດເຄື່ອງຈັກໃຫ້ເປີດພັດລົມແຮງສຸດ ແລະ ປິດປຸ່ມ A/C ເພື່ອໃຫ້ລົມເປົ່າໄລ່ຄວາມຊຸ່ມອອກຈາກທໍ່ລະບາຍຄວາມເຢັນ, ເຮັດແບບນີ້ຈັກ 5 ນາທີ ກ່ອນມອດຈັກລົດຈະຊ່ວຍຫຼຸດອາການກິ່ນເໝັນອັບພາຍໃນລົດໄດ້ເປັນຢ່າງດີ.

2 ນໍ້າສົ້ມສາຍຊູຊ່ວຍໄດ້: ຖ້າລົດຍັງມີກິ່ນອັບຕິດລົດຢູ່ສາມາດແກ້ບັນຫາໄດ້ ໂດຍການເອົານໍາສົ້ມສາຍຊູຊ່ວຍດັບກິ່ນໄດ້ ພຽງແຕ່ຖອກນໍ້າສົມສາຍຊູໃສ່ຈອກແລ້ວເອົາໄປຕັ້ງໄວ້ໃນລົດປະມານ 1 – 2 ຊົ່ວໂມງ ກິ່ນຂອງນໍ້າສົ້ມສາຍຊູຈະຊ່ວຍດັບກິ່ນອັບໃນລົດໄດ້ເປັນຢ່າງດີ.

3 ທໍາຄວາມສະອາດພົມລົດ: ບາງຄັ້ງກິ່ນເໝັນອັບທີ່ເກີດຂຶ້ນອາດບໍ່ໄດ້ມາຈາກແອລົດແຕ່ຢ່າງໃດ ແຕ່ເກີດຈາກການເໝັນຂອງພົມໃນລົດໂດຍທີ່ເຮົາບໍ່ຮູ້ຕົວ, ວິທີແກ້ໄຂຄືການເອົາພົມໃນລົດໄປລ້າງ ແລະ ຕາກແດດໄວ້ເພື່ອກໍາຈັດກິ່ນເໝັນອັບທີ່ເກີດຂຶ້ນ ຈະໃຫ້ດີຄວນເອົາລົດໄປຕາກແດດຈັກ 3 – 4 ຊົ່ວໂມງ ເປີດປະຕູລົດທັງ 4 ບານ ແລະ ເປີດພັດລົມແອໃຫ້ສຸດເພື່ອໄລ່ ຄວາມຊຸ່ມອອກຈາກຕູ້.

4 ຖອດກ່ອງແອມາລ້າງ: ບາງຄັ້ງກິ່ນອັບຂອງແອເກີດຈາກການຊຸ່ມຈາກສິ່ງສົກກະປົກທີ່ອັດຕັນກ່ອງແອຢູ່ ໃຫ້ຖອດອອກມາລ້າງເຮັດຄວາມສະອາດແລ້ວໃສ່ກັບເຂົ້າໄປບ່ອນເກົ່າ ອາດຊ່ວຍແກ້ບັນຫາກິ່ນເໝັນທີ່ເກີດຂຶ້ນໄດ້, ແຕ່ຖ້າໃຊ້ມາດົນກ່ອງແອເລີ່ມເສື່ອມສະພາບກໍຄວນປ່ຽນໃໝ່ເລີຍ ປ່ຽນທຸກໆ 30.000 ກິໂລແມັດ.

5 ລ້າງຕູ້ແອ: ເຮັດມາຫຼາຍວິທີແລ້ວກິ່ນເໝັນອັບພາຍໃນລົດຍັງມີກິ່ນເໝັນຢູ່ ຈໍາເປັນຕ້ອງຈັດການລ້າງຕູ້ແອແກ້ບັນຫາທີ່ຕົ້ນເຫດ ວິທີລ້າງມີ 2 ວິທີຄື: 1. ລ້າງແບບບໍ່ຖອດຕູ້ແອ ໃຊ້ໂອໂຊນໃນການລ້າງເໝາະກັບຄົນທີ່ບໍ່ຢາກໃຫ້ຕູ້ແອເພ ຢ້ານເວລາປະກອບຈະບໍ່ດີຄືເກົ່າ ແລະ ວິທີ 2 ຄື: ຖອດຕູ້ແອອອກມາລ້າງເລີຍ ວິທີນີ້ຮັບຮອງວ່າຕູ້ແອສະອາດແນ່ນອນ, ແຕ່ຖ້າປະກອບກັບມາບໍ່ດີອາດມີສຽງດັງເກີດຂຶ້ນໄດ້, ແຕ່ຢ່າລືມກວດສອບທໍ່ນໍ້າເປື້ອນຂອງແອວ່າຕັນ ຫຼື ບໍ່ ບາງທີກິ່ນເໝັນອາດມາຈາກຈຸດນີ້ກໍເປັນໄດ້.

( ຂໍ້ມູນຈາກ: Thairentecocar.com )

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ