ທ່າແຕງແຈ້ງ! ຫ້າມປະຊາຊົນປຸກສານພະພູມ, ຫໍຜີ ໄວ້ບ່ອນເປີດແປນໂລດໂຜນ - Laoedaily

ທ່າແຕງແຈ້ງ! ຫ້າມປະຊາຊົນປຸກສານພະພູມ, ຫໍຜີ ໄວ້ບ່ອນເປີດແປນໂລດໂຜນ

ເນື່ອງຈາກໄລຍະຜ່ານມາ ພົບເຫັນສໍານັກງານອົງການທຸລະກິດຂອງລັດ, ເອກະຊົນ ແລະ ປະຊາຊົນຈໍານວນໜຶ່ງໄດ້ປຸກສ້າງຫໍບູຊາສານພະພູມ ເຊິ່ງເປັນສິ່ງແປກໃໝ່ ແລະ ບໍ່ເຄີຍມີໃນຮີດຄອງປະເພນີອັນດີງາມຂອງປະຊາຊົນລາວບັນດາເຜົ່າ ຫຼື ຫໍຜີ ອື່ນໆ ໄວ້ຕໍ່ໜ້າສໍານັກງານ, ອົງການທຸລະກິດ, ເຮືອນຊານຂອງຕົນ ເຊິ່ງເຫັນວ່າບໍ່ສອດຄ່ອງ ກັບຮີດຄອງຂະນົບທໍານຽມ, ຮີດຄອງປະເພນີລາວທີ່ມີມາແຕ່ກ່ອນ ແລະ ອີກຢ່າງໜຶ່ງ ເຫັນວ່າຕັ້ງໄວ້ໃນສະຖານທີ່ບໍ່ເໝາະສົມກັບສິ່ງສັກສິດຂອງປະຊາຊົນລາວ ເຄີຍມີແຕ່ຫໍຫຼັກບ້ານ ແລະ ຫຼັກເມືອງເທົ່ານັ້ນ.

ພາບປະກອບຂ່າວເທົ່ານັ້ນ

ສະນັ້ນ, ເພື່ອສະກັດກັ້ນ ບໍ່ໃຫ້ປຸກສ້າງສານພະພູມຂຶ້ນຕື່ມ ຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງ ທ່າແຕງ ອອກແຈ້ງການເຖິງ ທ່ານຫົວໜ້າຫ້ອງການແຕ່ລະຫ້ອງການ, ສອງກໍາລັງປະກອບອາວຸດ, ຫົວໜ່ວຍທຸລະກິດ, ອໍານາດການປົກຄອງບ້ານ ຕະຫຼອດຮອດພໍ່ແມ່ປະຊາຊົນທົ່ວເມືອງທ່າແຕງຊາບ ຫ້າມບໍ່ໃຫ້ສໍານັກງານທຸລະກິດລັດ ແລະ ເອກະຊົນ ພ້ອມດ້ວຍພໍ່ແມ່ປະຊາຊົນປຸກສ້າງຫໍບູຊາສານພະພູມ ແລະ ຫໍຜີ ໄວ້ຕໍ່ໜ້າສໍານັກງານອົງການທຸລະກິດ, ເຮືອນແບບເປີດແປນ ແລະ ໂລດໂຜນໂພດ.

ພາບປະກອບຂ່າວເທົ່ານັ້ນ

ສະນັ້ນ, ຈຶ່ງແຈ້ງມາຍັງທ່ານ ຫົວໜ້າຫ້ອງການແຕ່ລະຫ້ອງການ, ສອງກໍາລັງປະກອບອາວຸດ, ຫົວໜ່ວຍທຸລະກິດ, ອໍານາດການປົກຄອງບ້ານໃຫ້ຮີບຮ້ອນເຜີຍແຜ່ໃຫ້ປະຊາຊົນ ແລະ ປະຕິບັດຕາມແຈ້ງການ ສະບັບນີ້ຢ່າງເຂັ້ມງວດ ແລະ ເອົາໃຈໃສ່ຕິດຕາມກວດກາລາຍງານປົກະຕິ ໃຫ້ຫ້ອງການ ຖວທ ເມືອງ ໄດ້ຮັບຮູ້ ຖ້າບຸກຄົນໃດມີຄວາມເຊື່ອຖື ກໍ່ຄວນຕັ້ງໄວ້ບ່ອນລັບບັງ ເຊັ່ນ: ດ້ານຫຼັງຫ້ອງການສໍານັກງານ, ຮ້ານຄ້າ ແລະ ເຮືອນຂອງຕົນ ແຕ່ເປັນຫໍພະພູມທີ່ຜະລິດຂຶ້ນ ໃຫ້ຖືກຕ້ອງຕາມວັດທະນະທໍາລາວ.

ພາບປະກອບຂ່າວເທົ່ານັ້ນ
ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ