ໝົດປີ 2019 ແຂວງຄໍາມ່ວນ ມີອຸບັດເຫດເກີດຂຶ້ນ 59ລາຍ ໃນນັ້ນ ມີຜູ້ເສຍຊີວິດທັງໝົດ 21ຄົນ ພ້ອມບາດເຈັບສາຫັດອີກຈໍານວນຫຼາຍ.
ພາບປະກອບ
ທ່ານ ພັຕ ບຸນອ້ອມ ພົມມະຈັນ ຮອງຫົວໜ້າພະແນກຕຳຫລວດຈະລາຈອນ ແຂວງຄຳມ່ວນ ໃຫ້ຮູ້ວ່າ: ໃນປີ 2019 ທີ່ຜ່ານມາ, ທົ່ວແຂວງຄຳມ່ວນ ມີອຸບັດເຫດເກີດຂຶ້ນທັງໝົດ 59 ລາຍ, ມີຄົນບາດເຈັບເລັກໜ້ອຍ ຫາເຈັບສົມຄວນ 123 ຄົນ, ເຈັບສາຫັດ 20 ຄົນ ແລະ ເສຍຊີວິດ 21 ຄົນ.
ໃນຂະນະທີ່ໃນໄລຍະ 4 ວັນການສະເຫລີມສະຫລອງປີໃໝ່ສາກົນ (30/12/2019-02/01/2020) ມີອຸບັດເຫດເກີດຂຶ້ນທັງໝົດ 8 ລາຍ, ມີຜູ້ບາດເຈັບເລັກໜ້ອຍ ຫາເຈັບສົມຄວນ 14 ຄົນ, ເຈັບສາຫັດ 1 ຄົນ ແລະ ເສຍຊີວິດ 1 ຄົນ.
ທຽບໃສ່ປີ 2018 ການເກີດອຸປະຕິເຫດແມ່ນຫລຸດລົ ແລະ ຈໍານວນຄົນເສຍຊີວິດຫລຸດລົງ 11 ຄົນ. ສ່ວນສາເຫດຫລັກທີ່ພາໃຫ້ເກີດອຸບັດເຫດ ແມ່ນການດື່ມສິ່ງມຶນເມົາແລ້ວຂັບ, ຂັບຂີ່ລົດໄວເກີນກຳນົດ, ສະພາບເຕັກນິກລົດບໍ່ຮັບປະກັນ, ລະເມີດກົດລະບຽບຈະລາຈອນ, ລວມທັງສະພາບເສັ້ນທາງເປ່ເພເປັນຂຸມ ແລະ ອື່ນໆ.
ຂໍ້ມູນຈາກ: ຂ່າວສານປະເທດລາວ
