ວິທະຍາໄລການເງິນມີໄຊ ໄດ້ຮັບທຶນການສຶກສາ ມູນຄ່າ 10 ລ້ານກີບ - Laoedaily

ວິທະຍາໄລການເງິນມີໄຊ ໄດ້ຮັບທຶນການສຶກສາ ມູນຄ່າ 10 ລ້ານກີບ

ທ່ານ ນາງ ສຸດສະຫວາດ ເພັດສຸວັນ ຜູ້ອຳນວຍການ ໃຫຍ່ ບໍລິສັດ ພຣູເດັນໂຊລ໌ ປະກັນໄພຊີວິດລາວ ຈຳກັດ ແລະ ທ່ານ ນາງ ພິດສະໃໝ ຫຼວງລາດ ອາຈານຝຶກອົບຮົມພັດທະນາບຸກຄະລິກກະພາບ ຫຼື ( ໂຄສົກດາດ້າ ) ໄດ້ມອບທຶນການສຶກສາ 5 ທຶນ ມູນຄ່າ 10 ລ້ານກີບ ໃຫ້ແກ່ນັກສຶກສາທີ່ຢູ່ໃນເງື່ອນໄຂ.

ສໍາລັບທຶນການສຶກສາດັ່ງກ່າວເປັນທຶນສ່ວນຕົວທີ່ທັງສອງທ່ານມອບໃຫ້ແກ່ນັກສຶກສາທີ່ມີຜົນການຮຽນດີ, ໃຫ້ກຽດກ່າວຮັບຂອງ ທ່ານ ນາງ ໂອລີລັກ ໂສມອຸໄລ ຜູ້ອຳນວຍການວິທະຍາໄລການເງິນມີໄຊ ພ້ອມດ້ວຍນັກສຶກສາທີ່ມີເງື່ອນໄຂໄດ້ຮັບທຶນດັ່ງກ່າວເຂົ້າຮ່ວມ ແລະ ມີພິທີມອບ – ຮັບໃນວັນທີ 9 ມັງກອນ 2020 ທີ່ຫ້ອງປະຊຸມຂອງວິທະຍາໄລການເງິນມີໄຊ ນະຄອນຫຼວງວຽງຈັນ.

ວິທະຍາໄລການເງິນມີໄຊ ເປັນອີກສະຖາບັນການສຶກສາພາກເອກະຊົນ ທີ່ມີຫຼັກສູດການຮຽນ – ການສອນຕາມລະບົບຂອງກະຊວງສຶກສາທິການ ແລະ ກີລາວາງອອກ ໂດຍປະກອບມີຫຼັກສູດຊັ້ນສູງພາສາອັງກິດ, ທຸລະກິດ, ການເງິນ – ການບັນຊີ ແລະ ອື່ນໆ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ
error: Content is protected !!