ຄວາມຕັ້ງໃຈຂອງຫຼາຍຄົນທີ່ຢາກມີຫຸ່ນທີ່ດີນັ້ນຕ້ອງມີຈຸດມຸ້ງໝາຍດຽວກັນຄື: ການເລືອກກິນອາຫານທີ່ມີປະໂຫຍດ ແລະ ອອກກຳລັງກາຍ ແຕ່ມັນຕິດຢູ່ບ່ອນທີ່ວ່າກາງເວັນກໍ່ກິນຕາມຫຼັກແລ້ວອອກກຳລັງກາຍແບບໄດ້ສຸຂະພາບແລ້ວເປັນຫຍັງຕົກຕອນເດິກແລ້ວຫິວແບບນີ້. ຄວາມຕັ້ງໃຈທີ່ເຮັດມາຈະເສຍຖີ້ມລ້າຢ່າໂທດຕົວເອງ ຖ້າຫິວກໍ່ຈັດໄປມື້ນີ້ເຮົາມີອາຫານທີ່ສາມາດກິນໄດ້ໃນຕອນເດິກ ແລະ ດີຕໍ່ສຸກຂະພາບມາຝາກຫຼາຍໆຄົນທີ່ກຳລັງຕົກຢູ່ໃນສະຖານະການແບບນີ້.
1 ໂຍເກິດໄຂມັນຕ່ຳ: ການກິນໂຍເກິດໃນເວລາທີ່ຫິວ 1 ຈອກ ກໍ່ສາມາດເຮັດໃຫ້ຮູ້ສຶກອິ່ມ ແລະ ຢູ່ທ້ອງໄດ້ ແຕ່ຕ້ອງເລືອກເປັນໄຂມັນຕ່ຳບໍ່ປຸງແຕ່ງລົດຈົນເກີນໄປບໍ່ດັ່ງນັ້ນແລ້ວນ້ຳຕານມາເຕັມແນ່ນອນ.
2 ໝາກໄມ້: ບໍ່ວ່າຈະເປັນໝາກກ້ຽງ, ແອບເປິລ, ໝາກສີດາ ແລະ ອື່ນໆເຮົາສາມາດຮັບປະທານໄດ້ໃນເວລາທີ່ຫິວຕອນເດິກ ເພາະໝາກໄມ້ເຫຼົ່ານີ້ແຄລໍຣີຕ່ຳ ແລະ ເຮັດໃຫ້ອິ່ມທ້ອງອີກ ແຕ່ກໍ່ມີບາງຊະນິດທີ່ມີນ້ຳຕານຫຼາຍຄວນເລືອກກິນໃຫ້ເໝາະສົມນຳ.
3 ນົມໄຂມັນຕ່ຳ: ການເລືອກດື່ມນົມອຸ່ນໆກ່ອນນອນ 1 ຈອກ ກໍ່ເປັນອີກໜຶ່ງທາງເລືອກທີ່ດີ ແລະ ມີປະໂຫຍດຄວນເລືອກນົມທີ່ໄຂມັນຕ່ຳ.
4 ດື່ມນ້ຳ: ອີກໜຶ່ງສິ່ງທີ່ຫາໄດ້ງ່າຍໆເພາະໃກ້ຕົວເຮົາສຸດໆນັ້ນກກໍ່ຄືນ້ຳ ເພາະການດື່ມນ້ຳຈະຊ່ວຍຫຼຸດອາການຫິວໄດ້ແຖມການດື່ມນ້ຳກ່ອນນອນຈະຊ່ວຍໃຫ້ຮ່າງກາຍໃນຕອນທີ່ຫຼັບນັ້ນບໍ່ຂາດນ້ຳຫຼາຍເກີນໄປ ແລະ ຕື່ນເຊົ້າຜິວພັນກໍ່ສົດໃສອີກດ້ວຍ.