ເປັນທີ່ຮູ້ກັນດີຢູ່ແລ້ວວ່າການອອກກຳລັງກາຍເປັນສິ່ງທີ່ດີຕໍ່ສຸຂະພາບ ແລະ ໃຫ້ຄຸນປະໂຫຍດທັງທາງກາຍ ແລະ ທາງໃຈໄດ້ຫຼາຍປານໃດ. ແຕ່ກໍ່ພາຕົນເອງໄປອອກກຳລັງກາຍໄດ້ຍາກທີ່ສຸດ, ທົດລອງຄິດເບິ່ງວ່າເຫດຜົນທີ່ໃຫ້ກັບຕົນເອງສ່ວນຫຼາຍແມ່ນມີຫຍັງແນ່.
1 ບໍ່ມີເວລາ: ເປັນຂໍ້ອ້າງທີ່ໄດ້ຮັບຄວາມນິຍົມທີ່ສຸດ ແລະ ເປັນອັນດັບ 1 ຢູ່ທຸກຍຸກ, ທຸກສະໄໝມາຕະຫຼອດ. ໃນ 1 ມື້ມີເວລາຢູ່ 1.440 ນາທີ ແຕ່ການອອກກຳລັງກາຍທີ່ໃຊ້ເວລາແຕ່ 10-20 ນາທີ ເພື່ອແລກປ່ຽນກັບປະໂຫຍດທີ່ຕົນເອງຈະໄດ້ຮັບແລ້ວເປັນການລົງທຶນດ້ວຍເວລາທີ່ຄຸ້ມຄ່າທີ່ສຸດ ແລະ ຍັງຈະຖ້າເວລາໄປຈົນຮອດມື້ໃດ.
2 ມື້ນີ້ເມື່ອຍເກີນໄປທີ່ຈະອອກກຳລັງກາຍ: ເປັນເຫດຜົນທີ່ຈະປັດໄປເຮັດໃນມື້ໜ້າ. ຖ້າຮູ້ສຶກວ່າເປັນແບບນີ້ ຕ້ອງໃຫ້ຄຳຕອບກັບຕົນເອງເລີຍວ່າ: ໃຜໆກໍ່ເມື່ອຍແຕ່ເປັນຫຍັງເຂົາເຈົ້າຍັງສາມາດໄປອອກກຳລັງກາຍໄດ້. ເຊິ່ງການອອກກຳລັງກາຍນິລະທີ່ເປັນໂຕຊ່ວຍຟື້ນພະລັງໃຫ້ກັບຮ່າງກາຍ. ນອກຈາກນີ້, ຍັງຊ່ວຍລະລາຍຄວາມຄຽດຈາກການເຮັດວຽກ ແລະ ບັນຫາໃນຊີວິດຄອບຄົວໄດ້ເປັນຢ່າງດີ ແລະ ຊ່ວຍໃຫ້ສົດໃສ, ເບິກບານມ່ວນຊື່ນ. ຖ້າມື້ໃດຮູ້ສຶກເມື່ອຍກາຍ ແລະ ເມື່ອຍໃຈ ມື້ນັ້ນຈະເປັນມື້ທີ່ເໝາະສົມທີ່ສຸດສຳລັບການອອກກຳລັງກາຍ.
” />
3 ບໍ່ມີອຸປະກອນຊ່ວຍອອກກຳລັງກາຍ: ໃນການອອກກຳລັງກາຍແມ່ນມີຫຼາຍວິທີທີ່ບໍ່ຕ້ອງອາໄສອຸປະກອນຫຍັງເລີຍຕົວຢ່າງ: ເປີດເພງເຕັ້ນຢູ່ບ້ານໃຊ້ເວລາມື້ລະ 20 ນາທີ ເທົ່ານີ້ຮ່າງກາຍ ແລະ ຫົວໃຈກໍ່ແຂງແຮງຂຶ້ນແລ້ວ.
4 ການອອກກຳລັງກາຍເປັນເລື່ອງທີ່ໜ້າເບື່ອ: ຖ້າມີຄວາມຄິດແບບນີ້ ກໍ່ຄວນຈະປ່ຽນວິທີການອອກກຳລັງກາຍໃໝ່ ເພາະການອອກກຳລັງກາຍມີຫຼາຍແບບ, ຫຼາຍວິທີ ຈະຕ້ອງມີວິທີໃດວິທີໜຶ່ງທີ່ມັກ ແລະ ຖ້າຢາກຈະໃຫ້ມັນເປັນສິ່ງທີ່ມ່ວນຍິ່ງຂຶ້ນໃຫ້ຊວນໝູ່ເພື່ອນໄປອອກກຳລັງກາຍນຳກັນ ເພື່ອແຂ່ງຂັນກັນຈະຮູ້ສຶກວ່າມັນເປັນສິ່ງທີ່ມ່ວນ ແລະ ທ້າທາຍຫຼາຍຂຶ້ນ.
5 ເຈັບຫຼັງບໍ່ຢາກອອກກຳລັງກາຍ: ກົງກັນຂ້າມກັນມີອາການເຈັບປວດຫຼາຍຢ່າງທີ່ເຊົາໄດ້ດ້ວຍການ ອອກກຳລັງກາຍເປັນປະຈຳເປັນຕົ້ນແມ່ນ: ເຈັບຫົວ, ເຈັບຫຼັງ ໃຫ້ທົດລອງປຶກສາແພດດ້ານກະ ດູກເບິ່ງວ່າ: ອາການເຈັບດັ່ງກວ່າເໝາະກັບການອອກກຳລັງກາຍປະເພດໃດຈຶ່ງຈະໄດ້ຜົນ.
6 ຕຸ້ຍເກີນໄປທີ່ຈະອອກກຳລັງກາຍໄດ້: ການອອກກຳລັງກາຍພ້ອມກັບການຄວບຄຸມອາຫານ ນອກຈາກຈະເຮັດໃຫ້ຫຸ່ນດີຂຶ້ນແລ້ວ ຍັງຊ່ວຍປ້ອງກັນຈາກພະຍາດຄວາມດັນ, ພະຍາດຫົວໃຈ ແລະ ພະຍາດຂໍ້ກະດູກໄດ້ນຳ. ໃຫ້ເລືອກການອອກກຳລັງກາຍທີ່ຫຼຸດຜ່ອນແຮງກະທົບ ເຊັ່ນ: ລອຍນ້ຳ, ຫຼີ້ນໂຍຄະ ຫຼາຍຄົນກໍ່ຄືສິບໍ່ຢາກຕຸ້ຍຕໍ່ໄປເພື່ອຖ້າໃຫ້ໂລກໄພໄຂ້ເຈັບມາຫາແນ່ນອນ.
7 ເຖົ້າເກີນໄປທີ່ຈະອອກກຳລັງກາຍ: ຫຼາຍຄົນທີ່ໜ້າອ່ອນກວ່າໄວກໍ່ໄດ້ມາຈາກການອອກກຳລັງກາຍ, ຜູ້ສູງອາຍຸຫຼາຍທ່ານກໍ່ເປັນຜູ້ນຳຂອງກຸ່ມອອກກຳລັງກາຍທີ່ຄ່ອງແຄ້ວຈົນຄົນໜຸ່ມສາວອາຍໄປເລີຍ. ການອອກກຳລັງກາຍທີ່ເໝາະສົມກັບຜູ້ສູງໄວກໍ່ມີຫຼາຍແບບເຊັ່ນ: ການຍ່າງໄວ, ການຍືດເສັ້ນຍືດ ເອັນ ຫຼື ກິລາການເຕັ້ນໃນນ້ຳ ຢ່າໃຫ້ອາຍຸມາປິດກັ້ນຫົນທາງສູ່ສຸຂະພາບທີ່ດີ ເພາະບໍ່ເຄີຍມີໃຜທີ່ ເຖົ້າເກີນຈະອອກກຳລັງກາຍ.
ເຫດຜົນເຫຼົ່ານີ້ທີ່ຫຼາຍຄົນມັກຈະບອກກັບຕົນເອງເພຶ່ອປະຕິເສດການອອກກຳລັງກາຍ ແຕ່ວ່າສຳ ລັບຄົນໃນຍຸກສະໄໝໃໝ່ນີ້ເຂົາເຈົ້ານິຍົມຊົມຊອບການອອກກຳລັງກາຍ ແລ້ວຖາມຕົນເອງເບິ່ງວ່າດຽວ ນີ້ເຮົາເປັນຄົນໃນຍຸກສະໄໝໃໝ່ແລ້ວບໍ.
