“ນາງສາວນະຄອນຫຼວງວຽງຈັນ 2020 ” ເປີດຮັບສະໝັກເລີ່ມແຕ່ມື້ນີ້ເປັນຕົ້ນໄປ ຈົນຮອດຕົ້ນເດືອນກຸມພາ, ສາມາດມາເອົາໃບສະໝັກ – ສົ່ງໃບສະໝັກ ( ບໍ່ມີຄ່າໃຊ້ຈ່າຍ ) ທີ່ສູນການຄ້າວຽງຈັນເຊັນເຕີຊັ້ນ 1 ( ດ້ານຫຼັງຈໍ LED ).
ຫຼັກຖານປະກອບໃນການສະໝັກ:
ໃບຮັບສະໝັກປະກວດນາງສາວນະຄອນຫຼວງວຽງຈັນ 2020/MISS VIENTIANE 2020.
ສຳເນົາບັດປະຈຳຕົວ/ສຳມະໂນຄົວ.
ສຳເນົາປະກາສະນີຍະບັດການສຶກສາທີ່ຈົບແລ້ວ.
ໃບກວດສຸຂະພາບຈາກໂຮງໝໍລັດ.
ຮູບຕິດບັດຂະໜາດ 3X4 ຈໍານວນ 1 ໃບ.
ຮູບສີເຕັມຕົວດ້ານໜ້າຂະໜາດ 5X7 ຈໍານວນ 1 ໃບ.
ຮູບຖ່າຍສີສະເພາະໜ້າບໍ່ມີເຄື່ອງສຳອາງ ແລະ ບໍ່ມີການແຕ່ງພາບ ຂະໜາດ 5X7 ຈຳນວນ 1 ໃບ.
ເງື່ອນໄຂຜູ້ເຂົ້າສະໝັກ:
1 ສັນຊາດລາວ.
2 ເພດຍິງໂດຍກຳເນີດ.
3 ຄວາມສູງ 1,60 ແມັດຂຶ້ນໄປ.
4 ມີອາຍຸ 16 ປີບໍລິບູນ ແລະ ບໍ່ເກີນ 25 ປີ ໃນເດືອນທັນວາ ປີ 2020 ນີ້.
5 ມີບຸກຄະລິກດີ, ສະຫຼາດ, ມີຄວາມຮູ້ – ຄວາມສາມາດ, ມະນຸດສຳພັນດີ ແລະ ມີຮູບຮ່າງທີ່ສວຍງາມ.
6 ເປັນໂສດ, ບໍ່ເຄີຍຜ່ານການສົມລົດ ຫຼື ການໝັ້ນໝາຍມາກ່ອນ.
7 ມີປະຫວັດຈະແຈ້ງດີ ແລະ ປະກອບອາຊີບທີ່ຖືກກົດໝາຍ.
8 ມີການສຶກສາຈົບມັດທະຍົມຕອນປາຍຂຶ້ນໄປ ແລະ ສາມາດອ່ານ, ຂຽນ, ເວົ້າ ແລະ ເຂົ້າໃຈພາສາລາວໄດ້ຢ່າງຄ່ອງແຄ້ວ.
9 ມີສຸຂະພາບແຂງແຮງຕ້ອງມີໃບກວດສຸຂະພາບຈາກໂຮງໝໍລັດຕິດຄັດມາພ້ອມ.
10 ມີຄວາມສາມາດໃນການສື່ສານທັງພາສາລາວ ແລະ ພາສາຕ່າງປະເທດ ( ຖ້າໄດ້ ).
11 ມີທີ່ພັກອາໄສໃນປະເທດລາວ.
12 ຖ້າວ່ານາງສາວໃດເຄີຍຮັບຕໍາແໜ່ງ ຫຼື ເປັນນາງສາວໂຄສະນາສິນຄ້າໃດໜຶ່ງມາກ່ອນ ຂອງຜູ້ທີ່ໃຫ້ການສະໜັບສະໜູນກອງປະກວດ ຕ້ອງມີໃບອະນຸຍາດຈາກຕົ້ນສັງກັດ ຫຼື ບໍລິສັດທີ່ກ່ຽວຂ້ອງບໍລິສັດຕົ້ນສັງກັດ ຈະຕ້ອງຍິນຍອມໃຫ້ນາງສາວຂອງຕົນເຄື່ອນໄຫວນຳໂຄງການປະກວດນາງສາວນະຄອນຫຼວງວຽງຈັນ ປີ 2020 ຖ້າໄດ້ຮັບຕໍາແໜ່ງ.
13 ຜູ້ທີ່ຖືກຄັດເລືອກເປັນນາງສາວນະຄອນຫຼວງວຽງຈັນ ປະຈຳປີ 2020 ຈະຕ້ອງໄດ້ເຄື່ອນໄຫວກິດຈະກໍາຕ່າງໆຂອງກອງປະກວດເປັນເວລາໜຶ່ງປີເຕັມ ທັງພາຍໃນ ແລະ ຕ່າງປະເທດຕາມທີ່ສັນຍາໄດ້ລະບຸໄວ້ຢ່າງເຂັ້ມງວດ.
ສາວໆທີ່ສົນໃຈຢາກລົງປະກວດນາງສາວນະຄອນຫຼວງ ວຽງຈັນ 2020 ສາມາດໄປເອົາໃບສະໝັກໄດ້ແລ້ວ ຕັ້ງແຕ່ມື້ນີ້ຈົນເຖິງມື້ປິດຮັບສະໝັກວັນທີ 02/02/2020 ທີ່ສູນການຄ້າວຽງຈັນເຊັນເຕີ ຊັ້ນ 1 ຫຼື ສາມາດສອບຖາມຂໍ້ມູນເພີ່ມຕື່ມໄດ້ທາງ ເຟສບຸ໊ກ: Miss Vientiane ນາງສາວ ນະຄອນຫຼວງວຽງຈັນ.
( ຂ່າວ: ນຸ້ມນິ້ມ )
( ຮູບ: Miss Vientiane ນາງສາວນະຄອນຫຼວງວຽງຈັນ )