ສຳລັບຜູ້ທີ່ຮັກສາສຸຂະພາບ ຢາກໃຫ້ລອງກະແລັມນໍ້າເຕົ້າຮູ້ງາດຳ ເຊິ່ງເປັນສູດບໍ່ມີໄຂມັນຈາກນົມເນີຍ, ແຕ່ໃຊ້ນໍ້າເຕົ້າຮູ້ປະສົມງາດຳ ປຸງລົດຊາດດ້ວຍນໍ້າຕານ ແລະ ເກືອເລັກໜ້ອຍກໍໄດ້ກິນກະແລັມແບບສຸຂະພາບດີແລ້ວ.
ສ່ວນປະສົມ:
1 ນໍ້າເຕົ້າຮູ້ 1 ຖ້ວຍໃຫຍ່.
2 ງາດຳຂົ້ວບົດ 3 ບ່ວງແກງ.
3 ນໍ້າຕານຕາມໃຈມັກ.
4 ເກືອເລັກໜ້ອຍ.
ວິທີເຮັດກະແລັມ:
ເອົານໍ້າເຕົ້າຮູ້, ງາດໍາຂົ້ວ, ນໍ້າຕານ ແລະ ເກືອປະສົມໃຫ້ເຂົ້າກັນຈຶ່ງຄ້າງຂຶ້ນໃຊ້ໄຟປານກາງຈົນຟົດແລ້ວປົງລົງປະໄວ້ໃຫ້ເຢັນ. ຈາກນັ້ນ, ຖອກໃສ່ພາຊະນະແລ້ວໃຊ້ພລາສຕິກຖະໜອມອາຫານປິດ ແລະ ນໍາໄປແຊ່ຊ່ອງແຂງຈົນແຂງຕົວ.
ເມື່ອແຂງແລ້ວໃຫ້ໃຊ້ເຄື່ອງຕີແບບ Hand Mixer ຕີດ້ວຍ ຄວາມໄວເພາະເກັດນໍ້າກ້ອນຈະລະອຽດກວ່າການໃຊ້ເຄື່ອງປັ່ນທໍາມະດາ. ຈາກນັ້ນ, ກໍເອົາໄປແຊ່ແຂງແລ້ວເອົາມາປັ່ນອີກປະມານ 2 – 3 ຮອບ ຍິ່ງປັ່ນຫຼາຍຮອບເນື້ອກະແລັມກໍຈະນຽນ ແລະ ລະອຽດ.
ໝາຍເຫດ: ຖ້າກໍລະນີມີເຄື່ອງເຮັດກະແລັມເມື່ອຮອດຍາມຕົ້ມສຸກແລ້ວ ໃຫ້ເອົາໃສ່ເຄື່ອງເຮັດກະແລັມເລີຍ ແລະ ຈຶ່ງນໍາໄປແຊ່ແຂງກໍກິນໄດ້ເລີຍບໍ່ຈໍາເປັນຕ້ອງນໍາມາປັ່ນຫຼາຍຮອບ.
( ຂໍ້ມູນຈາກ: cooking.kapook.com )
( ຮຽບຮຽງ: ນຸ້ມນິ້ມ )