ສູດ​ນ້ຳ​ປັ່ນ​ໝາກ​ໄມ້​ເພື່ອ​ຜິວ​ພັນ​ທີ່​ສົດ​ໃສ​ - Laoedaily

ສູດ​ນ້ຳ​ປັ່ນ​ໝາກ​ໄມ້​ເພື່ອ​ຜິວ​ພັນ​ທີ່​ສົດ​ໃສ​

ອາດ​ຈະ​ເຄີຍ​ໄດ້​ຍິນ​ມາ​ກ່ອນ​ແລ້ວ​ກ່ຽວ​ກັບ​ການ​ທີ່​ກິນ​ຜັກ​ສີຂຽວ​ຫຼາຍ​ເທົ່າ​ໃດ​ກໍ່​ຈະ​ຍິ່ງ​ດີຕໍ່​ສຸຂະພາບ​ກາຍ ​ແລະ ຜິວໜັງ. ​ແຕ່​ກາ​ນ​ເຮັດ​ນ້ຳໝາກ​ໄມ້​ທີ່​ມີ​ປະ​ໂຫຍ​ດ ​ແລະ ມີ​ລົດ​ຊາດ​ທີ່​ດີ​ກໍ່​ຈະ​ສາມາ​ດກິນ​ໄດ້​ແບບ​ຕໍ່​ເນື່ອງ ດີກ​ວ່າ​ຈະ​ໄປ​ບັງຄັບ​ໂຕ​ເອງ​ໃຫ້ກິນ​ແຕ່​ສິ່ງ​ທີ່​ມີ​ປະ​ໂຫຍ​ດ​​ເຫຼົ່າ​ນັ້ນ ​​ໂດ​ຍສະ​ເພາະບາ​ງຄົນ​ອາດ​ຈະບໍ່​ມັກ​ກິ່ນ ຫຼື ລົດ​ຊາດ. ດັ່ງ​ນັ້ນ, ຈຶ່ງ​ມີ​ສູດ​ນ້ຳ​ປັ່ນ​ທີ່​ມີ​ປະ​ໂຫຍ​ດຕໍ່​ຮ່າງກາຍ ​ແລະ ຜິວ ພ້ອມ​ກັບ​ລົດ​ທີ່​​ແຊບ​ນຳ​ອີກ.

ສ່ວນ​ປະກອບ.

ແອບ​ເປິ​ລ 2 ໜ່ວຍ.

ຫົວ​ກາຣົດ 1 ຫົວ.

ໃບ​ຜັກກາດ​ນາ 3-4 ​ໃບ.

ຂິງ​ຊອຍ 1 ບ່ວງ​ແກງ.

ນ້ຳ​ສະອາດ 1 ຈອກ.

ວິທີ​ປຸງ​ແຕ່ງ.

ນຳ​ສ່ວນ​ປະສົມ​ທັງ​ໝົດ​ໃສ່​ເຄື່ອງ​ປັ່ນ ​ແລ້ວ​ປັ່ນ​ໃຫ້​ລະອຽ​ດຖອກ​ໃສ່​ຈອກ​ ​ແລະ ດື່ມ​ທັນ​ທີ່​ເພື່ອ​ຮັກ​ສາ​ຄຸ​ນຄ່າ​ທາງ​ອາຫານ ( ສຳລັບ​ບາງ​ຄົນ​ທີ່ບໍ່ມັກ​ຈືດ​ກໍ່​ສາມາດ​ໃສ່​ນ້ຳ​ເຊື່ອມ​ໄດ້​ໜ້ອຍ​ໜຶ່ງເພື່ອ​ເພີ່ມ​ລົດ​ຊາດ​ເທົ່າ​ນັ້ນ ບໍ່​ຄວນ​ໃສ່​ຫຼາຍ​ເກີນ​ໄປ​ເພາະ​ຈະ​ເຮັດ​ໃຫ້​ຕຸ້ຍ​​ໄດ້).

ສັບພະ​ຄຸ​ນ:

ແອບ​ເປິ​ລ​ແມ່ນ​ສາມາດ​ຕ້ານທານ​ພະຍາ​ດ​ໄດ້, ຫຼາຍ​ຄົນ​ກໍ່​ອາດ​ຈະ​ເຄີຍ​ຮູ້​ມາກ່ອນ​ແລ້ວ​ວ່າ​ການ​ກິນແອບ​ເປິລ​ແມ່ນ​ດີ​ຕໍ່​ຫົວ​ໃຈ ​ແລະ ລະ​ບົບຍ່ອຍ​ອາຫານ. ​ແຕ່​ຍິ່ງ​ໄປ​ກວ່າ​ນັ້ນ​ຍັງ​ເຮັດ​ໃຫ້​ຜິວ​ພັນ​ສົດ​ໃສ​ມີ​ນ້ຳ​ມີ​ນວນ​ອີກ ​ເພາະ​​ໃຍອາຫານ​ຈາກ​ແອບ​ເປິ​ລ​ແມ່ນ​ສາມາດ​ກຳຈັດ​ສານພິດ​ອອກ​ຈາກ​ຮ່າງກາຍ​ໄດ້ ​ແລະ ​ເມື່ອ​ສານພິດ​ຖືກ​ກຳຈັດ​ອອກ​​ໄປ​ແລ້ວ​ກໍ່​ຈະ​ເຮັດ​ໃຫ້​ສຸຂະພາບ​ດີ​ຂຶ້ນ.

ຂິງ​ແມ່ນ​ຖື​ກ​ໃຊ້​ເປັນ​ຢາ​​ເພື່ອ​ຮັກສາ​ຄວາມ​ງາມ ​ແລະ ສຸຂະພາບ​ມາ​ແຕ່​ອະດີດ​ແລ້ວ. ​ເຊິ່ງ​ເປັນ​ເວລາ​ກວ່າ 1.000 ປີ​ມາ​ແລ້ວ ​ເພາະ​ມັນ​ປະກອບ​ດ້ວຍ​ໂພ​ແທສຊຽມ, ​ແມ​ກນີຊຽມ, ​ແມງ​ກາ​ນິສ, ວິຕາມິນ C, B6 ​ແລະ ສານ (antioxidant) ທີ່​ຊ່ວຍ​ເຮັດ​ໃຫ້​ຜິວ​ບໍ່​ຖື​ກທຳລາຍ​ຈາກ​ຣັງສີ​ອັນຕະລາຍ​ຕ່າງໆ​ທີ່​ເບິ່ງ​ບໍ່​ເຫັນ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ